انا وزوجي 0000 والراتب

الأسرة والمجتمع

مرحبا يا بنات انا حبيت انزل موضوع يمكن منزلينه من قبل بس انا امر بتجربه صعبه وودي استفيد من اراءكم
بإختصار : انا متزوجه من سنه ونص تقريبا موظفه وزوجي موظف رواتبنا متقاربه وهو يزيد علي شوي
هو كأغلب الشباب بدأ حياته الزوجيه بدين خصوصا انه موظف جديد لوازم المهر وتكاليف العرس و الشقه الخ على إن ماكان فيه ذيك الكلافه كل شي بسيط وحدود دينه مية الف على خمس سنين وابو الشباب اشترى سياره جديده ويدفع اقساطها يعني ما يصفي الا ربع الراتب
انا مقدره هذا الشي ماحملته مصاريفي ابد ابد حتى ولدي الصغير انا اشتري اغلب احتياجاته و اخذت قرض على حسابي يبدا فيه بزنس صغير

مع كذا يقول انتي ماتحسين فيني ولا تساعديني يبغاني اخصص جزء من راتبي له واحسه يغار اذا عطيت اهلي شي يقول زوجك اول بمساعدتك بعدين اهلك !! كأنه هو اللي شقيان فيني ومربيني طوول عمري
المشكله اللحين انها موصله بيننا للسما و خلاني عند اهلي يقول لحد ماتقدرين زوجك


وش اسوي يا بنات انا متمسكه برايي بس حاسه انه حياتي الزوجيه اللي توني اقول ياهاادي صاارت في خطر مادري وش التصرف الصح خصوصا اني ماكلمت احد من اهلي بالموضوع لانه محرج جدا بالنسبه لي
:eek::eek:
30
2K

يلزم عليك تسجيل الدخول أولًا لكتابة تعليق.

تسجيل دخول

كلي نظر22
كلي نظر22
الله يعينك هذا اكيد متزوجك على طمع
مدري اش اقول بس اكيد الموظفات يفيدونك
طخومه
طخومه
اذا عليه ضغوط شديده ساعديه هذا زوجك جنتك ونارك

بس اذا يبي تقتطعين له من راتبك لا معصي

ممكن مثلا تجيبن اغراض البيت شهر
مره تسددين عنه كهرب وماء
يعني لاتكثرين طلبات عليه لانه بتنعكس على نفسيته وطبعا كله بينعكس عليك
واذا عطيتي اهلك مو لازم يدري
مره قولي وجبت وحده نفاس مره صديقه بتتزوج مره شريت اغراض للبيت لاتقولين له ابدا ابدا
والله يعينك يارب
pinky-pinky
pinky-pinky
الله يعينك هذا اكيد متزوجك على طمع مدري اش اقول بس اكيد الموظفات يفيدونك
الله يعينك هذا اكيد متزوجك على طمع مدري اش اقول بس اكيد الموظفات يفيدونك
اخت كلي نظر يجيني هذا الهاجس بس ارجع واقول لا :angry2: لانه اول الزواج ماكان كذا ابد
pinky-pinky
pinky-pinky
اذا عليه ضغوط شديده ساعديه هذا زوجك جنتك ونارك بس اذا يبي تقتطعين له من راتبك لا معصي ممكن مثلا تجيبن اغراض البيت شهر مره تسددين عنه كهرب وماء يعني لاتكثرين طلبات عليه لانه بتنعكس على نفسيته وطبعا كله بينعكس عليك واذا عطيتي اهلك مو لازم يدري مره قولي وجبت وحده نفاس مره صديقه بتتزوج مره شريت اغراض للبيت لاتقولين له ابدا ابدا والله يعينك يارب
اذا عليه ضغوط شديده ساعديه هذا زوجك جنتك ونارك بس اذا يبي تقتطعين له من راتبك لا معصي ممكن...
والله يااخت طخومه اقول لنفسي الوحده مالها الا زوجها بالنهايه بس من كثر مانسمع انه كثير وقفوا مع ازواجهم وفي النهايه يتزوجون ولا مايبين في عينه اساسا
مداوية الجرحى
شوفي حبيبتي مافيها شي لو تساعدينه مالك وماله واحد مافيه فرق بينك وبينه

مثلا مقاضي البيت خليها شهر عليك والشهر الي بعده سددي فاتورة جوالك وفاتورته
والي بعده اذا شفتيه اخر الشهر مطفر عطيه مبلغ يسد به عجزه لان اصعب شي على الرجال انو يحس ان زوجته مستغنيه عنه حسسيه انك محتاجه له حتى لو مامعه شي
بس حذاري انك تعودينه على روتين معين يعني تعودينه تسددين فواتيركم او تتقضين انتي لاااا كل شهر غيري عشان مايتعود بعدين يحملك المسؤليه
الله يعينك بس ماله داعي عشان فلوس يتركك ببيت اهلك خليه كم يوم يهدا لاتكلمينه ولاتراسلينه يحمد ربه انك مكفيته نفسك والبيبي كثر الله خيرك وش يبي بعد
خليه يفهم غلطه وبيرجع لك ان شاء الله بس لاتنسين الدعاء فهو سهام لاتخطئ