تطلقين عشان مشوار؟؟

لا والمشكلة انه يوديك عشان ما تزعلين ..

يا اختي يمكن تعب من الروحات والجيات اللي كانت ع ظهره ويبي يرتاح ويجلس بالبيت معك..

فترة وبتعدي بس وسعي صدرك وانتظري.




وقد قالوها خلك ع قردك لا يجيك أقرد منه 🤗🤗

ياإختي موضوعك بسيط إحمدي الله على النعمه شوفي مواضيع البنات من وش يشكون زوجه ثانيه مهمله والا مدمن والا بخيل جلده وانتي زوجك كل عيبه هالخروج لعلمك مافيه أحد كامل لا الرجال ولا حنا الحريم وأي انسان بالدنيا فيه عيوب وزي ماله ايجابيات بعد له سلبيات بس شي يطغى على شي مشكلتنا نتزوج ونبغى كل شي أوك وتمام ورجل كامل الحياة يبغى لها صبر ومع العشره صدقيني هو بنفسه بيقول لك امشي نطلع أنا ماأقول لك خلاص استسلمي ولا تطلبينه طلعه لا عشان مايتعود بس شوي شوي اطلبيه وزني لين تطلعين باسلوب تودد وحلو مو تآمرينه وتنافخين عليه وتبغينه يطلعك لا وخليه يطلعك وكانه راكبه جني أهم شي تطلعين واذا طلعتي لاتزعلين عشانه مطنقر ههههه لا خذي اسكريم وكولي وانبسطي وسولفي واضحكي ولا كأنه زعلان يعني انبسطي بالطلعه قد ماتقدرين ترى لاشافك مو مركزه على زعله انبسط معك بس لازعلتي عشانه زاااااد والا قلتي ليش وش فيك ولاتزعل لا لا خليه يزعل مع نفسه شوي ويروح جنيه من نفسه هههه ترى الرجال زي الطفل الي اذا بكى وقلتي يوه وش يوجعك يالله دمك طلع لازم نروح المستشفى يزيد ويبكي ويصارخ لاكن لاصرفتي الموضووع وماركزتي ينسى ويضحك ويجلس يلعب هههههه ولاتزعلين اسبوع ولاشي بالعكس انبسطي وطنشي كثر الزعل مو زين خليك فرفوشه مع زوجك لاتتركين الخروج معه عشانه مايبغ لا انتبهي ترى يتعود مايطلعك بالبدايه يخرجك وهو مطنقر وزعلان ومع الوقت يتعود على موضوع الخروج ويطلعك وهو يضحك

وشيلي فكرة الطلاق من راسك نهائيا مافيه شي يستاهل

لاتخلي الشيطان يكبر لك هالموضوع.. مابغا أقول انه موضوع سخيف.. لكن ماحتستفيدي شي من التركيز عليه.. الجاي لطرق بديلة توصلي فيها لماتتمنيه وتريديه مثلاً التنزه مع أهلك أو صاحباتك إذا أمكن.. أو إشغال نفسك بدخول دورات أو تنمية مهاراتك وهواياتك في البيت إذا تعذر الخروج.. لكن لاتضغطي عليه.. تقبلي الواقع تغيير الرجال ليس بالأمر السهل.. وأنا أؤيد الأخت الي قالت يتغيروا مع العيال :)

انا غير البنات مراح الومكفعا شي يقهر الوحده ودها ترفه عن نفسها وتطلع طلعه حلوه مع زوجها
ودها تروح المناسبات وهي نفسيتها تمام مش ماتوصل الا باكيه والعبره خانقتها
بس هم قولي الحمد لله اقلها يطلعك كل مكان مايقولك لا
واحلى شي انه مش مقصر من جميع النواحي هذا شي ايجابي وحلو
صدقيني اذا جوك عيال مره بتطلعون معاه ومراات بدونه انتي وعيالك
بتطلعون مجمع تتمشون تتسوقون تلعبينهم تتعشون بالذات اذا اكبرو اشوي ثلاث او اربع سنوات واكبر
تكون الطلعه حلوه
انا الحين كذا والله االحمد لله
طلع مع عيالي ننبسط اخر انبساط وادلعم اخر دلع نرجع نفسيتنا عال العال ماشاء الله
وابوهم يطلع معانا مره مرتين والباقي براحته