حبيت أشارك في إبداعات المكرونه كمان ، مع العلم أني أحضرها شبه يوميا بس ما يجي ع بالي إلا بس تجهز ، و بما إني ما أحب أنزل موضوع غير مدعم بالصور الممله و المفصله ، لذلك ما أنزلهم..
على كل حال ..
نحتاج للتالي:
طماطم مقطعه مكعبات
جبن موتزريلا أو شيدر مقطع مكعبات (الموتزريلا أطيب)
زيتون بدون بذر مقطع انصاف أو شرايح (الأنصاف طعمها يبان أكتر و تكون أطيب)
ذره معلبه ~علبه صغيره
تونه و نصفيها من الزيت (ما تهرسيها خلي تضل قطع صغيره علشان تبان نكهتها)
نعناع ناشف ( في موسم الحبق نستخدم حبق منتف باليد)
ملح
زيت زيتون
ليمون
مايونيز
المقادير خواتي تتحكمي فيها متل ما تحبي ممكن تزيدي او تقللي او تغيري حتى في المقادير بس هيك كانت أطيب شي..
نسلق المكرونه في ملح (أنا ما أضيف زيت لأني احطها و الماء يغلي و أقلبها باستمرار)
نصفيها و ما نشطفها ، بس نخليها تدفى شوي..
نقلب كل المكونات مع بعض عدا الزيت نضيفه آخر شي و اضبطي الملح و الليمون حسب ما تحبي..
و إبداعنا هيك صار جاهز..
متل ما انتو شايفين ما شاء الله و لا قوة الا بالله من كتر ما يحبوها بعملها في صحن العجين !!
هاد صحن..
و هون من الصميم ههههههههه..
يا رب يكون طبقي عجبكم و على فكره حلاوته يتاكل دافي و أنا اعمله باستمرار في الصيف..
دعواتكم خواتـــــــــي
