لاهل الرياض احسن المخابز عندكم

السـلام عليكم ..

حبيبتـي عندك مخابز سنابل السلام رووووعة

اتمنـى اني أفدتك ,,

انتي باي حي علشان ندلك ..

على العموم انا احب خبز صامولي ومفرود حق القادسيه وهو بحي المرسلات مقابل صحارى ..المخبز مو مره شكله من برى بس خبزه الصامولي غير طبيعي جدا رائع ..

وايضا عندك الرابيه ممتاز وفطائره وخبزه الرقاق واللبناني ممتاز ورخيص يوجد بحي المصيف وحي الملك فهد ..ولو تبين الوصف بالضبط سالت لكي ..

وفيه مخبز هرفي وهو اكثر شي يعجبني بحي المروج او بالعروبه قبل فديو الماسه وخبزهم ممتاز ونظيف ..وعندهم مخبوزات ممتازه ..

وفيه قمحيات بحي الملك فهد كويس ..

فيه مخابز كثير بس ما اعرف قريبه لك والا لا ..ياليت لو تكتبين باي حي ..

واذا هذولي بعاد عنك خليك على كارفور او هايبر بنده والله خبزهم ممتاز :) والتورتيلا تلقينها بكارفور وبنده ..

الله يعطيكم العافيه.....

بالنسبه انا وين ساكنه انا في ( العيينه) بس انا اقرب شيء لي الشمااااال ياليت الاقي فيها مخابز كويسه

انا كنت اشتري من بنده بس ماعجبني الصامولي حقهم يتفتت بسرعه مااقدر احشي فيه زين على طول يتقطع من الجهتين,,,

شفتي المخابز اللي ذكرتهم هذولي كلهم بشمال الرياض ...

مخابز القادسيه عندها صامولي ممتاز وموقعه مقابل حياة مول على طريق الملك عبدالعزيز ..بعد باجه للمكسرات ..

والرابيه اشهر شي بالرياض .. روحي حي المصيف يجيك هارديز على طريق الملك عبدالعزيز
تدخلين من عند هارديز وتمسكين الشارع
اخر الشارع على يمينك تلفين تلقينه ..

وغالبا البقالات يكون عندها خبز صامولي زين ..

يالله ان شاء الله يفيدونك بنات العيينه او بنات الدرعيه بمخابز كويسه :)

بالنسبة للصامولي عند العثيم روووووووعة