استشاره عشان عزيمة اهل زوجي ..محتاجتكم حبايبي

حبيبتي سهلة جيبي ثلاث صياني حلا كبار للحريم وصياني فطاير مشكلة وورق عنب وكبة مع الشاي
وثلاث صياني للرجال
مع التمر
وبعده العشا وشغل العشا سهل يااختي اهم شي تقديم حلويات القهوة والفطاير هي اللي جيبيها من برا اسهل وتوفر مجهود ووقت
بعد العشا قدمي كاسات حلا مشكلة وكريم كراميل
مثلا اختاري 4 انواع كاسات حلا
والاطفال قدمي لهم اكياس التوزيعات شكلي فيها حلويات والعاب صغيرة من محلات التخفيضات

بما إنه عيد أضحى لو تجيبين لهم ذبيحه مطبوخه من برى على صحنين
والسلطه تعملينها بالبيت مع صينية مكرونه وأكله شعبيه مثلا توزع على صحنين
وبعض المقبلات وإذا أنتي شاطره بالحلا كمان أعملي نوعين مع العشا
والقهوه قدمي معها تمر وشوكلاته والشاي مكسرات
الأفضل تطلبي عشا من برى لإنه ماشاء الله العدد كبير وبتتعبين والله يسهل عليك

انا مع الأخت ضحكه سرور قالت اللي كنت بقوله
لاتشيلي هم ابدد والعشاء أطبخيه برا عشان ماتتعبين اهم ششي التقديم والله يوفقك ويسهل امرك

الحلى والفطائر جيبيها من برى تبع القهوه
العشاءاكيد بكونون ذابحين جنبيلك على جنب للعشاء
واطبخي اللحمه قبل مايجو مايبقالك الا الرز بعد ين
والسلطات والفواكه ومكرونه سويها من بدري نفس اليوم
بعد العشاء عند الحريم بس سوي حلى مع عشاء
الرجال شوي مهلبيه وعليكم بلعافيه

قدمي الضيافه للحريم والرجال قهوه ومعاها نوعين حلا .. وأفضلك تشترين قاتوه جاهز قطع صغيره وترتبينها بالصحون ومعاها تمريه وفيه طرق بالمنتدى تجنن وملبسه جوز هند ومكسرات راح تعجبك .. وتجهزيها بالصحون مع الشوك والمناديل من بدري يصير بس توزعين للحريم والرجال ..
بعده الشاي شاي احمر مع صحنين فطاير للحريم والرجال .. يكون الصحن فيه فطاير وكبه وبيتزا .. بالاضافه للمكسرات للحريم بس ..

بعده العشا افضلك تطبخين ذبيحه تسوينها مندي >> احسه بالعزايم يواجه ومرتب ..

ومع المندي سوي سلطه طحينه وسلطه حاره وسلطه خضراء وسوي ورق عنب من الليل اطبخيه ودخليه بالتلاجه لوقت التقديم بساعتين او ساعه طلعيه >> لانه اصلا ينأكل بحراره الجو او سخنيه شوي بالمايكرويف.. وسوي سمبوسه محشيه لحم كمان من الليل لفيها ودخليها التلاجه لليوم الثاني اقليها العصر قبل ما ترتبين بيتكم وتبخرينه ..
وسوي حلا كريم كراميل وممكن كنافه .... ترا مايصلح تشيز كيك وحركات لانهم معاهم اطفال ورجال راح تتغلبين جدا ..

وبعد مايتعشون سوي شاي اخضر وشاي نعناع ... بتكون عزييمتك مرتبه ومنظمه وما تتتعبين بين الرجال والحريم ..

واطفالهم وقت القهوه حطي لهم سفره بالصاله وقاتوه وعصير وشيبسات وفشار ... ويتعشون مع اهاليهم ..

دمتي بحفظ الله ^_^