أمي ودقات قلبهاا جعلني فداها ياعساها ماتشوف وامهاتكن الشر قولوا آمين وادخلوا

السلام عليكم ورحمة الله وبركاته. اول حاجه يامشرفات طلبتكن يمكن موضوعي مو مكانه هنا بس انا كتبته بهذا القسم لاني الاحظ فيه تجمع كبير غير الاقسام الثانيه. ثانيا احتسبوها انتم وجميع الحوائيات حسبة امكم الله يطول لنا باعمارهم يااارب ولاتشوف فيهم مكروووه. ياطويلات العمر امي من فتره صارت تجيها دقات قلب سريعه خصوصا لما تنسدح او تبي تجي تنام ويتغير لون وجهها ويصير اصفر بصراحه ماعرف اتصرررف مررره اخاف عليها آخر مره بغي يغمى عليها بس ربي سترر الحمد لله كنت موجوده عندها بوقتها والباقي الكل بالمدارس والدوامات وانا متزوجه وكنت جايه يومها عند اهلي. راجعت كذا مستشفى خاص واهلي الكل سوا لها تخطيط قلب قالوا سليم اللهم لك الحمد يااااارب ومن فتره قالوا في نقص بالدم لكن اخر مره قالوا نسبة الدم زينه الحمد لله. مرات تقول فيني النوم بس اخاف لما انسدح او ابي انام وتجيني الدقات السريعه. مدري صراحه هل هذا الشي له علاقة بالقلق النفسي اللي يجي الانسان لما يكون مختلف مع احد او لا. لانها احسها دايم تفكر بالمشاكل اللي تصير بين كب زوجين وهموم الاولاد وكذااا. اسفه طولت بس حبيت احطكم بالصورة. وطلبتكم تدعون لامي ولكل مريض بالشفا العاجل وطولة العمر ولوو بظهر الغيب. ارفعوه بدعواتكم الطيبه.