++ الي سوت حفلة ملكه ++ الكل يدخل حتى تعم الفائده

السلام عليكم كلكم كلكم
ماني مهنيه بمناسبة السنه الجديده احنا بس نهني بعيد الاضحى والفطر بس سمعتو:o

عندي موضوع امكن من وراه يستفيدو البنات المقبلات على الزواج
ولا بأس هههههههههههه حلوه لا بأس هذي من المتزوجات ذكر اي معلومه

بنات انا ما احبذ فكرت انك تسوي حفلة ملكه بتقولون ليش لان اغلب الي سوو حفله كلمهم ما كملو او انهم تطلقو بعد الزواج
طبعا كثير بيقول لا امكن هذولي حالات شاذه بقولكم معقوله امكن اكثر من 25 ملكة صارت فيه منها حضرتها وفي منها ما حضرتها اغلبهم يا طلقها قبل لا يدخل عليها والباقي بعد الزواج او الي تصير معلقه

احنا نبغى العروس تفرح وتستانس وهي ايام من العمر:32: وتحتفل بايام سعدها وفرحها لكن لاحظي فيه عوانس فيه شيون ما يقدرون يتزوجون وهذولي عيونهم 15 على 6
انا ما اقول لا تفرحين عشان هذولي ولكن خلي حفلتك مقتصره على ناس متاكده منهم حتى الزواج مو لازم زواج كبير وبعدها مشااااااااكل وطلاق اكبر
لاحظو انا ما اعمم ولكن اذكر بعض الحالات

ادري طلعت من الموضوع الرئيسي ودخلت بغيره لكن هو يتفرع لعدة اشياء وكله من خوفي على الاخوات والله
عندي قصة اختي تزوجت مغصوبه واهلي سوو لها حفله كل الكره الارضيه حضرتها ولكنها تعيش عيشه فضيعه صعبه صعبه اولها لانها لا تريده ثاني شي الناس اكلوها بالحسد يقولون هذي قمة في السعاده قولو ممكن ترضى بالامر الواقع وبرجال ولكن الحفله الكبيره هذي فتحت عيون عليها
والاحظ اني دخلت برضو في موضوع الحسد

لكن الي ابغى اقوله الحين يا اخواتي الملكه خليها بينك وبين اهلك ومافي احلى من يشوفك يوم الزواج لابسه ومتزينه عشان ما يألف شكلك بالمكياج والزينه وما يستغرب وحتى تحافظي على نفسك من كل شي حتى زواجك لما يكون ميسور ومختصر يبارك الله لكي فيه

ومافي مانع نسمع المزيد من القصص وعادي لو يصير ردكم مثلي كل كلمه في جهه هههههههههههههههههههههه بس مدري كيف اشرح بطريقه تكون مختصره ومفهومه من اول كلمه امكن لو كل وحده كتبت رد نتناقش ونفهم اكثر
وكل انسان له وجهة نظر