رايه الورديه @rayh_alordyh
عضوة مميزة
تعالي اخذي افكار حق تزيين الكيك من كيكاتي
شلونكم يا خواتي الحلوين:26:
اليوم براويكم تزييني حق كيكاتي سوتها من زمان و حبيت احطها لكم عشان تستفيدون من افكاري و تسونها إذا اعجبتكم يله ما اطول عليكم
انه سويت كيك بيتي كرور و غلفتها بكريمة دريم ويب و خذت انواع من الشوكلاته مثل جالكسي وتوكس و مارس و سنيكرز و فليك و كيت كات و قطعتهم و زينت الكيك فيهم و انتي اختاري الشوكلاته الي تحبينه و قطعيه و زيني فيه الكيكه و ان شاء الله اعجيتكم الفكرة.
وهذي كيكه الفراشه سويت كيكه بيتي كرور و صبيتها في قالب دائري و بعد ما تنضج و تبرد قطعها بالنص من الوسط و صار عندي قسمين و فريت كل قسم و لصقتهم يم بعض (ان شاء الله فهمتو علي و اي استفسار انه في الخدمه) انزين انكمل و بعدين غلفت الكيكه بكريمه دريم ويب و ذوبت شوكلاته بيضاء و قسمتها و حطيت على كل قسم لون طعام و حطيت الشوكلاته في كيس حلواني و زينتها على شكل جناح فراشه (معليه مو مرتبه وايد لاني اول مرة اسويها).
وهذي كيكة تخرج سويت كيكه بيتي كرور و غلفتها بكريمه دريم ويب و زينتها بشوكلاته بيضاء (حطيت الشوكلاته في كيس حلواني و رسمت على ورق زبده و دخلته الفريزر عشان يجمد و بعدين شلتهم و حطيتهم على الكيكه) .و تقدرين تسوين الاشكال بالكريما .
و هذي كيكه النجاح سويتها يوم يهال العايله( الي تسمونهم بزران ) انجحو في المدرسه ،بعد نفس الشي سويت كيك و غلفته بالدريم ويب و زينته بشوكلاته بيضاء و شويه من الشوكلاته السوداء.
و هذي كيكه المارشميلو نفس الشي سويت كيكه و غلفتها بالدريم ويب و حطيت معاه لون ازرق (انه سويتها حق اصبيان من جذي حطيت ازرق بس لو انتو بتسونها حق بنات حطو لون احمر شويه او وردي بصير احلى ) و بعدين حطيت حبات ماشميلو بشكل مرتب .
و هذي سميتها كيكة القوس قزح :biggrin2: سويت كيكه و تذوبت شوكلاته بيضاء و لونتها و رسمت اخطوط فوق الكيكه و تقدرين تغلفينها بكريمة دريم ويب إذا تحبين.
ان شاء الله اعجيتكم افكاري و تجربونها و يله انطر الردود الحلوه ألي مثلكم
و هذي لكم:26:
142
34K
يلزم عليك تسجيل الدخول أولًا لكتابة تعليق.
**شيخه الحلوين**
•
يسلموووووو بصراحه افكارك حلوه
**شيخه الحلوين** :يسلموووووو بصراحه افكارك حلوهيسلموووووو بصراحه افكارك حلوه
تسلمين اخي شيخة الحلوين على مرورج الطيب
تسلميييييييييييييين يا بنت ديرتي انتي بعد على مرورج العطر
و اسعدني مروركم
تسلميييييييييييييين يا بنت ديرتي انتي بعد على مرورج العطر
و اسعدني مروركم
الصفحة الأخيرة