السلام عليكم
من زمان قريت هون ريجيم عن زبادي وموز وبرتقال .....
رحت جربت ماقبلت الطعم ابدا ......
وطنشت الموضوع و تركت الريجيمات وبس ضل الوزن ثابت الحمدلله
هلاء انا وزني 75 بدي اوصل للـ63 يعني بدي 12 كيلو
ماشيه على ريجيم السعرات ... وماعم ينزل وزني يعني يادوب كيلو وبيرجع بسرعه هالكيلو
مبارح قلي زوجي على اكله بيعملوها اهلو على العشاء وانا كنت صايمه قلي كتير لذيذه سويلي ياها ...
عباره عن ( كوب خيار مقطع + كوب بندوره مقطعه + كوب لبن زبادي + ملعقة طعام زيت زيتون + فص ثوم + ملح وكمون ونعناع و بابريكا )
واخلطي الكل مع بعض
اليوم حسبت السعرات لهادا الطبق طلعو حوالي 400 كالوري للمقادير المذكوره
قلت ببالي ايش رايكم نعمل ريجيم على هالطبق هادا بحيث انو نعمل صحنين من هالسلطه هي
اول صحن ناكلو فطور كلو
ونص صحن ناكلو غدا
والنص التاني عشا
وازا بدكن تصومو ممكن تاكلوه ( صحن افطار وصحن سحور)
ومابدي اقلكن اديش مشبع يعني بتصد نفسك عن الاكل كتير بتحسب المعده فل
واشربي مي كتير
رح اجرب اسبوع من تاريخ بكرا ان شاء الله ورح اصوم طبعا كل يوم لانو شعبان بحب اصوم فيو
ورح نشوف النتائج
والي حابه تجرب ياريت لانو بكرا رمضان وعزايم وحلويات وايش بعرفني اكيد طالعين بكم كيلو للعيد
يلزم عليك تسجيل الدخول أولًا لكتابة تعليق.
الصفحة الأخيرة
بلغينا بالنتائج ياورد