حل الجوع في القولون العصبي اغيثوني/قديم

اتمنى الاقي حل والله العظيم تعبت
انا عندي قولون عصبي وكان عندي جرثومة معده تعالجت منها وان شاء الله راحت
بس المشكله اني عرفت كلللللللللللللللللل اعراض القولون العصبي بدون مبالغه من النفخه والكتمه والرعشه والخفقان والدوخه والغثيان وضعف الشهيه وقلة النوم والخوف ...........الخ
بس الجديد طالع لي الجوع
لمن اجلس 3 ساعات يبدأ معايه الجوع واذا ما حطيت ببطني شئ يشتد ويصير كلن لي شهر ما اكلت ارتعش واعصب وادوخ ليمن اكل
حسبته في البداية نقص سكر بس مافرق معاه لو اشرب شئ حلو او اكل حلا لازم اكلة تثقل المعده وبعدين حسبته ضغط
وبالاخر عرفت انه من القولون العصبي معقولة يابنات يسوي كذا بالله جاوبوني
طيب ايش الحل معاه معقوله اجلس اكل كل 3 ساعات وانا نفسي مو حابة الاكل ومعدتي منفوخه واحيانا توجعني
ارتاح لمن اكل خيار او ايسكريم فانليا بس برضو اضل جوعانه
رحت الدكتور اعطاني دواء لحموضه المعده وقال ان عندي التهاب بالمعده وتقرحات من الجرثومة ويقول وجع المعده ماله علاقه بالقولون العصبي
بنات الله يوفقكم مين يحصل لها زي ما يحصل لي وايش العلاج
وربي صرت ما اقدر اطلع لاتجيني برا ولا قدام ناس حتى النوم اخاف انام اكثر من 6 ساعات
حتى الصيام ما صرت اصوم تخيلو وعليه قضا رمضان مره نفسيتي تعبانه
انا قريت تجمع القولون اللي حاطينه بس ابغى جواب شافي

حبيت اضيف كمان ان طلع عندي نقص عام في الفيتامينات بي وكالسيوم ودي وزنك وجالسه اخد فيتامينات
يارب يعافيها ويوفقها اللي تساعدني

بليز بنات ارفعو الموضوع