لحم حاشي بالطريقه الصينيه

رفع لعيونك والله مدري

اليوم جايبه لكم طريقه دجاج ولحم رووووووووووووووعه ولا اقدع مطبخ صيني

يالله وراي جهزوا الاغراض


نجيب لحم ودجاج مقطع شرايح عريضه نوعا ما ونتبله بملعقة صويا صوص وملعقة خل ورشة ملح ورشة سكر







بعدين نجيب الدجاج ونقلبه في الدقيق ويكون عندنا بهذا الشكل







بعدين نجيب مقلاة ونضع فيها كمية متوسطه من الزيت
ونقلي فيها الدجاج












اللحم نشخله من التتبيله ونرش عليه شوية دقيق
ونقليه بنفس الزيت اللي قلينا فيه الدجاج ونخليه فتره اكثر من الدجاج ويكون بهذا الشكل







بعدين نجهز خضروات منوعه مكونه من

فلفل رومي اخضر + بصل مقطع شرايح مربعه + بصل اخضر + ثوم مفروم + زنجبيل طري مبشور + جزر مقطع شرايح مايله + خيار مقطع شرايح مايله







نجهز الصوص اللي هو عباره عن

ملعقتين صويا صوص المعتدله + ملعقتين خل + ملعقة صلصه طماطم + ملعقتين كاتشب + ملعقة سكر







نجيب المقلاة الصينية ونضع فيها ملعقتين زيت و نحميه
ونشوح البصل والثوم والزنجبيل








يتبع

بعدين نضيف الخضار اللي هي الجزر والفلفل البارد والخيار ( يمكن تستغربون من اضافة الخيار لكن والله روعه معاه يطلع كانه مخلل )







بعدين نضيف الدجاج والصوص اللي جهزناه مسبقا







بعدين نضيف ملعقتين صغيره نشاء على كاس او نص كاس مويه ونضيفها












نقلب وبعدين نضيف البصل الاخضر ونضيف رشة ملح ورشة ماجي ابيض ( اجينو موتو )








واللحم نفس الطريقه بالضبط لكن دون اضافة الخيار


والشكل النهائي ناظروا واحكمو













ويقدم بجانب الرز الصيني






وطريقته كالتالي

نقطع ملفوف شرايح + جزر مكعبات + بصل اخضر مقطع شرايح + بازلياء خضراء
نجيب قدر نحمس فيه المقادير السابقه ونضيف لها مقدار ملعقتين من الصويا صوص وماجي ابيض
وملح وبعدين نضيف لها الرز ونقلبه شوي بعدين نضيف الماء ونتركه يستوي على راحته
بعدين اضفت فوق الرز قليل من الزبده تقريبا 10 غرام



اتمنى يحوز الطبق على اعجابكم يارب

اللحم نفس الطريقه بس حاولي تصغرينه وقت التقطيع عشان يمديه يستوي خصوصا وانه لحمة الحاشي في الغالب قاسيه وماتستوي بسرعه
دجـــاج صيني ...




هاي وصفه لذييييذه مره لـِ دجاج صيني خطير ..



-







المقادير :


فيليه دجاج مقطع مكعبات ( صدور دجاج بدون عظم )


فلفل رومي احمر


فلفل رومي اصفر


فلفل رومي اخضر


بيالة صلصة صويا


3 جزرات


بصله وحده


شوي ثوم مفروم


ملعقتين نشا


بيالة كاتشب


ملعقتين صلصة طماطم


ملح


بهارات للتبيل


كمون


ليمونه


بيضه وحده


دقيق


زيت للقلي ..





-




الطريقه :


أولاً .. تبلي الدجاج عادي (( ملح + بهارات + عصير ليمونه وحده )) وحطيه بالثلاجه لمدة نص ساعه


بعدين طلعيه من الثلاجه .. طبعا تكونين مجهزه التغطيه (( البيض والدقيق )) عشان القلي ..


تغطينه بالبيض ثم الدقيق ثم تقلينه لين يصير لونه مستوي




ثانيا .. (( خلطة الصلصه ))


هاتي صحن عميق


حطي فيه كاس مويه و ملعقتين نشا بيالة كاتشب و ملعقتين صلصة طماطم


وحركيه حركيه .. وبعدين خليه على جنب ..





ثالثاً ..


هاتي مقلاه .. وحطي فيها البصل (( مقطع شرائح )) + شوية زيت ..


احمسيه شوي بعد كذا ضيفي شوية ثوم مفروم ..


بعدها ضيفي الفلفل الرومي بألوانه (( يكون مقطع شرائح طوليه )) + الجزر (( شرائح طوليه )) ..


وحركيه لمدة خمس دقائق على نار هاديه ..


بعد كذا ضيفي الدجاج اللي قليتيه .. وضيفي عليه شوية ملح وكمون وفلفل اسود لو تبين .. وقلبيه ..


ثم ضيفي خلطة الصلصه


واتركيه لييييين الدجاج يشرب موية الصلصه ومايبقى منها الا شوي بس



بعد كذا قدميه مع رز صيني مسلوق

ام ساره وعلي الله يرفع قدرك ويخلي لك ساره وعلي ياقمر
لونا الحبوبه والله انك حبوبه اسم على مسمى ماشاءالله مرررررررررررررررررررررررره يشهي اليوم بسويه بصراحه حمستيني بسوي الدجاج واللحم ربي يسعدك ويوفقك ياعسل