الله يهون علي وعليكم ويرزق كل محرومه يارب بالضنا عاجلا غير اجل
اليوم رحت لعطار واخذت اغراض النفـــــــــــاس على خيرة الله ابدى
عسل الشفا لاني محتاره وش التقليد والاصلي خذت ذا الي اعرفه من طلعت على الدنيا
سمن غنم اصلي الي بالكيلو
تمر عاد التمر خذت نبوت سيف وسكري
وطحين بر
ولحم
والخضار والفواكه بوقتها عاد ان شاءالله اذا ولدت
اغراض العطار
حلبه
حبة سوداء
مر
شمر
ماش
زعتر
قشر قهوه
زنجبيل
فلفل ابيض
فلفل اسود
مسمار << عويدي
قرفه << دارسين
ليمون اسود
حلتيته << لاتقولون اطبخيها ومدري ايش انتبهوا بغيت اموت من ريحتها بس دخت
سكر نبات
يانسون
كمون
رشاد
بابونج
فلفل هوا ؛ عود هوا ؛ خواجوا ؛ قشر بصل حق بيتنا احسن
ارطا
وبث ..
المطلوب منكم ساعدوني وش اللهوم العشرين الايام اولى والعشرين الاخيره ؟؟
ومتى ابدى بالكبو؟؟
وش طريقه قهوة القشر لاني والله ماعرفها؟؟
وش الي على فكة الريق وش الي بين الاكل وش الي قبل النوم ؟؟
الارطا متى ابدى تشطف بها ؟؟
الزيت زيتون والخواجوا والمره متى ابدى ادهن الخياط فيها ؟؟
متى اربط بطني؟؟
وش افضل المشد الاندونيسي ؟؟ والا الطبي ؟؟ والا شيله والا شماغ ؟؟
الطفل لين تمغص وش اشربه ؟؟
الله يجزاكم الف خير ولايهينكم ويوفقكم ويحقق لكم ماتتمنون يارب