ياعروسه نصايح من متزوجه..نصايح واسرار مهــــمه>>تخلي زوجك شي

السلام عليكم

من زمان خاطري اكتب رساله لكل عروسه
عن خبرهـ وعن تجارب من حولي

لي سنتين متزوجهت وحابه اهديكم نصايح فاتني كثير منها وطبقت كثير منها
وبقولكم شغلات مهمه ماننتبه لهاا....
بسم الله نبدأ

حبيباتي ...اول شغله انتبهي لنفسك قبل كل حاجهـ..كل شي تسوينه خلي ربي امام عينك...وكلكم فيكم خير..اذا زعلتي ازعلي لحقك ولله..ولالك شغل باحد من حولك

بتتزوجين بتروحين مع شخص غريب..عايله جديدهـ..جماعه جديدهـ..جيران مسؤوليه...انتي متكفله بكل حاجه..احتمال تتعبين بدايه حياتك واحتمال تتدلعين بس بعدين بيجيك تعب اكيد..بس كل مرحله لها حلاوتها ولها تعبها وكل شي مع الله حلو...

حبيبـــتي ...

ليله زواجكـ...اتقي الله فيهااولا...حصني نفسك واهلك وزوجك ..بس عاد لاتقرين عليه هههه لا بينك وبين نفسك قولي اللهم اني استودعتك زوجي..
تقدرين بعد العشا تخلي العاملات يلمون لك الملاعق بعد الحريم وتاخذين الغسيل..اذا احد منكم تعبان او تشكون بالقروب الي حاظر او احتياط العين حق كما قال الرسول صلى الله عليه وسلم....هذي فكرهـ

وزعي ملح خشن بانحاء الصاله بالزوايا قبل حضور الناس...رشي ماي مقري فيه بالزوايا..كل هذي تطرد الشياطين مع الابتعاد تماما عن الاورق ولو قلبك وخاطرك فيه عشان ماتحضر الشياطين والله لو تشوفون البنات عند الشيوخ تنجنون ملكات جمل صغار ..لاتغرك ضحكت صديقه ولا قريبه نحسن الظن بس الاحتياط واجب..


اول شهور من الزواج...


اهتمي بصحتك وبلا دلع والله الرجال مارح ينفعك لاتهملين اكلك ورياضتك وعلاجك اذا تستخدمين علاج عشانه...اهتمي بصلاتك قبل كل شي بيني له انك تحبين الصلاه والرجل الي يصلي ربي يعطيه لين يرضيه عشان يحافظ على صلاته...
شخصيتك مع زوجك....خليك رقيقه ..مسكييينه برييئه طيبه عسسسل ..وخليك قول وفعل ايااااك تقولين شي تسوين عكسه بتطيحين من عينه..لو قلتي مالي خلق بهالشي ولا ماحبه لاتغيرين رايك ثاني يوم لا اصبري وتحملي عشان يعرف ان رايك مايتغير وانك قوويه وثقه بالنفس عاليه ..مش عناد لا هذي رسايل توصله مايحس..انك تصممين على رايك ويحسب حساب كل شي بعدين ...
لماتشترين اشتري من الزين بدون تبذير واشتري المعقول بس اياااك تقولين غالي قدامه لاتصيرين هبله ...شوفي السعر غالي انثبري وروحي لغيرهـ بدون ماتحسسينه بهالشي ودايم خليك تختارين الجودهـ ..قولي المهم الجودهـ والزين..والسعر يستاهله ...بس عاد اذا ماعنده فلوس احترمي هالشي بس انا اقول كذا لان اغلب الرجال بدايه زواجهم يبون يعودون حريمهم على الاقتصاااااد...وبنفس الوقت اذا بقا اكل ولا شي زاد قولي حرام استغفر الله ماحب التبذير بالاكل مايجوز يعني كل كلامك معقول عشان يقتنع...

بالحياه الزوجيه الخااااصه...بليز لاتميلحين وتسوين فاهمه عشان قريتي كم كلمه بالنت انتبببببببببهههههههي انتبههههي غلط واكبر غلط

باختصار ماطول كلام تعرفين المخده خليك مخده يروحك ويجيبك على كيفه كل شي صيحي عليه واستغربيه ولو احنا هالوقت نعرف كل شي ههههههههه بس خليك مرره تتعبين وماترتاحين وتخافين ومني فاهمه قولي وش اسوووي كيف مافهمت شوي شوي علي مع الايام بفهم وبعجبك ....وتدللللللعي مره استغلي اول شهرين بالكشخه والدلع مش الفهم والمبالغه بالحركات الزوجيه تفكيره بيروح بعيد ..

