لنا ست سنين متزوجين وطبع زوجي غامض وعصبي اول ما تزوجنا في الملكه يقول انا ما احب السفر وسافرنا بشهر العسل مشاكل واذا طلعت من النفاس اطلب منه انسافر لان اصير ماله من الجلسه في البيت ودانا مره دبي وصدم فينا وآخر مره رحنا الجده ومبسوطين وآخر يوم بنمشي تكلمت قلت اني صرفت 4000وضربني في الشارع وفتشني ورحت لاهلي وقالوا له اخواني ما يمد يده والحين صار ما يمدها بس صار ينام برا البيت وهو من الصبح عند الاسهم واذا جت الساعه 12الظهر راح الين 5 المغرب سألته مره قال عشان ابوي وقلت لابوه قال لا ومره عشان بناتي وانا ما ابغا بناتي تربيهم اندونيسيه لان عندي وحده واخلي عليها البيت وانا علي البزران ومره حلمت وقال الشيخ انه يخونك مع الشغاله ويناظر سكس لقيته هالايام في سيارته وانا جامعيه بس ما حصلت وظيفه وطبعي عصبيه وعندي ثلاث بنات

ام لمار ماادري ليش جاء في بالي ان الشغاله ساحرته
بس الله يسخر لك زوجك ويجعلك اجمل وحده في نظره
الله يهديه ويسخره لك
الله يهديه ويسخره لك
الله يهديه ويسخره لك
الله يهديه ويسخره لك
الله يهديه ويسخره لك
آآآآآآآآآآآآآآآآآآآآآمين

اختي ارجوك قبل ماكتب ردي ابعتذر اذا زعلتك لكن صدقيني قريت لك اكثر من موضوع بخصوص
مشاكلك مع زوجك وحاسه ان زوجك يا مريض او يكرهك (اسفففففففه جدا)
لكن افضل شي انك تبدين انت بالتغيير يعني غيري اسلويك معاه نهائيا
والله يسعدك ويوفقك

حبيبتي اول شي انتي خليكي ريلاااااكس مرررره .... يعني حاولي تمرنين نفسك على البرود .... صدقيني كثير اعرفهم من صديقاتي عصبيات ما يتحملون .. لكن مع الوقت ما تعرفينهم صاااارواا اهدا كثير ...
يعني بداية حل المشكله تبدا من عندك حبيبتي ... والله لو تتبعين الخطوات صدقيني راح تدعين لي بعدين ...
الرجال ياقلبي يبي بس اللي يفهمه ... اسألي مجرب ( وتراي خبره )
يعني مثل الطفل عامليه ... مثلا لو تطلبين حاجه من بنتك (الله يحفظها لك ) بالصراخ والقوه ممكن تعاند .. لكن لو تقولين لها ياقلبي فلانه ممكن تجيبن لي هالشي ياحياتي .. يااعمري ... طبعا راح تجيبه ...
الرجال نفس الشي ... يمكن رجلك انت عصبي شوي لكن نفس القاعده تنطبق عليه ...
انت الاساس ... انت اللي ممكن تمشين السفينه ... بالعقل والحكمه تقدرين توصلين للي تبينه صدقيني ...
المشوار يبدا من عندك انت ... تتوقعين ليش ما يقعد عندكم بالبيت ....؟؟؟
هل انت من النوع اللي لا دخل من الشغل تقولين له .. الله يعطيك العافيه يافلان
كيف الدوام اليوم ... تبي ترتاح شوي ولا احط الغدا عشان تنام شوي ...
او اذا جا العصر يكون فيه روتين يومي .. تكوني مسويه قهوه مع حلا اوتمر حتى او شاهي مع توابعه ... وتجلسون مع بعض اللي يقرا او يشوف النت او التلفزيون يعني بالعربي تكون جلسه هاديه ..
الرجال يبي اللي يهتم فيه مثل الطفل هذا اذا تبين نتايج ...
وبعدين اي طلب من الرجال لازم يسبقه ياااحياتي .. او ياقلبي ... الله يخليك لي
الله يعافيك يعني من الكلام الحلو اللي لازم تكون عاده عندك ... واذا تأخر شوي
لا تزعلين ممكن ينسى وما فيها شي اذا عدنا الكلمات الحلوه .. ومثلاوش انا من دونك .. تري والله راح يستحي مع الوقت ...
وتري وحده اعرفها معرفه ما عمرها سمعت الكلمه الحاوه من زوجها ... ومن يوم هي بدت تستخدم الكلام الحلو بعد فتره صار يردده لها وهي مو مصدقه بس تدرين ليش لانه تفشل منها ..
انت حسسيه انه هو الرجال وانكم انتم ولا شي من غيره ... ارفعي قدره ...
اتركي العصبيه على جنب ... اتركي الشك اللي ممكن يدمر حياتكم ... اجذبيه بطرق ذكيه والله راح ينسى الشغاله وابو الشغاله ...
لا تقعدين تحققين معه بشي خليك ذكيه واستخدمي انوثتك ....
اذا جا مره من الشغل سوي مساج خفيف لكتوفه والله تريه مثل السحر .. ولا تنتظرين النتايج على طول اصبري ..
كرري .. وواصلي ... ولا تملين ابد ... خلي تصرفاتك زي العاده ...
الزوج بس يبي له مسايسه ...
اهتمي بنفسك وركزي اهتمامك على اشياء ممكن تفيدك .. دورااات اي شي ... اهتمي بجسمك .. شعرك ...
يعني لا يكون زوجك محور اهتمامك .. مو يعني تهملينه .. لا انا قصدي لا تلاحقينه باتصالتك ,, وين ما راح .. لا تضغطين عليه تري الرجال كره والحرمه النشبه او اللزقه .. اثقلي عليه شوي ....
وبالنسبه لنومه خارج البيت .. انت ما ذكرتي الاسباب ..؟؟؟؟؟؟؟

