الولادة في مستشفى القوات المسلحة بجدة والخياطة !!!!!

انتي وحظك

كويسين.مرة
وعناية احسن من الخاص ماشاءالله 
وفي بنج.للخياطه
ربي يسهلك.ويقومك بالسلامة 

مشكورة مهاوي عالرد الله يجبر بخاطرك


وين تجارب الباقين ؟؟؟؟؟

انا ولدت عندهم معاملتهم سيئه وحطت بنج وقت الخياطه بس حسيت بالألم

والله على حظك
ممكن تكون ممتازة وممكن تكون رديئة

بالنسبة لي ولدت عام 1425 هـ بولدي الأول

لكن مااسميه مستشفى صراحه اسميه مجزره

ولا الممرضات ممرضات بل جزارات

كل مااتذكر ولادتي اتحسب عليهم واحد واحد

وانا جربت عندهم ولادة ووتنويم ثلاث مرات لعيالي ... مرة ولدي ماعرف يرضع لانه خديج ورجعت ونوموه اسبوع عشان يعلمونه
الرضاعه وكنت معه

ويوم صار عمره عشر شهور سويت له في العسكري عملية تعديل مسار البول

وولدي الثاني كان معه صفار شديد ونوموه 10 ايام


وكلها كانت سيئة

تعامل ونظافه وعلاج وأكل كلهاااااااااااااااااااااااااااااا سيئة للغاية



خليني اعطيك موجز باللي صار لي بس وقت الولادة

طبعا انفكت موياتي في الاسبوع 35 في الشهر الثامن

ورحت للطواري

وقلت المويات منفكه وبكر

بعد طول انتظار والمويات تصب

دخلوني على الكشف المبدئي للطلق في الطواري

ويسألوني معك ألم وانا اقول لا

بس المويه تنزل ولا احس بشي

وبالفعل مافي طلق

بعدها اخذوني لغرفة فوق واخذوا عينات من تحت

وكان الكشف مؤلم جدا

وبعدها قرر الدكتور ينومني ويخليني لين ادخل التاسع

ويبي يوقف المويات

بس تخيلي من الصبح تصب يعني نشف البزر وهم مايبون يولدوني

بعدين طلب الدكتور ينزلوني اخذ اشعة

وتخيلي نزلتني الممرضة وحطتني في انتظار الحوامل مع الجميع

ومويتي تصب ورااااحت

انتظرت عشر دقايق

ربع ساعة

نص ساعة

ساعة

ساعة وربع

والدور يمشي على الحريم المراجعات

وانا اللي طواري ومويتي تصب ونزلت على رجولي ونقطت في الارض

ومادخلوني

المهم كنت صغيرة وهبله ولا معي احد

قلت للمصرية اللي تمشي الدور

انا متى دوري ؟؟

قالت وش اسمك ؟؟

قلت لها

قالت مافي لك ملف ؟

قلت انا جايه طواري وشوفي المويه نزلت وغرقتني

والمويه من الصبح نازله

قالت محد قال لي

واخذتني وودتني لغرفة الاشعة

وتعالي شوفي محتاسه

غرقاااانه مويه

عباتي ولبسي والكرسي

ولا احد يساعدك انا لازم اطلع بنفسي للسرير واغطي نفسي ولمن اقوم معاااااناه في السرير الصغير الضيق

والفلبينية تتأفأف

ورجعت للكرسي وطلعتني في السيب

والسيب ضيق

في الاخير قابلت سعودية طبيبه او ممرضه ماادري

قلت لها انا من الطواري وملطوعه ساعتين ومويتي تصب

والحين خلصوا الاشعة وش اسوي

راحت دقت على التنويم وجت الحيوانه الممرضه اللي رمتني ورجعت اخذتني للغرفة

طبعا فاتني العشا

طلبت شي أكله ورفضت تقول مافي شي

وكل شوي تجي تكشف علي من تحت كأني حيوان او جماد مااحس

تبهذلت من المعاملة السيئة والجوع

خصوصا بكريه ولا راعوا هالشي

جلست ادعي ربي طول الليل وابكي وكلمت زوجي وطلبته يجيب لي تمر عجوة ومويه وترمس قرفة

وجابها بس مادخلوه الا بعد ساعه جالس يتهاوش مع الامن .. لا رضي يدخله ولا رضي يرسل الاغراض رغم ان زوجي ضابط

