اختي الحبيبة ديم نجد ..
اذكري الله اول شي .. و لا تخلين اليطان يكبر الضيق ف عينج
و يعظملج الموضوع و يحسسج انه ما ينحل ,,
ربج فرجه قريب و الحاحج بالدعاااء لزوجج باذن الله بيصلحه بيخليه نفس
ما تبين ..
و انت كبدايه قوليله خلنا نروح المزرعة او مكان هااادي بعيد او حتى بيتكم بدون اليهااال او قوليله انا عازمتنك على فندق يومين نكون فيه انا و انت بروحنا بعيد عن اليهال
حطيهم عند الوالدة الله يطول بعمرهاا و سيري ويا ريلج لا تتوقعين انج تقوليله و يقوم يحضنج و يحسسج انج سويتيله شي توقعي انه بيكووون عادي جدا و يمكن بارد و يمكن يناقشج يقنعج ما تروحون .. لكن انتي اغصبي عمرج و ادلعي و قوليله انا متولهه عليك و خاطري اكون وياك بروحنا .. ف خاطري كلام وايد ابا اقولك اياه .. و احس جو بيتنا ما يساعد ..ابا نفسيتنا ترتاح شوي .. طالعيه ف عيونه و انتي ترمسي امسكي ايدينه اول شي يمكن تحسين عمرج تنافقين او مالج نفس لكن هذا الشيطااان يكبرلج الاحساس و يعظمه يبا هالبرود يزيد ..قوليله عشااان خاطري خلنا نسير و نغير مكان او حتى اتمون ف البيت بس تغيرين فيه اشياء مثلا مثل شراشق يديدة اول مرة يشوفها و شموع و غيري لون اضاءة الاباجورة و اهم شي ابعدي الخادمة اذا عندكم خدامة ف البيت و اليهال طرشيهم عند الوالدة .. ف هالاجازة حاولي تتقربين و ترمسينه قوليله اللي ف خاطرج ف البداية بتحسين ان الكلام صعب يطلع طالعيه ف عيونه و انتي ترمسينه و ادعي ربج ف قلبج ان يحنن قلبه و يغيره و يسخره لج حطي كل الاشياااء اللي خاطرج تسوينها من المنتدى و سويهاا كلها .. و لا اتمين تفكرين انه ما يستاهل و انج مشتثقله هالشي .. خله يحس بجيمتج و يعرف قدرج .. لأن ما دام انتي طلبتي المساعدة معناته انتي تعبتي و تبين تغيرينه .. انا جربت هالوضع و عشته و ما حله الا الدعاااء و الاشياااء اللي ذكرتلج اياها و اشياء بتطلع عفوية منج و بتقربج منه ان شالله ..
اسمحيلي اذا طولت عليج و الله يعطيج اللي ف خاطرج و لا يحرمج من محبة زوجج و رضاااه يا ربي

الله يفرجها علي وعليكم
اشكر الجميع على المرور على الموضوع و اتمنى ان الفايدة تعم الجميع
اخواتي والله اني حريصه اني اقود سفينتي الى شاطئ الامان انا والاخوات الي مثلي واكبر دليل تواجدنا في هذا المنتدى وحرصاً ان نستفيد منه لكن لاحياة لمن تنادي

حوار ماحوار
اذا كان رايق قلت والله ماني منكده عليه واذا عصبي لاتاخذين منه لاحق ولاباطل
وبعدين هو انسان شايف نفسه انه صح هذا النوع ينفع معه شيئ؟؟؟؟؟؟
واعرف ان المشكاه لله وحدة لكن الغرض من طرح الموضوع لعل يكون في الموضوع فائدة بستفيدون منها البنات
ونصيحتي للمقبلات على الزواج انهم مايتخلون عن اشياء يتمنونها على سبيل انهم يرضون ازواجهم الا اذا كان من النوع المرن ويستاهل لانه اذا فات الفوت ماينفع الصوت

تبين نصحيتى اللى مستحيل ... تضرك .. وراح تنفعك بإذن الله ..

صلاه الليل حتى لو ركعتين

ادعى وادعى واكثري الاستغفار


جربى ... وادعى لى معاك

men jed alla y3enek
walahy galbee ma3akee
allah ysa3deek
we y5lekom so3adaa ma3 ba3th

ديم نجد ..(ونصيحتي للمقبلات على الزواج انهم مايتخلون عن اشياء يتمنونها على سبيل انهم يرضون ازواجهم الا اذا كان من النوع المرن ويستاهل لانه اذا فات الفوت ماينفع الصوت )
وش تقصدين ...مثل إيش ...يعني اصير عنيده