الحقوني مره اكرهه ومره عادي

السلام عليكم ورحمة الله وبركاته



بنات انا عندي مشكله ومكتوووووووووووووووومه ومالقيت احد اشكي له غيركم صح انا مااعرف احد منكم
لكن احسن اني اعرفكم كلكم

قصتي مثل ماهو واضح بالعنوان

انا تملكت قبل فتره على واحد انا مو مره مقتنعه فيه خصوصا ان عمره مثل عمري وهالشي للاسف مااكتشفته الا بالملكه
هما كانو قايلين انه اكبر يمكن غلطو بالحساب ماادري
ومو حابه شكله ابد ماادري ليه احسه ناعم وانا كللللللللش مو ناعمه

ويمكن لاني بااسكن عند اهله امه ماعندها الا هو ولد مع انها حرمه مررررررره كبيره وطيبه نعرفها من قرايبنا

مااادري وش اللي فيني مررررره اكررررررههههههه ومره عادي
ومره استلطفه بس مااحس بهذاك الشوق والحب

يمكن كل يوم ابكي من الهم مو هاذا الشخص اللي ببالي ولا يشبه له ابد
انا كنت ابي واحد شخصيته حلوه وعنده فكر للاسف زوجي مو كذا ابد للاسف ( ويارب لا تعاقبني) احسه تافه

لا وماعنده منطق سواليفه كل بياخات تمرضننننني

غير كذا هو ولد حلال وطيب وظيفه محترمه واهله ماعليهم

بس الحب من الله مو قادره احبه لا وفوق كل هاذا حيووووووووووووووووووووووي

تخيلو يستحي مني ساعات يضيع بالكلام وانا وانا بنت مااستحي مثله ( مو بمعناها الشين طبعا )

ماادري وش الي فيني هل هو خوف من الزواج لاني مو صغيره بدخل 26 قريب
مو فكرتي عن الزواج طرحه وزفه


اااااااااه بس احس نفسي مخنوووووووووووووووووقه
ساعات يدق اطالع الجوال وربي مالي خلق ارد

احاول قد مااقدر بس ماش

وخايفه اقول لاهلي لاني رديت ناس كثيرررررررر وفيه منهم بدون اسباب تقنع اهلي

اخاف اقول ماابيه يزعلون وفوق هاذا ببيصير اسمي مطلقه ومسكين هو ماله ذنب ينصدم

ماادري هو يحبني والا لا ساعات ناااااااااادره يقولي كلام حلو طبعا وهو في قمة حياه

ماادري كيف اذا تزوجته

وحده من صاحباتي تقولي وضعك عادي انا كنت زيك بعد الزواج تغيرت
والثانيه ماكنت تحبه وللحين هو بالنسبه لها عاد تخيلو زوجها مشاعرها ناحيته عادي قمة الاحباط


دايم اسال نفسي ليه انا مو زي باقي صاحباتي الي تزوجو كانو فرحانات وانا لا بموووووووووت من خوفي

ساعات كثير ابرد على قلبي واقول هي تجربه وانا بديتها بكملها يمكن تكون حلوه ويمكن لا واذا كانت لا الطلاق هاليومين صار شي عادي
واتوقع ان اهلي بيقدرون وضعي

زواجي بعد 10 ايام تقريبا مو قادره اركز وفيني الف عبره

ولا تقولون استخيري لاني كل يوم استخير ولاجئه لربي وموكله امري له

ابي رايكم من جد تعبتتتتتتتتتتتتتتتتتت

هي الحياة كذا بعيده عن كل الاحلام والواقع فيها مر؟؟
وممكن هالحزن اللي فييني ينقلب فرح؟؟