لكن في الاخير ماادري كيف دخل

حطها وراح

اخذت المويه وقريت عليها الفاتحه وايات الطلق

وشربت منها وصبيت الباقي على بطني

واكلت سبع حبات عجوه

وجلست ادعي اني اولد

لانهم يقولون بناء على حجم الجنين انا في اول السابع

قلت لهم انا متابعه مع دكتورة خارج العسكري وانا في الاسبوع 35 شوي واخلص الثامن

بس العسكري رافضين وملزمين اني في السابع

المهم بدا معي الطلق

وكانت نفسيتي زفت وابكي مو خوف من الولادة ولا شي

بس من المعاملة السيئة

ولمن جت الطبيبة وقاست الرحم في الصبح قالت خلاص ولادة

من الفرحه جلست ابكي

هم يفكرون اني ابكي خوف

وانا ابي الخلاص منهم

خايفه ع الجنين ينشف بسببهم وتشخيصهم السيئ

المهم رحت جناح الولادة

والله كانت وحده بس فيه والجناح هادي مافي احد يولد

ولدت الحرمه وكل شي اسمعه في غرفة ثانيه بس الباب مفتوح

الصوت عند اذني

المهم ماعندهم الا انا ووحده ثانيه جت وقت حموه الطلق

تخيلي جت ولادتي على تبادل الشفتات

كانوا الممرضات نفسيتهم زفت ويبون ينتهي الدوام

عاملوني معامله الله لا يوريك

انا بس ابكي وافك الجهاز ابي اطلع

اكلم زوجي اقول تعال طلعني ماابي ولد في المجزره مع الحيوانات

يقول خلاص اصبري انتي في مرحله مااقدر اطلعك منها

وكان الجوال يادوب يمسك

ولا يجونك طبيبات بس قابله وقت الولادة تجي وممرضات ماتشوفينهم الا كل نص ساعه

ادق جرس محد لمي

انادي محد لمي

المهم تعسرت ولادتي واغمى علي وصفقوني كفوف لحد مافقت والقابله اندونيسيه اسمها حسينه الله لا يوفقها

تصارخ وتسب وكانت فيه ممرضه سيرلانكيه تجيب المرض وراحت في تبديل الشفت وجو افريقيات كويسات

المهم جت تشقني وعييت قلت البيبي صغير مره كيلو ونص

قالت لازم شق عشان بسرعه

قلت والله لو تشقين اني اشتكي لك واقلب عليك المستشفى

اشوا انها خافت ولا شقتني

تبي تحوسني عشان ترتاح

المهم ولدت واخذوا الولد مباشرة للعناية المركزة لانه اختنق ونشب في المهبل وقل الاكسجين عليه ودخلت سوائل في رئته

طلعوه اسود وركضت فيه الممرضه للعناية المركزة

بعدين طلعوا المشيمه وجلست شوي ورجعوني للتنويم الساعة 9 الليل

زوجي كان سهران وتعبان وقلت له خلاص امش مابيخلونك تدخل ولا شي بس طمن اهلي وبكره تعال

المهم بعد ماولدت ميته من الجوع

طلبتهم اكل وقالوا مافي

قلت طيب بس حليب او شاهي دافي

كان برررررد المستشفى

بس عيت الممرضه تقول مافي

انقهرت وقلت حرام عليكم انا لسه والده واحتاج شي اكله وشي دافي اشربه

المهم بعد شد وكلام راحت الفلبينية وبعد ساعه جابت شاهي برد يجيب المرض

شربته من الجوع وبعدها كلمت امي ورحت الحمام

الله لايوريك وش لقيت الحمام

كله دممممممممممممممممممممممممم في دممممممممممممممممم

الحرمه اللي معي في الغرفة مانظفت بعدها الحمام ولا احد جا ينظف

قرفت من المنظر وطلعت

ناديت احد ينظف ولا عبروني

بعدين طلعت للعناية المركزة اشوف ولدي

شفت منظر يفجع

ولدي معه الدكتور وخمس ممرضات

ومدخلين انبوب من انفه يشفطون سوائل من رئته

بس اللي قهرني الدكتور يضحك ويسولف مع الممرضات ولا ينتبه لولدي

انا دخت مكاني وجلسوني وسألوني وش اسمي قلت عبير وسألت عن ولدي ... قام يضحك ويقول احتمال يعيش ... طيب طيب

انا خلاص انهرت ورحت ابكي وكلمت زوجي وقلت ولدي خلاص بيموت

ولا نمت

رحت الصبح وقت الاطباء ودخلت ولقيت الدكتورة فوزية الله يجزاها خير

قلت لها كيف ولدي قالت الحمد لله طيب وبخير وشلنا جهاز التنفس وصار يتنفس طبيعي

تعالي امسكيه خليه يحس فيك

وبعدين روحي تحممي زين وغسلي صدرك زين وتعالي رضعيه لازم لو ياخذ قطرتين من صدرك عشان مناعته تقوى

وسألتها عن عمره قالت صحيح كلامك الولد 35 اسبوع بس حجمه صغير

ارتحت ورجعت غرفتي

والحمام فاتني

بعد مانظفوه رجع توسخ وكله دم

انا خلاااااااااااااااااص ماسكه نفسي ولا ااقدر اتحمل

رحت لقيت طبيبه قلت حرام عليكم شوف احد ينظف الحمام يجيب الهم كله دم ولا ااقدر استخدمه

طبعا اسوا شي يكون اللي معك في الغرفة ناس ماتعرف النظافة

الشي الثاني الغرفة كانت كلها نمل

تجمعت على الاكل والترمس صار محشي نمل

المهم ما تحملت وطلبت الطبيبه تطلعني ماابي اجلس لليوم الثاني

وافقت واعطتني خروج وطلعت من الهم والسجن والقرف

وسلامتك



هذه بس قصة الولادة خخخخخخخخخخخخخخخخخخ

في ناس تمدح وحظهم طلع حلو

بس انا للاسف سيء للغاية

_____________________________

الله يكتب لك الخير في اي مكان ويسهل عليك ولادتك وعلينا يارب