السلام عليكم أخواتي الكريمات
قبل أمس أخوي شاف عند بيت الجيران زحمة سيارات وناس داخلة نازلة
عاد راح سلم على عيالهم وسألهم قالوله عزا حفيدهم عمره سنتين الله يرحمه
قالوا إنه نزل يلعب بالحوش مع البزران عاد بعدين كلهم دخلوا
إلا الولد صغير ولسى ما يفهم راح عند الماطور يبي يلعب
قام مسك السلك حق الماطور وكان مبلل مويا
وشبكه بالفيش
وبوقتها نفضه الكهرب
ومحد درى عنه بعدها أمه فقدته وقامت تدور عليه
عاد يوم نزلت الحوش لقت الولد متمدد ومزرق
ويوم نقلوه على المستشفى قالولهم الله يرحمه مات بوقت ما نفضه الكهرب
أدعوله بالرحمة وادعوا لأمه الي مرررة منهارة وتبكي
ادعولها ان الله يصبرها ويرحم ضعفها
مرة تبكي على ولدها وخصوصا انها شافته وهو يجري ويلعب ويلبس وينام معها
وياكل ويتدلع ويبكي
وبنفس اليوم لو كانت تدري ان ولدها بيموت
كان حضنته وبوسته ومازعلته أبد
لكن الحمد لله الذي لا يحمد على مكروه سواه
الحمد لله رب العالمين على كل حال
محد يقدر يغير المكتوب
لازم الإيمان بالقضاء والقدر خيره وشره
طلبتكم طلب يا أمهات ويا اخوات
حافظوا على الأمانة الي أعطاكم إياها ربي
لا تضربونهم ولا تحرمونهم وتعاقبونهم على أشياء تافهة
ترى مافي شئ يسوى
انتبهوا عليهم ودايم خلوكم معهم
الله يبعد المكروه
لكن لو حصل شئ تكونوا سويتوا الي عليكم والحمد لله المكتوب لايرد
وما تجيبوا لأنفسكم الندم وتأنيب الضمير
وأخيرا ادعوا لأمه ان ربي يصبرها ويبرد على قلبها
ويعوضها بكل خير
ولا تزعلونهم ترى مافي شئ يسوى
يلزم عليك تسجيل الدخول أولًا لكتابة تعليق.
بنت العروبةe
•
لا اله الا الله الله يصبر امه
الصفحة الأخيرة