اللي تصلح دايم القهوه العربيه تدخل تساعدني

شوفي حبيبتي اول شي نوعية قهوتك من الزينه وحمسته كيف
انا قهوتي بن هراري انا الي احمسه بنفسي بالفرن اولعه من فوق بس صح اطول وانا احمسها بس تطلع جنان ودرجه وحده موحبه محترقه وحبه ماستوت لا تصير مثل بعض اخليها وسط واطحن حق 3 ايام بس والباقي بالفريزر والهيل اطحن كل يوم بيومه صراحه عشان الطعم والريحه


اما الطريقه اغلي المويه تقريبا 5كاسات واذغلت اقصر واحط القهوه تقريبا فنجان ونص واخليها ربع ساعه

ماحط شي معها بعدين اطفيها اخليها تركد دقيقه واكون حاطه بالزمزميه ملعقة صغيره ونص هيل وبين الاصابع زعفران ونص ملعقه من خلطة القصيم واصب القهوه عليهم انتبهي لاتحركين الابريق حق القهوه وانتي تصبين القهوه عشان القهوه تكون بالقاع وتاخذي الصفوه واتمنى تعجبك وادعي لي ابصلاح وقولي اذجربتيها وش رايك

والله شوفي ياعيوني
انا اشتري بن قهوه من وحده نعرفها قهوته بصراحه روعه فيها كل شي

بس احط مويه بالبريق قد الترمس يعني اعبي الترمس واصبه بالابريق وازيد شوي عشان الغلي

اخليها تغلي واحط من هالبن ملعقه كبيره لانها حمستها غامقه شوي

واذا بدت تطبخ اقصر النار وربي ان ريحتها تفوح بالبيت اخليها 10 الى 12 دقيقه واطفيها

احط بالترمس م صغيره مليانه هيل +شويه مسمار+شويه قرفه+شويه زنجبيل وربي كل من شربها انهبل عليها


مايمديك فنانه انا ههههه

شوفي يالغاليه اذاكنت تبغين قهوتك حلوه اختاري بن هرري رائعه ومافيها نكهه وحمسيه بالحماسه خلي لونه غامق وطريقتك مره حلوه وحتى اختى نجلا كلامه ميه على ميه

اهم شىء تخليها تغلى ربع ساعة وجطى فى الترمس الهيل وقليل من خلطة القصيم موجودة عند العطارين وحتعجبك باذن الله