~ كلي امل ~

~ كلي امل ~ @kly_aml_3

كبيرة محررات

بناتي ماعاد صاروا يأكلون الخضار والفواكه والسيريلاكـ ... عمرهم 11 شهر

الأمومة والطفل

* بسم الله الرحمن الرحيم *

السلام عليكم ورحمه الله وبركاته ....



مرحبا يأخوات .. كيفكـ .؟؟

طبعا موضوعي باين من العنوان ... بناتي التوأم بعد
كم يوم راح يكملون السنه شاءالله تباركـ الله ..

مشكلتهم بالأكل ... لي حوالي الشهر وانا أعاني من الأكل
شريت لهم سيريلاكـ وبالأفتره الأخيره كثرت ونوعت شي
بالقمح وشي بالتمر وشي بالأرز وشي بالفواكه وشي بالعسل
وهذي اول مره اكثر فيه لانهم يحبونه بس بعدها ماعاد أكلوه
والله يابنات ملعقه او ملعتين بالكثير وخلاص يكتفون فيه
والله حرام عندي 6 علب للحين ماأستخدمت منها شي
وخايفه تنتهي مدتها وهي ماأستخدمت ولا أعرف احد بسن
عنده طفل ممكن يأكل السيريلاكـ ...

وغير كذا ... الخضروات مايأكلونها وهي بعد انوع لهم
مره اسوي خضار مشكله فقط ... مره خضار مع الأرز
ومره ارز لحاله ومره مع الدجاج نوعت لهم بالخضار
( كوسه _ بطاطس _ جزر _ فاصوليا _ قرع _ بطاطا حلوه ...إلخ )
كنت انظفها واقطعها واسلقها مع شويه مويه وبعدين اخلطها
وأعطيهم وكنت ماأسوي كميه كبيره لا ... كل يوم اسوي حق
يوم كامل .. والحين مافيه فايده ... لا يمكن يأكلونها ..

الفواكه ...
اول كنت اسلق لهم التفاح ويأكلونه ويحبونه
وكنت اعطيهم شويه موز وبرتقال احطها لهم
باللي مثل المصاصه بس تكون بدل الحلمه قماش
مخرم ويستمتعون فيه ... والحين رافضين الفواكه
كلها ... ولا يأكلونها إلا وين ووين ولقمتين وبس ..


الحليب ... اول ماشاءالله تباركـ الله يأخذون
120 ملء 3مرات باليوم والحين يادوووووب وبالميت
رضعتين باليوم وهذا يعتبر إنجاز ...
طبعا يستخدمون حليب بيبيلاكـ ... وافكر بعد مايتمون
السنه وشهرين اغيره لحليب نيدو حق الأطفال ...

صرت لما أطلع لسوق اتبهذل معاهم ... عشان الأكل
اول كنت اخذ لهم من اللي اسويه ولو صاحو بالسوق
عطيتهم منه ... وصاروا مايبون إلا يجلسون معي ع السفره
ويأكلون من أكلي .. بس مع الأسف مايأكلون شي يشبع
عطيتهم اللبن حبوه بس مايشربون إلا بالكاسه حقتهم
ولا يكملونه ... يحبون الخيار وهو اكثر شي ممكن ياكلون
طبعا ربع خياره لكل وحده فيهم ...
اليوم بعد جهد جهيد وقرابه الساعه خلصوا الثنتين علبه زبادي
وحده وبتشجيع من أبوهم والأختهم والتصفيق واللعب
ولا كان ماأكلو شي :09:



وش السوات ... ابي شي يحبونه ويفيدهم ..
من بعد ماصاروا يحبون وهم الله يهديهم مايشتهون الأكل
بس كله لعب X لعب ...
ويبون يحوسون ولا يجلسون يصرخون علينا ... بس كل هذا
مايهمني ... أهم شي اشوفهم يأكلون شي يفيدهم ..
طبعا جربت العصيرات والدانيت بس ملعقتين او 3 بالكثير وبس ..
فكرت اخليهم لين يبكون من الجوع عشان يأكلون كويس
بس حتى لو جاعوا وشافوا الأكل مايكثرون ...


الحمدلله دايم اقرى ع بناتي المعوذات وآيه الكرسي
واستودعهم الله الذي لاتضيع ودائعه ..


