اوراق العمل وش اسوي فيها؟؟ انا معلمة لغتي جدييييده

برد عليك باللي اعرفه لاني مو مدرسه بس بناتي اولى وثالث
اوراق العمل تحطيها في ملفات يجيبوها الطالبات

وزعيها ع الطالبات بنهاية الحصة و بعد ما يحلون صححيها لهم واطلبي منهم يحطوها بملفات انجازهم ، و انتي لابد تحطين نسخة من ورقة العمل في سجل انجازك انتِ كإثبات للمديرةو الموجهه انك وزعتيها ، و مو لازم كل درس توزعين ورقة عمل يكفي في الشهر مرة. وربي يوفقك. 

خليها معهم في الملفات

ذكرتيني بمعلمه عندنا الله يسعدها ويجزيها خير
طلبت من طالبات فصلها مبلغ بسيط وجابت لهم ملفات روعه مقسمه
اول صفحه فيها بيانات الطالبه والهواية مع صورة الطالبه <<طبعا صف اولى
والباقي مقسم للاملاء واوراق العمل لغتي والرسومات واي ش تبدع فيه الطالبه تحفظه في الملف,,
صراحه ابدعت معهم خلتهم يحبون لغتي والاملاء حماس وتشجيع بينهم الكل يذكرها بالخير..
الله يوفقك ي استاذه هنادي وتبدعين مع طالباتك ويسهل امورك,
سبحان الله وبحمده,,سبحان الله العظيم

حبيبتي كل وحده من طالباتك يكون عندها ملف اسمه ملف الانجاز واوراق العمل بعد ماتصححيها تحطيها في ذا الملف وطبعا لازم كل طالبه تحتفظ باوراقها لانها دليل على عملك وطبعا كل مهاره اساسيه لازم عليها ورقه عمل تثبتي ان الطالبه اتقنت المهاره واذا ماتقنتها تعيدين اها المهاره حتى تتقنها او تكون ذي الاوراق دليل انك حاولتي معاها بس هي ما اتقنت