السلام عليكم
كيف حالكن يا خواتي ؟
في اليومين يلي مضوا كانوا اهل زوجي عندي .. جايين من جده ... و ناموا عنا
و انا اول مره يناموا عندي .. و انتوا ادرى بالوضع .. كنت مررره شايله هم .. اقعد اخطط ايش اسوي على العشا و الغدا و الفطور .. و كيف اريحهم و يكون كل شي تمام ... معاناة الصراحه ..و خصوصا اني ما اشوفهم كثير لانهم في مدينه ثانيه ... و مو متعوده عليهم .. و مع هذا كله حاولت قدر المستطاع اني اكون مبتسمه و يكون كل شي تمام .. اعصابي تلفت و الله .. المهم امس الصباح جو اهلي يسلموا على اهل زوجي .. و راحوا ...
و انا احضر الغدا لاهل زوجي.. امي كلمتني قالت لي ما شاء الله تبارك الله مرت اخوكي حامل بعد صبر اربع سنوات . مع العلم ان المشكله من اخوي . و هي تصير بنت خالي بنفس الوقت .. و انا و الله احبها و علاقتي فيها مره حلوه و اتمنى لها كل الخير .. مررره انبسطت و لكن بنفس الوقت غبطتها و تمنيت ان يفرح الله قلبي كما افرح قلبها .. و قبل كم شهر سمعت انه سلفتي حامل نفس الشي انبسطت لها و تمنيت من الله ان يفرح قلبي كما افرح قلبها ... و الله يا بنات ما تمنيت انو النعمه تزول من عندهم انا مو شريره ..
المهم لما سمعت خبر حمل مرت اخوي .. انبسطت و تفاءلت و لكن بنفس الوقت سالت الدموع .. ما اعرف ليش بكيت .. حيث انني كنت اجلس كثيرا معها و نشتكي لبعض همومنا من تاخر الحمل و كنت احاول كثير انسيها الموضوع بالضحك و السوالف و هي كمان كانت كثير تواسيني و تحاول تخفف عني .. و الله انبسطت انه وحده فينا حملت اخيرا ... و لكن يا خواتي غصب عني بكيت مو حاسدتها بس و ربي تمنيت ان احمل كما حملت هي ...
المهم كلمت زوجي على الشغل عشاني احتجت اني اكلم حد لقيته مشغوول .. قلت خليني اكلم امي .. يعني تخيلوا يا خواتي الوضع اهل زوجك عندك و قاعده اسوي الغدا و انا ابكي و الله ما اعرف كيف مشي الوقت ..
المهم لما كلمت امي و يا ليتني ما كلمتها .. نزلت فيني انتقادات .. انتي ليييش صوتك متغير و ليييش حاسده مرت اخوكي و ليش و ليش ؟؟؟ قلت لها ماما و الله مو حاسدتها و الله فرحت لها بس انا بني آدم و عندي مشاعر و غصب عني بكيت عشان كذا صوتي متغير .. قالت لي انتي ليش حسوده .. قالت لي خلاص اذا انتي يائسه من زوجك و ضعفه اتركيه و فكينا .. قلت لها ماما ليش ظالمتني و الله مو زعلانه لانو مرت اخوي حملت و الله مو زعلانه بس متمنيه الضنا و يصير فيني مثلها .. قالت لي و اذا ما خلفتي ايش المشكله هذا قدرك و نصيبك .. و مدري تضايقت كثير من كلامها .. لا و قعدت تقولي انتي ليش كئيبه عند اهل زوجك و ما تضحكي كثيييير ... و الله اضحك معاهم و اكلمهم بس كانوا عندي و مو نايمه كم يوم و ماكله هم اكلهم و شربهم و نومتهم .. ابغى راحتهم ... المهم ما صدقت على الله انه المكالمه خلصت ..
و الله يا خواتي اليوم قايمه من النوم ضايق صدري و كارهه نفسي كثيير ... امي طلعتني وحده حسوده و كئيبه عند اهل زوجها و مدري ايش ... و الله مني كذا بس انتوا عارفين كيف هم اهل الزوج تكوني ماكله همهم و تعبانه و باين عليكي هذا الشي مع اني حاولت اني ما ابين لهم شي .. مو عارفه ليش ماما قعدت تقولي كذا الله يهديها و يسامحها...
و زوجي مرره انبسط فيني و قال لي بيضتي وجهي عند اهلي .. و الله يا خواتي صار لي فتره مو نايمه و افكر كيف اقوم فيهم و ايش اطبخ لهم و في الاخير امي طلعتني كئيبه عندهم .. و مرت اخوي كلمتها و باركت لها و قلت لها لا تتعبين نفسك بشغل البيت .. كيفه خليه و اذا تبين انا باجي و انظفلك اياه قالت لي عقبالك حبيبتي و حسيتها زعلانه علي لانه انا و هي تمنينا انه نحمل بنفس الوقت و بدل ما نشتكي لبعض هم تاخر الحمل نقعد نشتكي من هم الوحام ..
