التقشير الكربوني خطيييييير ويجننن

السلام عليكم
كيفكم ياحلوين
بما ان الاجازه جات ورمضان وبعدها عيد وكلن بيسافر ابقولكم عن حاجه سويتها ولاتندمت وجهي صار فااااااااتح واثار حب الشباب خف 80% ولله الحمد
انا كانت تجيني حبوب كريهه بجبهتي واحيانا بخدودي بس اكثر شي بالجبهه ماخليت شي لو جربته خلطات وبلاوي والله لايعيد ايام الخلطات
وقفت مع نفسي وقفه وقلت انتي بنت ومتزوجه وعندك عيال وعيب عليك تقعدين مع زوجك ووجهك كذا كأنك مراهقه ولاكأنك تعرفين مستشفيات ولا مراكز تجمييل حب شباب وبشره باهته وهالات الى متى ؟؟ بدال ماتحطين فلوسك في ملابس ومكياج وخرابيط حطيها في بشرتك ووجهك ! وجهك كرتك ✋ المهم يابنات رحت للمستشفى ودخلت للدكتوره وانا قلبي حاقد على وجهي قلت شوفي يادكتوره وجهي تريني كارهة نفسي ومتفشله من زوجي ولاعاد صرت احب احط مكياج لأن بشرتي معادت تساااعد اابد بالعكس احس المكياج يشوه بدال مايحسن
قالت الدكتوره نبدأ او نبعد حب الشباب قلت تم بس كيف ؟؟
قالت بعطيك غسول للوجه وكريم لحب الشباب يوضع وقت النوم فقط والغسول اول ما تصحين من النوم وقبل ماتنامين تغسلين وجهك وتحطين الكريم وتنامين لمدة شهر قلت خلاص تم نبدأ
واروح واشتري الكريم واشتري الغسول واقعد شهر والحمدلله خفت الحبوب بس وش الي بقى! الآثار بغيت انهبل وانتظر لين يخلص الكورس ورحت لموعدي عندها قلت يادكتوره وجهي فيه آثار وحبوب خفيفه من جهه لف الطرحه قالت انا مااشوف حبوب اشوف آثار وعلاجها تقشير
قلت ماابي تقشير بشرتي جاااافه ةماينفع قالت ( تقشير كربوني) يقشر من دون مايسبب جفاف او تقشر للجلد قلت حلو جدا وسألتها عن بشرتي الباهته قالت نسويلك جلسات ( تقشير كربوني مع نضاره وابر كاربوكسي لمدة شهر كل أسبوع جلسه أو لمدة شهرين كل اسبوعين جلسه ) قلت وش الأفضل قالت كل اسبووع الأفضل قلت خلاص ببدأ الجلسه اليوم معك قالت خلاص اوك روحي ادفعي وتعالي ، واروح عند الريسبشن وانا قلبي طاير من الفرحهه صرت اكلم نفسي واقول والله لوريك ياوجهي الزفت ان ماعدلتك !! واروح ادفع وارجع لدوري واسوي جلسه التقشير والنضاره والكاربوكسي 💪👍 طبعا جلسة التقشير مافي هذاك الألم فيه شي بسيط جدا زي نغزات الابره اما جلسة الكاربوكسي ابداااا ماحسيت فيها بس انتفاخ لعيني يقعد يومين بالكثير ويروح
والخميس الي طاف سويت جلستي الثانيه والحمدلله وجهي ينور ماشاءالله تبارك الرحمن والهالات خفففففت والاثار باقي يبيلها جلستين لأن عدد الجلسات حددتها الدكتوره اربع جلسات
انصحكم يااااعرايس او الي طالعه من نفااس او الي عندها مناسبه تسويها والله يابنااات ان وجهي تحسن 90% يارب لك الحمد وان شاءالله اذا خلصت جلساتي وافيتكم بالنتايج المرضيه وأيةسؤال انا حاضره وبالخدمه
لااتنسوون أماانه ادعوا لي ربي ييسر لي اموري واتخرج واتوظف ونبني بيتنا على خير
الله يسعدكم دنيا واخره ⚘