اخيراً شريت بيت العمر

السلام عليكم ورحمة الله وبركاتة

الشهر عليكم مبارك وتقبل الله منا ومنكم صالح الاعمال

حابة اسأل بنات الخبر والدمام وذوات الخبره في التاثيث

طبعا انا زوجي الله يهدية مايرضى اخرج معاه واختار لكن لو قلت لة جيب من المكان الفلاني يروح ويجيب لي الصور وكدا

وانا اختار

دحين عندي كم حاجة احب اسألكم عنها

انا ناوية اشتري غرف للبنات والاولاد هل تنصحوني افصل او في محلات الخشب حقها ممتاز

وياليت تكونو مجربين

وكمان ابي نوعية مفارش للاسره ومخدات تكون ممتازه وعملية لاني مش حقدر اغير كل شويا

والمجالس للرجال وكمان مجلس الحريم من فين اخذه او من وين افصل الكنبات انا احب الاندلسي الي خشب

وفية غرفة للملابس كان نفسي بالخزائن المبتكره لاني قريت كتير عنها بس زوجي يقولي لا تشطحي كتير

من جد محتاجة ليكم وانا مقيده وما اقدر اخرج الا بعد شق الانفس