بنتي عمرها سنه ونصف ملاحظه عليها شي

ماهو وزنها؟ وايه اخبار صحتها بصفة عامة؟
هل هناك تساقط في الشعر؟
ايه اخبار اظافرها؟
وايه اخبار باقي الجلد؟
ماذا تتناول من اطعمه؟ بالتفصيل ؟

الله يجزاك خير يادكتوره على سرعة استجابتك والرد على استفساري
اولا وزنها يادكتوره اول مانولدت 3 ونصف وكانت صحتها تمام الى ان تمت 6 شهور بدات تتعب والسبب خوفي الزابد عليها كنت على طول مشغله بجانبها دفاية الزيت وللاسف ماكتشفت هالخطاء الا بعد خروج فصل الشتاء وكل مازور الدكتور اول سؤال كم وزنها
جتني عقده وصرت اتجاهل السؤال عن وزنها (يعني يادكتوره العجيب الان ماعرف وزنها) بس كل من شافها استغرب نحفها
اسنانها مطلعه 4فوق و1ضرس باليسار وتحت 3اسنان و1ضرس باليمين
شعرها الحمد لله ما يتساقط واحس انه ماشاء الله حلو نموه
حليبها 150 غرام ماء +5ملاعق حليب اسمه نسلاك
اول كنت اسلقلها تفاحه يوميا واهرسها واضعها لها بالرضاعه الحين متبغاه من مدة شهر
يوميا انقع الحلبه بمويه مغليه واخد مويتها بعد النقع واضعها في حافظه وبالصباح اضعها في الرضاعه واضيف لها الحليب (اخاف يادكتوره اني ضارتها بالحلبه وانا مادري)
يوميا ارضعها منقوع الكراويه الساعه 12 ليلا
احيانا اعطيها جبنه البقره الضاحكه المثلث
يوميا اعطيها منقوع التمر قبل المغرب بالرضاعه الصغيره
اعطيها رضعاتها كل 3 ساعات
كنت يوميا اسلقلها الرز مع الخضار واطحنه واضعه لها بالرضاعه وارضعها وقت الغداء الحين ماتريده الحين تشاركنا غدانا بس ب3 ملاعق رز او اي وجبه اخرى وتضل جوعانه واعطيها رضعة حليب
الزبادي كل بعد مغرب ماتاكل العلبه كلها طبعا كل اكلها بشق الانفس
الا الشكولاته واحرص اجيبلها الكاكاو الفاخر
العصاير الحين واللحوم اقدر اقول انها لا توجد في قائمة اكلها
جلدها الحمد لله مالاحظت عليه شي ها بس بياض جلدها احس انها تسمر
ومشكوره دكتوره واسفه على الاطاله وطمنين الله يطمن قلبك بالايمان

فين باقي الاكل ؟فين الخضروات والفاكهه واللحوم والبيض والمهلبية والارز والبقوليات والعصائر ؟ وانتي ليه بتعطيها كراوية؟

يوووه يوووه يوووه
حليب رضعات كل 3 ساعات الى الآن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليش تطحنى الأكل ة تحطيه فى الرضاعه .... اشلون بتتعلم تاكل ؟؟؟؟؟؟؟؟؟؟؟؟؟؟
منقوع حلبه؟؟؟؟ و تمر ؟؟؟؟ و كراويه ؟؟؟؟ للحين ليش ؟؟؟؟؟؟؟؟؟
التمر ليش ما تأكلينه لها أفيد ؟؟؟؟؟؟
بعدين كاكاو فاخر ايه ؟؟؟ حرام عليك أكل البنت كله غلط ....
ليش ما تعطينها فواكه .... بسكوت ... زبادى ابيض و بالفواكه ...
خبز و ساندويشات .... رز و معكرونه ... دجاج و سمك و لحم ....
اختى فيه كثير مواضيع عن تغذيه الطفل اظن الأحسن انك تقرئيها ...
بنتك ما شاء الله سنه و نص و عندها اسنان كافيه المفروض تاكل من اكل البيت خلاص
اظن لازم تبدى معها شوى شوى ... جيبى لها بسكوت الأطفال (ميلوبا او سيريلاك) و خليها تأخذه فى يدها و تأكله لا تخافين ما راح تغص و ان غصت ترى عادى .... اعطيها توست مدهونه جبنه تاكلها ... الفطور اقلى لها بيضه مع حليب و اكليها مره حلو و يحبوه الأطفال ... خليها تمسك الأكل و تحوس بس تتعلم ... الغداء من اكل بيتكم ... او سوى لها مخصوص و اكليها بالملعقه ... بطاطس مقليه و تمسكها تاكلها ... فطاير و احنا برمضان .... شوربه و فتى فيها خبز .... رز كبسه مع زبادى و فتتى لها اللحم او الدجاج ناعم مره .... معكرونه ... يعنى جربى معها و الله يعينكم

للاسف يادكتوره متعبتني بأكلها
التفاح والبرتقال كنت مداومه عليه بس رفضته
الارز رفضته اكله واضطريت استمر على طريقة ارضاعها له بالرضاعه وياليتها استمرت بتناوله على الاقل اقول تاكل مفيد بس بالنهايه رفضته
بدأت الان ازيد عدد رضعاتها للحليب على الاقل اقول تتناول شي مفيد
تحب بسم الله عليها وبقوه الجلوس معنا على سفرة الاكل بس ايش تسوي تحوس وتخلط هدا على هدا والاكل الي يدخل فمها من اومنها تمضغه وبالنهايه تطلعه
بالنسبه للكراويه رايك يادكتوره ابطلها لانه كثير قالوا لي انها مهديه ومفيده واحسن يتناولها الطفل بالليل
وماطمنتيني يادكتوره ايش سبب عدم نعومة ملمس باطن يدينها ورجلينها
وجزااااااااااااااااااااااااااااااااااااااااااااااااااااااك الله كل خير