علاقتك مع اهله ...
امه وابوه على العين والراس ولا لك كلام عليهم..غلطو عليك غلط فاااادح فاددح مرررهــ بكل رقه ابكي عندهـ وقولي له المشكله وقولي انا مابي شي بس ابيك بالصوره تفهم وضعي ماتحرجني وتجبرني على شي

اخواته واخوانه ....ضيووف على العين واللراس تعبو زوريهم مناسبات هنيهم عزايم شاركيهم...واذكريهم بالخير عندهــ ومن جد دامك ماشفتي الا كل خير....بنفس الوقت العلاقه رسميه اي شي بينك وبين زوجك يبقى بالبيت وبلاش الميانه الزايده وبنفس الوقت ضحك وسوالف بعموم الامور عن اي شي غير كلامك وافعالك وطلعاتك مع زوجك خصوصيه هذي ..بعض الاخوات يفكرون بطريقه انانيه ويخربون عليك وقصدهم يحافظون على اخوهم الله يهديهم:06:


علاقتك مع زواجات اخوان زوجك>>سلفاتك

رسميه بقووووووه بقوووهـ ..اكثر من خواته لانك مش مجبورهـ فيهم ولا صله رحم لاولادكــ..يعني زي جاره لك بالحارهـ ...بس برضو لاتنكرين جميل وحده ولاتكشرين بوجه احد ولاتقصرين بالخير لله

..
نصايح عامه

دايم اذا احد نشب لك من اهل زوجك ولا سلفاتك ولا حسيتي زوجك يبي جمعات مررره وكل اجازه معاهم وانتي ماتحبينهم بيني انك تبين الخوصوصيه لا من اهله ولا من اهلك واجمعي اهلك بكل موضوووع وبيني حياتي غير عن الكل
اهلي واهلك على العين والراس بس نبي نبني مملكتنا نجتمع معهم ونحبهم بس كل شي بحدود عشان يبقا لها طعم....

زوجك راعي حريم...انصحي ودقي بالكلام كنك تكلمين عن غيره مسلسل جيران اي احد اذكري قصه وان الله ردها ببنته وولده ...واذكري حديث الرسول صلى الله عليه وسلم ...

وبنفس الوقت اهتمي بنفسك واررررركدي راسك دامه معك ببطاقه العايله ماعليك من هالخراااابيط

عندك شغاله لاتتركين كل شي عليها وخلي لها حدود بالبيت واوقات محدده ولو تستغنين عنها افضل دامك عروس...لانهم اعوذ بالله شرهم قوي

لاتتكلمين بموضوع صار بالماضي حب وغرام وتمعششق بنات بالكليه او شباب او صديقتك تحب واحد ومن هالخرابيط انتتتتتتتبهي من هالامور انسيها لان الرجل مايحب البنت الي تخاوي بنات كذا ولا راح يفهممم قصدك لو تموتين ولو ضحك لك وقال اي ومشا الموضوع مارح ينسا ولو بعد 20 سنه

حصني نفسك وبيتك واول جهاز تشترينه بالبيت المسجل وسوره البقره 24 ساعه والله واقسم بالله راحه عجيبه ياحلوات وبركه بالبيت

المشااااااااااااكل
اول الحياه مشاكل كثيرهت وتعقيدات وكل شي غريب مجرد ماتخلص سنتين بترتاحين كثير سبحان الله توعين ويوعا اكثر وتفهمون معنى الحياه الزوجيه والمسوؤليه وانهاا مش حب وليه وليه وهات وخذ لالا الحياه الزوجيه ام كريمه وزوج خلوق واطفال متربين على الدين عائله همها الاول رضا الله والمشي على خطا الحبيب


انتبهي من تفشي الاسرار والعلاقه الزوجيه الخاصه وانتبهي من الاعراض عن زوجك اذا دعاك ورفع الصوت كالرجل والظلم والكذب
الزمي الدعاء والاستغفار راحـــــــــه عجيبه

الزوج.....

طلع زوجك حبوب ومدلعك ومرره طيب احمدي ربي واشكريه وجازي زوجك بالمثل ولاتستغلين طيبته ولاتقولين لاحد بيني للناس عيووبه عشان اكيد بيكون طيب مع الكل والكل عارف هالشي عنه ...واحيان الرجال يتكلمون عن حياتهم بقولي العيوب بدون مبالغه ..عشان تطفا العين

طلع زوجك عسسر بخيل..شديد..حاولي تغيرين فيه شوفي نقاط ضعفه استغليها ...استخدمي معه الحوار باللين استغلي اوقات الراحه والرومانسيه..ازعلي منه وبيني له سبب الزعل ..تقربي من امه ...سوي الي يحبه وتنازلي تكسبين تنازلي بالمعقول ولا تنازلين الى الاهاااانه

اخر نصيحه الله الله بالابتساااااااااامه ثم الابتساامه للكل ..صدقه..وتكسبين حب الناس ولو ماتكلمتي معهم:p



.....اتمنى تستفيدون من كل كلمه قلتهااا لك تعبت وانا اكتب بس تمنيت ان احد نصحني ونبهني من قبل ويارب لك الحمد يمديك تتفادين الاخطاء وهالنصايح للكل مش بس للعروســ..
اي استفساار انا حاضـــــــــرهــ