خياطتي المؤلمة

السلام عليكم ورحمة الله وبركاته

الحمد لله أنا ولدت وصار لي 28 يوم ياربي لك الحمد

طبعا وسعوني أثناء الولادة ..وبعدها جت الدكتورة وخيطتني

الدكتورة هذه أنا أثق فيها جدا والمستشفى كمان يعني ماولدت عندهم إلا أنا واااااثقة من شغلهم

المهم أستخدمت للخياطة كريم ميبو كتبته لي الدكتورة ولا أستخدمت الموية والملح لأني سمعت أنها تضر المهبل

جلست 27 يوم لا طاحت الخيوط ولا أنشفى جرحي وكأني أمس مخيطة تخيلو ألم ولا أقدر أمشي ولا أجلس

صراحة أستغربت وقلت بأروح لدكتورة ثانية تشوف ايش الموضوع

ولما رحت كانت الصدمة .. قالت لي الخياطة فيها صديد .. والخيوط ماطاحت والجلد التحم على الخيوط ..

قلت لها طيب ليش الخيوط ماذابت .. ولا طاحت من حالها .. لأني أنا مجربة المستشفى هذه وخيوطهم من النوع

اللي تطيح من حالها ما يحتاج لها فك .. والمره هذه بالذات سألتهم قلت لهم في موعد مراجعة قالولي لا خلاص

انتهينا ..

الدكتورة الثانية اللي كشفت علي قالت لي إن الخيوط اللي حطتها لي الدكتورة غلط .. .وانها ما تستخدم للخياطة الخارجية . لأنها من النوع اللي ينزل بعد ست شهور .. يعني تستخدم للخياطة الداخلية فقط ..

هذه الدكتورة الثانية كمان أنا أثق فيها وجربتها مرة قبل كذا وصراحة ممتازة

ياربي مين أصدق .. لكن مبين عليها صادقة ..

المهم جابت المقصات وقصت الخيوووط وأنا أتألم ألم فظيع وورتني الخيوط وقالت شفتي ماذابت . . وأعطتني

كريم وموعد مراجعة ...

بالله يصير دكتورة تغلط في نوع الخيط .. ؟؟

يعني لو سكت على الألم وأتحملت كان التهب الجرح وصارت لي مصيبة لاسمح الله

المهم ياحبيباتي بعد هالقصة الطويلة أبغ أسأل مين صار لها مثلي ؟؟

وهل تستخدمو كريم على الخياطة وايش اسمو ؟؟

ومشكورين