الى كل خبيرة طبخ تدخل

الاخت هناء ... تحية لكِ وان شاء الله اقدر اجاوب على الاسئلة اللي اعرفها :27:


1-اذا عندك لحم كبير ابيةيستوى ابسرعة اشلون وشنهو احط علية
اسرع طريقة لنضج اللحمة هي طبخها في طنجرة الضغط ... اللحمة اللي بتحتاج بدون ضغط لمدة ساعتين على النار تحتاج نصف ساعة منذ بداية التصفير .

2-زفارة الدجاج اتظيقنى اشلون تروح ابسرعة
عند بداية الغليان تزال بملعقة غير مثقوبة وبعد ذلك تضاف البهارات كالهيل والبصل وورق الغار .

3- تنظيف الكرشة والمصران اشلون اتروح الريحة القشرة منها
بعد كحت الكرشة والمصران من القشرة الخارجية ... عليكِ غسلها بالصابون البلدي او النابلسي او المشابه له
وبعد ذلك تغسل بالملح والدقيق والليمون .. وبعد غسله بكل نوع نغسلها بالماء جيدا .. انتباه يجب عدم نقعها بالملح او ملح الليمون لمدة تزيد عن خمس دقائق لانها تأخذ الطعم الحامض او المالح .. علشان هيك لازم غسلها بسرعة وبالماء بعد الملح او الليمون او غيره .


4- اذا عملت ملوخية تتكون طبقتين وحدة خفيفة والثانية ثقيلة
شوفي قبل فترة واحدة اجت زيارة من امريكا بتقول استخدم نفس الملوخية هنا وفي امريكا .. في امريكا تكون
طبقتين وبتنزل لتحت اما هنا فلا !!! .. فكان تبريرها من طبيعة الماء !! والله اعلم
اما انا فأقول لكِ زيدي كمية الملوخية شوي وخلي فرمها يكون خشن ومش ناعم .

5-اشلون اسوى الروب المنزلى
اغلي الحليب واتركيه لتصبح حرارته دافئة .. ممكن تقيسي حرارة الحليب بهذه الطريقة ..
ضعي اصبعك في الحليب وعدي للعشرة اذات وصلت عشرة واستحملتِ حرارته معناه انه جيد اذا شعرتِ حرارته اقل
يعني باردة معناه لازم تسخنيه شوي ..
لما تعرفي انه الحرارة جيدة اضيفي لكل لتر حليب ملعقة كبيرة لبن ولازم يكون لبن جامد قريب لتكوين اللبنة
ولازم يكون طعمها حلو وليس حامض حتى يكون اللبن لذيذ .. غطيه واتركيه حتى يروب .. والمدة اللي بيحتاجها تعتمد على حرارة الجو .. يعني في الصيف يكفيه ثلاث ساعات .. وفي الشتاء بده 6 ساعات تقريبا .

6-الاجار الكويتى الاصلى كيف اعملة

اما هذا فللاسف مش عارفه .. شو هو الاجار .. ممكن بعرفه بس بأسم اخر ..

وتحية لكِ وحياك الله اتمنى يكون كل شئ واضح
:26:

السلام عليكم
عزيزتى ماما رويدة مشكورة كثير كثير أفتينى ويعطيكى العافية حبيبتى على المجهود الرائع وبنسبة حق لاجار هو الطرشى او المخخلل :26: :26: :26:

عزيزتي هناء ... حياك الله .. والشكر لله

المخلل .. اي نوع بدك ..

مخلل خيار ..او قرنبيط ام لفت .. ام فلفل .. او باذنجان حددي اي نوع وانا حاضرة :27:

السلام عليكم
مشكورة حبيبتى ماما رويدة الصراحة اخجلتينى بكرمك فى نوع يكون كلهم مع بعض ينحطون برطمان واحد
وابى حاجة بعد بما انك من فلسطين الحبيبة ابى طريقة المكدوس الطريقة التى لديك اجننن خصوصا انكم كل شى اتسونة فى البيت يعطيكم العافية اعذرينى حبيبتى ادرى ثقلت عليكى :26: :26: :26:

الاخت هناء ... حياك الله وانا حاضرة باللي بدك اياه ..

وتسلمي على كلماتك اللطيفة ..:26:

المخلل المشكل ..

زهرة ( قرنبيط )
جزر
فاصولياء
فلفل حار
فلفل حلو
ملح
روح الخل او ليمون او خل
سكر

الطريقة ..
يجب سلق القرنبيط لمدة دقيقتين ... وسلق الجزر لمدة 5 دقائق

طبعا تقطيعهم حسب الشكل اللي ترغبيه ..

الفاصوليا تقنب وتقطع من النصف .. الفلفل الحلو شرائح طولية

والفلفل الحار اما ان نضعه كما هو او نقطعه دوائر ..

نضع هذه الخضار مع بعض في مرتبان ..

المحلول الملحي يكون مقاديره لكل لتر ماء .. ثلاث ملاعق ملح ..ملعقة كبيرة روح الحل او نصف كوب كبير خل
عادي او نصف كوب ليمون .. ملعقة صغيرة سكر ..

يعني لازم لما تتذوقيه تشعري انه طعمه مالح لانه الملح هو اللي يحافظ على المخلل ويكون طعمه

بيقرش :27:

ويحفظ لمدة اسبوع وبعدها ممكن تتناوليه بالهنا والعافية .


المكدوس .. في نوعين نوع بالخضار ويحفظ بالماء والملح ونوع بالجوز ويحفظ بالزيت ..

راح اعطيكِ الطريقتين ..

مخلل الباذنجان بالخضار
باذنجان صغير الحجم .. يقمع ويسلق حتى تشعري انه بدأ يطرى .. يعني حوالي عشر دقائق
فلفل حار ..بقدونس .. ثوم .. ممكن تحطي حبة بندورة مفرومة .. زيت زيتون

تفرم الخضار وتملح ونضع عليها قليل من زيت الزيتون ..

نحشي الباذنجان بالحشوة ونضعهم في مرتبان ..ونضيف المحلول الملحي .. ومقاديره مثل اللي ذكرتهم سابقا .

المكدوس بالجوز ...

باذنجان صغير الحجم ..
جوز ..الذي يستخدم للقطايف.. مفروم
ثوم مدقوق
شطة حارة

نسلق الباذنجان كالطريقة السابقة .. وعندما يبرد ننشله من الماء ونملح داخله جيدا .. يعني بتحطي على راس
اصبعك ملح وبدخليه في الباذنجان وتضعيه على قطعة قماش نظيفة ..مقلوبة بحيث تكون فتحتها للاسفل
وهذا يساعد على خروج كمية الماء من الباذنجان وتتركيها يوم او ليلة ..

بعد ذلك تحشيهم بالحشوة وترصيهم في مرتبان ..وبتضغطي بأيدك عليهم .. بعد الانتهاء نغمره بزيت زيتون

ونتركه لمدة اسبوع ..زبعد ذلك بيكون جاهز ..

والف صحة وعافية :26:

اذا في اي استفسار او شئ مش واضح ..انا حاضرة :27: