افكار حلوه

السلام عليكم ورحمة الله وبركاته يمكن تكون الا فكار اللي با طرحها عليكم قديمه وجاءت في وقت متا خر لكن
تقدرون تعدلون فيها و تفذونها في ايام قادمه ان شاء الله تقدر اي معلمه موشرط الا نجليزيه تستفيد منها
طبعا قسمت النشاط الى نوعين
الاول للمدرسه كلها : مثل 1- أمثال وحكم باللغه الانجليزيه مترجمه الى اللغه العربيه وتكون بشكل مصمم بحيث تنجذب الطالبه لقراءتها تقدرين تعلقينها على جدار سلم المدرسه او في ارجاء فناء المدرسه .

2- تقام مسابقه بأسم النشاط وهي عباره عن ترجمة نصين الاول من عربي لانجليزي والثاني من انجليزي لعربي مع مراعاة ان تكون هذه النصوص قصيره وتهدف الى سلوك معين توضع شروط لهذه المسابقه منها أن تكون الترجمه غير حرفيه وان يكون الخط واااضح الاسم كامل والصف ويعلن اخر موعد لا ستلام الا جابات وتوضع الاجابات في الصندوق المخصص لنشاط اللغه الانجليزيه ويكون فرز النتائج بالقرعه ثلاث مراكز فقط
ويقترح لهذه المسابقه جوائز مناسبه للنشاط مثل قاموس نااطق او قصص باللغه الانجليزيه او اشرطه كمبيوتر تعليميه ومفيده وانتي على كيفك اختاري الجائزه اللي تبغين حتى لو قلم صغير وتغلفينه باكبر هديه ويقدم للطالبه الفائزه في الطابور الصباحي في يوم اذاعة النشاط .

3- إذاعه متنوعه باللغه الانجليزيه : طبعا قبل يوم الاذاعه بيوم يعلن عن اذاعة نشاط اللغه الانجليزيه حتى تتشوق الطالبه للحضور الى الطابور بسرعه مو كل وحده تجي تسحب رجليها ويالله يالله تمشي
المهم تقدرين تسوين بهذه الاذاعه اشياااء كثير مثل ( مقدمه - قران - حديث - انشوده - مشهد - توزيع كروت باللغه الانجليزيه ويكون معها حلاوى
المشهد تقدرين تجيبن مجموعة طالبات ويسوون المشهد عباره عن معلمه وطالبات في فصل وتستخدم المعلمه التعليمات باللغه الانجليزيه مثل امسحي السبوره وووقفي وطلعوا الواجب اقراي الدرس اكتبي الدرس اطلعي برا
وكذلك الطالبه مثلا تقول انا استاذه طبعا كلها تكون بالانجليزي او ممكن ادخل الفصل وهكذااا ايضا يوزع ارقام على الطابات والمعلمات في الطابور الصباحي وتكون الارقام باللغه الانجليزيه واللي نختار رقمها هي اللي بتاخذ جائزة
البرنا مج


4- فكرة الشجره : طبعا تاخذين من الاشجار الجاهزه وتعلقين عليها فواكه بلاستيك وعند كل فاكهه اسمها بالانجليزي وتسمى شجرة الفواكه وتضعينها في اي مكان بالمدرسه حتى لو بالطابور

5- فكرة اسم كل فصل بالانجليزي مثلا يكتب صف اول متوسط بالانجليزي وعليقها على باب الفصل وهكذا من او متوسط الى ثالث ثانوي وعلى باب الادارة اداره بالانجليزي وعلى التدبير وعلى المكتبه وعلى المصلى وعلى دورات المياه وممنوع الدخول وقفي وتعليمات باللغه الانجليزيه للمدرسه كلها وهكذا

النوع الثاني من النشاط فهو عباره عن ركن خاص ببرنامج اللغه الانجليزيه طبعا كيف راح يكون الركن ؟ راح اقولكم
1- أول شئ اختاري ركن مناسب من الدرسه يفضل يكون هذا الركن بصالة المدرسه
2- أرضية الركن تكون عباره عن فلين مضغوط وبعدة الوان وقصيها باشكال حلوه وحطي عليها صور حيوانات والعاب وخرز يعني مثل بلاط السيراميك اهم شئ غري الفلين بالارض واذا ولصقتي الصور غلفيه بسلوفان يعطيك شكل حلو ولمعه هذا بالنسبه للارضيه
3- تجيبين طاوله وتسوين لها ديكور حلو وتحطين فيها محتويات الركن مثل ( سجل الزيارات يعني اي وحده تزور الركن تسجل كلماتها بهذا السجل والسجل يكون تصميمه بشكل حلو ___ تقدرين تجبين كتب منوعه وقصص ___ تقدرين
تحطين قاموس ناطق ____ تقدرين تحطين مطويات منوعه باللغه الانجليزيه وموااضيع جذابه ____ احلى شئ تحطينه بالركن حاجه اسمها( تيك يور قفت) خذي هديتك خذي سله صغيره وحطي فيها حلاوى ونوته صغيره مع قلمها وعباره مكتوبه باللغه الانجليزيه مع بطاقه فيها عباارات جميله وبشكل جميل ويكتب في نفس البطاقه فكره عن البرنامج طبعا هذه الهديه بتكون لزائرات المدرسه)

4- آآآآآخر شئ اللي هو الديكور الخارجي للركن وهو عباره عن قماش تل باي لون انتي تبغينه ويفضل لونين جذابه
تجيبين القماش من فوق من السقف الى تحت يعني يكون كنه ستارة سرير نوم او هندول طفل ( مدري فهمتوا قصدي والا لا ) المهم تبدين بتنسيق الستائر بالورد المجفف والملون

وقولي لطالباتك سيكون فيه تكريم للطالبه المتميزه والمشاركه بشكل دائم في البرنامج حتى ولو بالافكار وسيكون التكريم في يوم حفل المدرسه

ملاحظه : لعلمكم الافكار هذه باقي ما نفذت منها ولا شئ بس كتبت الطلبات اللي يحتاجها البرنامج)
المشكله ان الطالبات اللي معي في البرنامج ما اعتقد انهم راح ينفذون هذه الا فكار لكن ما نقول الا الله ييسر الامور
منقول