جايبتلكم اليوم طرق مختلفه لتقديم البان كيك بعضها تراديشنال على قولتهم وبعضها مبتكر
من عندي وبعضها مسروقه من التلفزيون...<<<<اللي يسمع يقول مجلد كلها 4مدري 5 طرق
المهم يا حلوات
انا استخدم الخليط الجاهز اسهل واحلى
هنا ينباع في جك زي حق العصير تصبين عليه مويه وعلى طول عالصينيه
بس الضاهر في السعوديه يجيك زي خليط الكيك
المهم اعتقد ان كل الطرق تؤدي الى روما
اسفه عالاطاله وبسم الله نبدا
عشان يطلع البان كيك منفوخ وحلو ومزبوط زي حق ماكدونالدز او كودو
اول شئ سخني طاوم تيفال صغنونه وحطي فيها قطعه صغيره زبده
وانتبهي لا تحترق خلي النار واطيه
بعدين صبي الخليط
ويخليه ينجح على نار هاديه لا ترفعين النار عشان بسرعه يحمر وبعدين تلاقينه مو مستوي من فوق
وبعدين اذا شفتي الفقاعات طلعت زي كذا اقلبيه برفق
زي كذا
ارجو عدم الرد الى ان يكتمل الموضوع
وهذي الصور بعد ما حطيته في الصحن
الحين نجي للتزيين
يا انك تحطين الصوص او الشيره حقت البان كيك ويا سلام سلم عالطعم
واذا حابه تبتكرين
ممكن هذي الطريقه
في زبديه على جنب
تقطعين موز شرايح لا طوليه ولا عرضيه وسط
اكيد مافهمتو بس في الصوره يبان ان
شاء الله
وتقطعين تمر قطع صغيره وتعصرين عليهم شويه ليمون
وتصبين شويه شيره بان كيك وتحركينهم مع بعض
بعدين صبيها على البان كيك
وارجعي اضيفي القليل من الصوص عليهم كلهم
زي كذا وتمتعي بالطعم اللذيذ
<<<<<<<<<<<<<<<<<<<<<<<<<<<<<<
الحين نجي للطريقه الثانيه
بان كيك بجبنه الكيري والنستله<<<حتى البان كيك ماسلم من الكيري+النستله
بعد ما تصبي خليط البان كيك في الطاوه ضعي قطع الكيري على طول وتقدرين ترشين سينامون بس زوجي مايحبه عشان كذا ماحطيت
زي كذا
واذا طلعت الفقاعات اقلبيه
لايك ذيس
واذا نجح قدميه وصبي عليه الحليب النستله
لذيذ جدا انا بصراحه اكتشفت اختراع اذا نفسي في السينابارت اللي زي الخليه بس عليه
سينامون وحليب نستله هذا ترى يأدي الغرض وزود لانه نفس الطعم وهذا لين زي القطنه
يتبع