^_^....أعراس الخليج...^_^

بنوتات يريت تقولين كل شى مو تنسون شى

هلا اختي حلوو موضووعك

انا بتكلم عن الرياض لان فيه مناطق غير عننا في السعوديه

يبدا العرس من الساعه 10 عاد على حسب الناس فيه ناس يخلصون 1 وناس 3 وناس يسحبونها

للفجر .. طبعا اهل البنت يكونون بأستقبال المعازيم هم واهل المعرس

بداية العرس يحطون دي جي ولما يكتملون الناس تبدا الطقاقه تطق

طبعا الفساتين والمكياج والتسريحات مثلكم ..

اما فستان العرووس غالبا البنات صارو يعتمدون على البساطه وان كان فيه تكلف بس مو مثل

اللي تقولين ان من ثقله يشيلونه من وراها ..

بعد ماتنزف البنت وتقعد ويسلمون الناس عليها يدخل المعرس مع اخوان العروسه وابوها

عاد اخوان العروسه يبدعون دقيقتين ولا خمس دقايق ويطلعوون

ووووووبس

وبجده عندهم يوم للحنه قبل ليلة العرس .. واعراسهم احيانا يسحبونها للساعه 7 الصبح ويقدمون

فطوور ..

اما الباقي فنفسنا تقريبا

ننتظر باقي الدوول

قبل العرس بيومين .. تروح العروس للصالون وتعمل الحمام المغربي الخاص بالعرايس ..
والحناء يكون قبل العرس بليلة , وفيه ناس يعملون حفلة كبيرة للحناء .. ليلة شعبية بحته !!


+++++++++++++++



اعراسنا تبدأ من الساعة 7 ونص تقريبا .. وتنتهي 1 ونص في الغالب ..

اهل العروس والمعرس يستقبلون الضيوف عند الباب المخصص للضيوف ..


الطاولات : دائرية في الغالب .. وتكون عليها ديكورات بالوان تناسب الكوشة وستايل العرس .. وغالبا نحصل عليها فازات الورد والشموع الصغيرة وسط الماء ..





ولا ننسى الضيافة .. يعني صواني كبيرة للتقديم ( حلويات بانواعها - شوكولاته _ تمر _ بسكوت بانواعه ) ومرات يقدمون كابتشينو ومرات ايس كريم .. ولا ننسى اهم شي الدخون ..


المسرح يكون فيه الطبالات .. والرقص .. ولازم يكون مرتفع .. عن الارض ..
ومرات يكون ديجي .. على حسب الاختيار !!

تبدأ زفة العروس : الساعه 9 ونص او 10 .. وكل انوار القاعه تطفى مع اشعال شموع الطاولات .. يالله الجو رومانسي ورهيب !! ولا ننسى اضاءة الليزر اللي تعطي المكان فخامه



واول ماتوصل العروس للكوشة تتقدم ام المعرس والاهل والاصحاب والاقارب وينثرون عليها الفلوس (غالبا وليس كل الاعراس)

وتبدأ الاهداءات الممــلة !! ( عبارة عن مبلغ من المال للطباله ويكون المبلغ مثلا من صديقة العروس .. وتكون صيغة الاهداء .. اهداء من صديقة العروسة (فلانه) الى العروس الغالية .. وهكذا !!

والعروس لازم يكون فستانها طبعا حلو .. يعني لا دفش مبالغ فيه ولا بسيط عاااادي ..


__

وزفة المعرس : تبدأ 10 ونص .. 11 .. بالكثير وفي الغالب !!
يفضل عندنا عدم دخول اهل المعرس .. بس يدخل مع المعرس ابوها واخوانها .. المحارم يعني و حدهم 10 دقايق ويطلعون ..

لكن مرات يحصل ان اهل المعرس يدخلون معاه .. في هذي الحالة يغطون العروس بمظلة بيضاء نازل منها حرير ابيض للارض المهم تغطي المظلة يدها .. لازم يكون عند العروس خبر قبل يوم العرس لتجهيز المظلة ..

__

وبعد زفة المعرس والانتهاء منها .. يتفضل المعازيم على العشاء .. سواء بوفية .. او الخدمة
(( الخدمة)) : يعني ضيافة الفندق تخصص بنات للتقديم العشاء على الطاولات لكل شخص طبق مقبلات وبعدها طبق العشاء وبعد العشاء الحلو .. مع اختيارك من المشروبات العازية .

وعادة اعراسنا تنتهي بعد العشاء ,, ويبقى اهل المعرس واهل العروس يكملون السهره ..

وياخذ المعرس عروسته ويزفونهم اهل المعرس لحد الباب ..

وعندنا في قاعه الدانه .. مكان مخصص للسيارة تدخل للكوشة وتاخذ العروس مع المعرس امام الناس .. ماحبيت هالطريقة !!

وثاني يوم العرس يكون الغدى عند اهل العروس ..

وبعد فترة بالاتفاق مع العروس .. يتم عمل (( الهدية )) .. وهي حفلة عشاء تقوم بها ام المعرس لاستقبال الضيوف ..


______

والله يديم الافراح ... وعقبال باقي البنات

ماشاءالله عليكم .. يا اهل الرياض .. وايد تبدأ اعراسكم متاخرة ..

زفة العروس متى تكون ؟؟؟

ههههههههههههههههه
حلو الموضوع..
احنا عندنا زفة العروس الله يسلمك الساعه 12 بالغاااااااااااااااااالب..
وعلى الساعه 1 العشاء
وبعدين مره ثانيه يبدأ الطق والرقص الين بعد الفجر..طبعا وقت صلاة الفجر يوقفون طق(ياخذون بريك) وبعيدن يرجعون مره ثانيه يعني ترجيعين البيت على 4 عااااااااااادي مافي اي مشكله