ياليت احد يفيدنا من بنات نيو كاسل لاني نفس المشكله..

up

اهلين حبيبتي

انا ماعندي فكرة عن نيوكاسل بس اكيد في جامعتك بيكون فيه انغلش سنتر ممكن تاخذين اللغة هناك بكل برامجها ولمدة سنة واكثر بعد وكمان تاخذين الآيلتس من هناك هذا عاد يعتمد على تواصلك مع جامعتك يعني...

بالنسبة للأخت اللي تبي معلومات عن برايتون حددي لي هل انتي جاية بعثة او على حسابك الخاص لأن معهدي اللي درست فيه كان مرة ممتاز واقدر اعطيك رابطه لكن غالي جدا..انا اخذته لأني على حساب الدولة ...وكمان فيه سعوديين وسعوديات وعرب واجد مرة

وبرايتون مامنها خوف كلها عرب منطقة السنتر حقتها مير كلها ليبيين وجزائريين ومصريين يعني بتلقين ان شالله صداقات اول ماتدخلين المسجد ان شالله بتلقين عرب

لكن نيوكاسل اتذكر كان فيه اخوات في نيوكاسل هنا بملتقى المغتربين العام الفايت انا طبعا لي زمان مادخلت بس دخلت لما شفت الموضوع

بس ارجع اذكرك في كل جامعة يوجد مركز تعليم لغة +وورك شوب وحلقات انشطة وكمان غالبا يكون فيه مسجد تقدرين من خلاله تتعرفين على مسلمات ومسلمين يقدرون يخدمونك في مسألة اطفالك

بل انك من خلال الجامعة نفسها تقدرين تستفسرين عن النرسري هل فيه نرسري قريبة او ارقام بيبي سيترز ممكن يزودونك فيها

بس انتي دقي عليهم او راسليهم ايميل واشرحي كل اللي تحتاجينه بوضوح وان شالله يزودونك بكل شي من طقطق للسلا عليكم ححتى يزودونك بارقام عائلات للسكن عندها فمن باب اولى النرسري ان شالله

بالتوفيق واي استفسار ثاني راسليني على الخاص انتي والاخت اللي في برايتون لأني العام كنت في برايتون واقدر افيدكم ان شالله

اشكر غالياتي أم مسعود ...روح عزيز .....بدور الحلوة والله يسر لكم اموركم وكمان وجميع الاخوات اشكرهم على مرورهم
تحياتي للجميع