كل وحدة تقول لنا وش توحمت عليه وكيف سوت بعد الولادة؟؟؟>>قديم

انا كرهت بيتي
وصرت اشم ريحة بيض وسط الكاسات
وريحت نفسي وشريت كاسات ورق
واشتهيت الاقط وماكلته الابعد كم شهر فطلعت علامة فبطن بنتي
بس الغريب اني لما ولدت كرهت عطوري مع اني ماكنت اكرها وقت الحمل

انا كرهت العطووووووووووووور وكرهت ملابسي كلها وماكنت اطيج ريحة زوجي المسكين...واتوحمت على ريحة الفيكس....!!!!! وطووول فتره الوحاام جالسه في بيت اهلي 3 شهوووور :) والحين انا في الشهر التاسع وهذا اول حمل لي...

ام سعد وسعود ................
موضوع يجنن...

شوفي يالغلا

انا توحمت في بنتي قبل تسع سنوات بالجريش امووووووووووووووت فيه وكنت في لندن وما يصلح اركب طياره بالشهور الاولى وبغيت انهبل الين زوجي لقى واحد في لبناني في لندن زوجته عندها جريش ...والله يصلحها ذلتني ...صارت تبيع علي القدر المتوسط بخمسين جنيه ..حول ال300 ريال ..وما يكفي الا يومين ....واهلي عاد ارسلوا لي بعدين ....بس ربحت ذا اللبنانيه من وراي ذهب...!!!! وكرهت البصل الحميسه والروج الحمره حقت الشفايف والهامبرغر
ولين اليوم احب الجريش ...واكره الهامبرغر...

وفي ولدي ...من خمس سنين وبرضوا في لندن ...توحمت على الاكلات البحريه وخصوصاً الربيان والقواقع (مع انها موب زينه للحمل )...والسمك ...وابد تقولين ذيك الايام قطوه ..والزفر حدث ولا حرج ...ومطعم الاكلات البحريه وكان حول بيتي ...مغير مسنتره عنده ...افطر تونه واتغدى ربيان واتعشى سمك ...ههههههههه
ولين اللحين احب المأكولات البحريه

في حمالي هذا ...
من اول الحمل وانا اموت في الجريش ومتوحمه عليه عاد قلت يمكن بنت .....!!!! وسبحان الله كنت كارهه التونه ....قلت بس بنيه ....!!! ووقت لما سوو لي الترا ساوند وقالوا ولد ...قال زوجي شكله هالولد بيطلع خكري !!!!! ( بسم الله على جنيني الرحمن الرحيم ) هههههههههههه
وفي حمالي هذا ...كارهه التجمعات الحريم او القرايب ....احب دايم في بيتي او في السوق ...يعني متوحمه على خلق الله من معارفنا ....هههههههههه

الله يعطيك العافيه على الموضوع الحلو

ترى على فكرة أشد انواع الوحام اللي تكون على الروائح تخليك تعافين نفسك
صادقة والله انا مافي شئ تقريبا الا وكرهته واولهم ابو البنات والبنات والشغالة
حكايتي طويلة بس انا الان تعبانة من الوحم ومالي نفس اكتب

هههههههههههههههههههههههههه

يحليلكم والله

أنا في ولدي الأول توحمت على الطين ومو أي طين لازم يكون من اللي فيه لزوجه زي اللي يكون بالبر عقب الأمطار والحمدلله وفرته عندي بحافظه وكنت كل ماشتهيه أحط مويه عليه لأني ميبسته وهاتك وأكل تقل شوكولاته ههههههههههههه وكمان توحمت على المكسرات اليابانية وألحين أكرهها كره العمى

وفي ولدي الثاني توحمت على الفقع وماكان موسم فقع وزوجي ماخلى أحد ماسأله عنه إلين مالقيت وحده تدرس معي يوم كنت بالكلية قالت لي إن امها مفرزنه فقع عندهم والله لو شفتوا فرررررررررحتي ذاك اليووووووووم <<<< أبي عرف وش قصته ذا الوحم
وكمان كنت أموت في ريحة دخان السجاير ولما زوجي يدخن امممممممممم استمتع بالريحه
ويستغرب مني هذي اللي كانت غاثتني عليه كل يوم بطله بطله اقرفتنا بريحته
<<<< الله يتوب عليه منه والله اني ادعي ليل مع نهار انه يتركه بس ماش مهوب راضي <<< يحول شطحت عن الموضوع

وفي ولدي الثالث ماأذكر اني اتوحمت على شي لأن وقتها كنت في مشاكل كبيره مع زوجي وماني فاضيه للوحام

أما في ولدي الرابع توحمت على الدونات والشوكولاته بجميع انواعها كنت أمووووووووت فيها لدرجة ان شنطة يدي ماتفضى من الجالكسي والسنكرز والباونتي وأهلي صاروا يقولون بس هذي المره بنية وسبحان الله طلع ولد

وهذي المره كمان توحمت على الشوكولاته بس شوكولا باتشي وللأسف ماعندنا بتبوك وماأكلتها وحبيت ريحة شبة النار والحطب بشكل جنوووووووني وكمان ريحة الدخان الله لايبلانا وكل شي اشتهيه آكل منه مره وحده وخلاص ماعاد أكرره أحس اني أكرهه زي بيتزاهت وهبمرغرهرفي ومحشي ورق العنب وزوجي يقول الولد ذا بيطلع فسقان مايحب يكررر ههههههههههه