من مثلي ماتاكل فوليك ولا حديد ولا كالسيوم ؟

بيبسي
ابشري بعدام سنونك ولينة عظامك
لو اني عندك كان صارت علوم
ياعمري الكالسوم ضروري لعظامك وعظام البيبي
على بالك الغذاء اللي تاكلينة بيكفيك والا يكفية
وليتة مفيد بعد بيبسي وتراب
انتبهي والحديد كمان ضروووري لايقدر الله يصر عندك فقر دم

هلا نبع الانوثه انا وضعي اسوا من وضعك ما استعملها لا ومسويه حميه وكل شوي اشرب ببسي دايت الله يستر

لا ياقلبي إنتبهي الله يستر ..

البيبسي مضر معروف عاد وشلون حامل ..

حرام عليك تراه في ذمتك لو صار فيه شئ ..

لإنك أهملتيه مسكين ..

والله يكتب لك مافيه الخير ..

" أمنية عمري "

والله ياأخيتي ومن سمعك

أنواع الإهمال !!

والله عاد أنا موب كله إهمال .............أنا ذبحتن معدتي بالحرقان

ماعمر جان مثل هالحرقان !!حتى وزني مازاد إلا 4 كيلو من بداية الحمل

ماهيب عادتي !!بالعاده ماآصل الرابع إلا أنا طاقة العشره كيلو

ولا أولد إلا أنا مركبة 25 كيلو !!

بس هالمره الله يستر يا بنت الحلال لا فوليك ولا حديد ولا كالسيوم ولا حليب ولا لبن ولا زبادي

كلهن يحمن كبدي !!

والكراث والله إني بالعاده آكله لين أقول آمين

ماشاء الله عيالي تجي شعورهم تضرب على كتوفهم !!

هالمره شوفيه بثلاجتي شاتر يهبل توه واصل من عنيزه والله ماذقته ولا لي به خبر


ورحت اليوم للدكتوره وأحتسي عليه وأتشره على روحي !!

قالت أهم شئ الحديد أنتي راعية فقر دم الله يرحم حالك وش أنتي تاكلة روحك عليه

قلت ماأقدر وتستلمن هي ورجلي وهات ياتفلسف وتقول لي بتدفعين الثمن غالي

الخوف عليك أنتي ولا الطفل إن شاء الله بيسحب من جسمك إحتياجاته

عاد يوم قالته !!كنه قايلة لي دوك مفتاح الجنه !!

أهم شئ هالضعيف اللي ببطني وإلا أنا بكيفي

عاد يوم حطتن بغرفة التخطيط وأبرد كبدي من رجلي !!

قلت هالحين أمي وأمك يوم يحملون بنا آخذين فيتامينات !!

هذاك اللي يشوفك يقول راضعن مع سلم !!

وأنا راضعتن مع سلم ثاني بس أقصر منه !!

يابنت الحلال ماهنا إلا العافيه إن شاء الله

بس كانتس تاركته عجز وإهمال مالك حق

أنا هاذاي أتضوكع تقل أم ستين سنه

تصدقين أول مرررررره أكتب بالقصيمي أحس إني كني أسولف ومادريت عن نفسي !!

عاد الحمدلله أنا أفضل منكم بشوي أخذت فيتامينات وحديد لكن الكالسيوم والله مادري عنه وسبب لي المشكلة اللي ذكرتها لكم وهي آلام شديدة في الظهر كالطلق تماماً يعني صار النقص فقط بجسمي ويكون في معلوميتك إذا كان جسمك سليم تماماً من كل شر فإن الجنين يمتص الفوائد منك ويكون هناك فائض لك بينما لو كان جسمك ضعيف أساساً فإن الجنين يمتص منك ولايفيده ذلك ولايفيدك أنت أيضاً فتكون الطامة مضاعفة عليك وعلى الجنين فانتبهي لفسك وللجنين عزيزتي