وياقلبي خليه يروح لاصحابه حتى ما يمل ولا تزعلين من روحته لاصحابه .. اذا زينتي اسلوبك معه مع الايام راح تقل شوي روحاته واذا ضغطتي عليه راح يعاندك اكثر ... وانت استغلي روحته لاصحابه بالاهتمام بنفسك وبيتك .. او زوري اهلك او صديقاتك بالعربي اشغلي نفسك ...
ياختي والدي كل يوم يروح لاصحابه ولا صارت مشكله .. وتدرين انه الوالد هي اللي تشجعه احيانا على الروحه تقول ابيه يوسع صدره بعد هالشغل والدوام .. الله يخليهم لبعض ويطول بأعمارهم ياارب ...
وانا نفس الشي مع زوجي مثل ما انا انبسط مع صديقاتي خليه هو ينبسط .. ولا احاول ادقق على هالشغله ...
ويااختي الحين مع نزول هالاسهم ... تري النفسيه برضوه تحت يعني لازم نعذرهم .. وهذا حلالهم اللي تعبوا فيه ...
يعني ضغط الشغل .. والاسهم سوااا ...الله يعينهم ويعينا معاهم ...
وبالنسبه لسالفة الخيانه ... اللي فهمته انك حلمتي وفسرتيه ... يعني مو شي اكيد ومو كل تفسير ممكن يكون حقيقي ....
والله لو انت تتغيرين هو راح يتغير ... حاولي تشبعينه بالكلام المعسول بكل وقت ...
ولا تنسين العلاقه الخاصه تريها مهمه ... انت اجذبيه بكل طريقه خليه يتعود عليك ....

بس صدقيني اهم شي ... الكلام الحلو خلي لسانك ينقط عسل ... انتي دربي نفسك على هالشي ...

ولا تنسين الدعااااااء والاستغفار ... واذا قدرتي تداومين على قرأة سورة البقره .....


واي استفسار انا حاضره ....

ليش ينام برا البيت ؟
وضعك صعب ولازم تضعين حد وتنهين اللي قاعد يسير
اذا يبغى يتعدل ولا فراقه عيد
تكلمي معه بجد وبهدوء واذا استخف فيكي كلمي ابوه
ترى كل شيء يسير لك من صحتك ووقتك
المشاكل تجيب المرض وانتي عندك بنات لازم تهتمي فيهم
ولاتنسي تاثير المشاكل على الاطفال وقوليله الشي هذا
اذا يحب بناته تعيشون بهدوء بعيد عن جو الكراهيه
والله لو تستغني عن الشغاله احسن لك

بسالك كيف اهلك معاكي تقدري تعيشي معاهم انتي وبناتك مبسوطين لو تطلقتي
وانتي استخيري


اخيراااا ارجووك لاتسكتين ترى انا والله كم مرة شفت لك مواضيع
عن مشاكل زوجك وادعيلك