زوجي تزوج علي ساعدوني

السلام عليكم ورحمة الله وبركاته
بنات حواء مالي غيركم افضفض له حاسه اني انظلمة من زوجي واهله تعبت من كثر ما افكر في شخصياتهم الغريبه
انا لي سنتين متزوجه عمري 21 وعندي بنت وولد وبيني وبين زوجي10 سنوات
كنت عند اهلي اراجع للحمل وفجاة اتصل علي زوجي وقال انه خطب علي والناس وافقوا وحبيت اقولك احسن بدل ماتسمعينها من غيري
سويت فيلم من كثر مانصدمت وتعبت نفسيتي مررررره وسالته عن سبب زواجه قالي جاتني هديه من صاحبي ومااقدر ارده وطلع يكذب علي امه شافتها في زواج وعجبتها علشان كذا تزوجها
انا طلبت يطلقني وقلت له بجي اخذ اغراضي قالي انا اجيبها لك وانا رفضت
ولما رحت بيتي الله لايوريكم لقيت اهله في البيت يبخرون البيت ورامين اغراضي كلها في اكياس زباله مره انصدمت وتمشكلنا مع بعض ومطلعين اشاعه اني اخذت عفش البيت كله علشان يكذبون على الثانيه ان البيت اثاثه جديد
والحين تزوج رابع العيد
والي مستغربته انه يوم عفش البنت ارسل لي رساله ويقول لاتطلبين الطلاق قلت يمكن شاف الفرق بين اغراضي واغراضها
وصباحية زواجه وهو يتصل ويرسل وصار يرسل لي كل يوم رسايل غزل
بنات وش رايكم في شخصيته والله تعبت من التفكير سواء فيني كل هذا والحين يرسل مو شي غريب ولا انا غلطانه
وعلى فكره البنت الي تزوجها اكبر مني مرررررررررررره ويقولون اني احلى منها طبعا انا ماشفتها هذا كلام الناس بنات الله يسعدكم اعطوني حل لمشكلتي وكيف اتعامل معاهم مع ان ابوه حق مشاكل ويقولون ان ابوه يقوله لا تطلقها الين ترد نص المهر حسبي الله عليهم ونعم الوكيل الله يذوقهم اللي ذقته
والله حرام حملوني لقب مطلقه من بدري