معليش خواتي مو قادره اكمل كلامي لانه دموعي مو راضيه توقف لازم انهي الرساله ...
و آسفه لاني طولت عليكم بس حبيت افضفض لاني مره متضايقه من كلام امي لي .. ما اقول غير الله يصبرنا و يفرجها علينا يا رب ..
و نسيت يا خواتي اقولكم انه ام زوجي قالت لي كل يلي يسالوني ليش ابنك ما حملت مرته لحد الحين تقول لهم السبب مرته لانها قاعده تاخذ حبوب منع حمل طول الفتره هذي لانها تبغى تخلص دراستها ..
انا قاعده اخذ حبوب منع حمل عشان دراستي طوول افتره هذي !!!!!!!!!!!!!!!!!!
ايش الكلام هذا ؟؟؟؟
يعني طلعتني انانيه عندهم و كاني ماسكه زوجي و قايله له لازم اكمل دراسه و لا ما فيه حمل و لازم اخذ حبوب منع حمل ؟؟؟؟؟؟؟؟؟ مع العلم انه زوجي اصر اني اخذ حبوب منع حمل في السنه الاولى من زواجنا و انا رفضت اخذتها اربع شهور بس و صار لي سنتين و نصف تاركتها و متنيه الحمل اليوم قبل بكره ...
ليش ام زوجي طلعتني انانيه عند الناس..
و مره جدة زوجي و خالته مسكوني يلا خلصي دراسه اضغطي نفسك بالمواد عشان تتركي المانع و نشوف ابن لولدنا .. زوجك كبير يلا خلصي دراسه خلينا نشوف له ابن يلا يلا يلا ..... !!!!!!!!!!!!!!!!!!!
و مرة قريبة زوجي كلمت امي و قعدت تقول لها تراني اعرف وحده كانت تاخذ حبوب منع الحمل عشان دراستها و صار عندها مشاكل و ما قدرت تحمل .. امي على طووول دافعت عني و قالت لها بنتي مو قاعده تاخذ اي مانع هي تبي الحمل اليوم قبل بكره بس ربي ما راد .. لانه امي عرفت بانوا المقصوده بالقصه هذي هي انا
هذا لانه المشكله من ابنها لو المشكله مني كان ما خلت حد الا و قالت له .... بس لانه المشكله من ابنها تبي تكتم عن الموضوع ...
يعني بامكانها تقول ما فيه حد منهم عنده مشاكل بس ربي ما اراد و تسكتهم .. مو تحط السبب فيني
لا حول و لا قوة الا بالله العلي العظيم ..
:44:
الشوق صعب @alshok_saab
محررة برونزية
يلزم عليك تسجيل الدخول أولًا لكتابة تعليق.
طفله عشرينيه
•
لاتفكري بكلام امك هذا من فرحتها بحمل زوجة ولدها انعمت عينها عنك ومقهوره عليك وودها انك تحملين وتتشجعين من كلامها وتروحييييييين تتعالجين او تسوين اي شي سامحيها هذي امك الغاليه اللي ربتك وحملتك وسهرت عليك يمكن اذا سامحتيها من قلبك ربي يرزقك ويسهل عليك والشكوى اذا ضاقت بك الدنيا اشتكي لله الشكوى لغي ر الله مذله
آإلنزغه
•
يارب يرزقك ويرزق كل وحده تتمنى
امك ثم امك ثم امك
ماعليك باين ان امك زعلانه لانها تتمنالك الحمل وما ودها تشوف دمعتك وحزنك بينيلها انك مبسوطه ولا تزعلين منها
ياقلبي انتي
يارب يرزقك زي الي بتوقيعي بس توم
امك ثم امك ثم امك
ماعليك باين ان امك زعلانه لانها تتمنالك الحمل وما ودها تشوف دمعتك وحزنك بينيلها انك مبسوطه ولا تزعلين منها
ياقلبي انتي
يارب يرزقك زي الي بتوقيعي بس توم
لا تتضايقي ولا على بالك حبيبتي انتي حساسه شويه كل شي نصيب من عند رب العالمين والفال خير والفال الك بالحمل يا رب العالمين المفروض ما حكيتي مع امك يعني انتي بمكالمتك مثل كانك بتحكي ليه هي تحمل وانا لا على العموم امك انسي امرها كلها يومين وبتروق وحاولي ما تفتحي الموضوع معها ، وما عجبتني حكايه انك تروحي تنظفي الها اذا هي حامل وتعبانه تجيب خدامه بلا طيبه هالقلب الي ما الها داعي هالايام والي كاتبوا رب العالمين بسير غصب عني وعنك وما تزعلي مني يا قمر بس نصحتك متل اختي
الله يحقق مرادنا يا رب العالمين ويعطيني اخو لبنتي يا رب وتحملي قبل نهايه هالشهر يا شوق اللهم امين اللهم امين اللهم امين
الله يحقق مرادنا يا رب العالمين ويعطيني اخو لبنتي يا رب وتحملي قبل نهايه هالشهر يا شوق اللهم امين اللهم امين اللهم امين
الصفحة الأخيرة