كل وحده غير عن الثانية
اللي اعرفه كل ما كان النونو صغير يشبع بسرعة
لكن بعد ما يكبر ما راح يكفيه حليبك
تقريبا بعد سنه وهنا هو اساساراح يبدا ياكل

عادي اعطيه
بس المشكلة ان الطفل ما يمسك الصدر مع الرضاعة
يترك واحد منهم
انتي حاولي انا كل اولادي احاول اوازن وافشل 😅

ماشاء الله رضعت ولدي 9 شهور بعد ماتعبت مع بنتي بقلة المناعه وان السبب هوه اني مارضعتها طبيعي بسبب رفضها
اكثر من 4سنوات وانا بنتي معاها اسهال الله يكرمكم من مستشفى لمستشفى وتنويم وتعب وكان احيان دم
وحلفت اني لو حملت لارضع طبيعي
وفعلا الحمد لله ماتتخيلين قد ايش سهله واسهل بمليون مره من غسل الرضاعه وتجهيز الحليب والنظافه وسبحان الله ماتخافين اذا الحليب تسمم يعني كله بجسمك
ممكن تتعبين اول شهر او ثنين لحد مايمسك الطفل الصدر ويتمكن منه تماما
حاولت امي الله يطول بعمرها اني اساعده برضاعه لكن رفضت لان بنتي سبب رفضها جربت الرضاعه الصناعيه
طفلى كان جسمه مره ضعيف وصغير رحت لاستشاري اطفال قالي صدرك وبس لاتقلين مويه ولا عسل ولا اي شي غير صدرك
صدرك فيه الفوايد كلها والماء حتى لو الكميه قليله افضل من قاروره من الرضاعه الصناعيه اقنعني بصراحه
توكلت على الله يساعدني واحزن عليه اذا بكي لكن كنت مره يمين ومره يسار اهم شي انه ياخذ شي حتى لو قليل اهتميت بصحتي عشانه كنت اشرب حليب ابتعدت عن المشروبات الغازيه بحكم وحده اكبر منى كانت تقول لي
ابتعدت عن الاشياء المضره وكثرت سوائل مرقه شربه حلاوه طحنيه اي شي يزيد الحليب مويه بس
كنت اشتري كرتون حليب ليه انا اشرب منه السعوديه او صافي من غير نكهات مع اني اكره شي اسمه حليب بس لاني شفت الويل مع بنتي قلت لازم
مع انه حتى هوه كان معاه الله يكرمكم اسهال شكله يتحسسو من الحليب بس بشكل اخف شوي عن اخته
والحمد لله كنت اذا بطلع ارضعه بسياره اخذ لبس سهل اني اطلع فقط الحنمه والعبايه بطقطق والطرحه طويله وكنت ادخله تحت الطرحه اذا كنت بسياره
ومااحد يحس عليه
الكلام غير والفعل اسهل بكثير ربي سهلها وماحسيت الحمد لله
الي يرضعو صناعي ريحة الغرفه وريحه استفراغهم وريحتهم لما يستفرغو عكس الطبيعي وهذا الشي كان مرره مريحني بنظافته ولما احد يسلم عليه
والغرفه وعرقه يعني سبحان الله غير
ماكنت احدد اكل معي كنت اكل الي احبه الثوم البصل الحار بس مو دايم لانه يغير بطعم الحليب على ماسمعت والله العالم
والحين ادعي الله يرزقني طفل سليم معافا وباذن الله ارضعه طبيعي من غير تردد

سبب اني وقفت الرضاعه كان المعفن توه تطلع اسنانه ويعضني وكنت اصيح وانا نايمه هههههههههههههه
ولما اكون صاحه اخذها لعبه وبصراحه مولم وهذا الي خلاني اتركهه لاني يسويها فجاءه وافز من مكاني

بقولكم تجربتي
انا عندي اخت اخصائية رضاعة طبيعية
من لما حملت و هي كانت تعطيني دروس بالمجان
و الفرق بين الطبيعي و الصناعي
خلتني أكره الصناعي
و لما ربيت طبعا بكرية و أول أسبوعين شفت العذاب من التشقق و الصياح انه مافي حليب
و هي ع راسي مسكينة تنبهني للصغيرة والكبيرة


لين الحمدلله بنتي عرفت ترضع و مشت الشخزر و لمت كملت ال8 شهور حملت


وقلت بفطم و ما خلتني
و الحمدلله ما شاء الله تبارك كنت فالتاسه و أرضع
لين قبل الولادة بكم ساعة أرضعها
و الحمدلله مربية قريب ال3 شهور
و حاليا ءرضع الثنتين طبيعي تبارك الله




الصناعي يا بنات يدمر مناعة الطفل
كل شوي فيه شيى غير حساسية الصدر
غير تشيلين هم الرضعة و نظافتها
و أحلة ما في الطبيعي ان الطفل تبارك الله ما يرجع بعدها
غير انه شعور حلو تلمين طفلج على صدر
و الطفل يحس بحنان أمه


الله يرزق كل محرومة يا رب