انتظر منكم الحلول ياذوات الخبره

..
21
2K

يلزم عليك تسجيل الدخول أولًا لكتابة تعليق.

تسجيل دخول

أنا البلسم
أنا البلسم
بناتك الحين كبار والمفروض ياكلون من طباخكم ومن غير هرس او طحن
والتفاح جربي عطيهم اياه من غير سلق انا بناتي حبوه كذا

وترى الصغار يحبون الايدامات والشوربات
سوي لهم كويكر وحطي معاها رز مصري وخضار واذا استوت اطحنيها اسهل
وكمان يمكن يكونون زي بناتي مايحبون القطع الكبار في الشوربه

وانتبهي لهم وحصنيهم ولا توكلينهم قدام احد
غنوة الحب
غنوة الحب
مثل ماقالت لك البلسم بناتك خلاص كبرو ولازم ياكلون زي ماتاكلين انتي من غداكم وعشاكم

انا عارفه وش كثر انتي قلقانه ومقدره كلنا امهات والود ودنا ياكلون عيالنا كل اللي نعطيهم

بس الطفل بهالسن يهمه اللعب اكثر من الاكل ..

غيري الاكلات كلها واتركي السيريلاك خلاص .. عطيهم الفواكه كامله والخضار بعد غيري باشكالها اللي كانو ياكلونه مسلوق شوي ايدام وخليه كبار ولاتطحنين شي

غيري صحونهم وملاعقهم .. وغيري مكان الاكل ..وغيري طريقة اكلهم .. وهم يلعبون وكليهم ولاتخلين الاكل لازم له جلسه خاصه وقوانين ولازم تاكل وعذاب .. وههم يلعبون وكليهم كل شوي قطعه حتى مايحسون وان شاء الله يخلصون اكلهم كله ..

حاسه بمعاناتك اختي ... انا عيالي ذبحوني بس صرت اقلل اكلهم واكثر عدد الوجبات .. والحمدلله ماشي الحال

الله يكون بعونك ..
أم البنااااات
أخ يا أختي و الله مثل معاناتك و أبشرك هلا صاروا سنة و أشهر و على هالحال مافي شئ بحبوه إلا المانجا و الماااااااااااء
صرت أعشيهم مانجا مشان تمسك شوي و الله نفسيتي تتعب و أنا بالصحن و الملعقة وراهم و الكل بيقولو لي لا تفكري وهم بيجو لوحدهم جوعانين بس شو أعمل ما بقدر لا بيفطرو و لا بوكلو من الغذاء و الله احتار كيف عايشين و كل أكلهم بحاول أسويه طبيعي و خالي من المعلبات بس عالفاضي لأن كله بيترمي أو مصيره أنا بآكه و بحط حرتي فيه
الله يعينا طالما صحتهم منيحة نصيحة عودي حالك على الامالاة و مصير الجوعان بيوكل
بس أختي فقدناك بملف التوأم طلي علينا
~ كلي امل ~
~ كلي امل ~
الله يجزاكم خير يابنات ...
وربي اسعدوني بردودكم ... يعني الحين السيريلاكـ عادي لو ابطله .؟؟؟
وبالنسبه لأكلنا العادي يأكلونه بس مو كثير ... ولاحظت اكثر شي يحبونه
بناتي هو الملوخيه والباميه ... وطبعا الشوربه يحبونها كثير بس أحسها ما
تشبع لانهم مايكثرون منها ..
والملاحق وراهم حدث ولا حرج ولا إذا شافوني جيت وراهم ينحاشون ويضحكون
يحسبون إني العبهم ... وانا أخاف يضحكون وبفمهم اللقمه اخاف يشرقون
او يغصون فيها لاقدر الله ...


أختي ام البنااااات ..
هلا وغلا ياقلبي ... والله ملفكم حلو وممتع بس
ماشاءالله تباركـ الله عيالكم كبار ع بناتي وأحس
ان اسألتي لكم متأخر خخخخخخخخخخخخ
وبإذن الله لي زياره قريبه :)

..
hmk2
hmk2
ما شاء الله صارو كبار خليهم ياكلون معكم من اكلكم والشي اللي يفضلونه واهم الشي التنويع حتى ما يملو واذا على السيرلاك حطيه مع الحليب في الرضاعه و بالفعل الاطفال يتعبو الله يعيننا عليهم