موقف مرعب بسم الله .... :(((

بسم الله بسم الله
صار اليوم موقف بالصباح الباكر للان جسمي يقشعر و ينتفض منه
اليوم الصبح حوالي الساعة 8 إلا شوي
صحينا على صراخ ببيتنا بس صراخ مين !!!! صوت تماما متل صوت الممثل المصري فؤاد المهندس
وكان باللهجة المصرية و مدته ما تجاوزت نصف دقيقة بس هز البيت و كلنا قمنا مفجوعين على الصالة
والله العظيم الموقف كان شديد الغرابة و روعنا كلنا ... زوجي من النوع اللي ما بيصدق أي شي ممكن احكيه ويكون بيخوف ودائما بقلي خيال ... تهيئات ..!!
اليوم اول مرة بشوفو مرعوووووب و مو مصدق .. وبنتي متجمدة مكانها
نحنا عايشين بمكان ما في عرب .. كجيران يعني كل جيراننا بنعرفهم وكلهم امريكان
ما عنا أصلا عربي بالتلفزيون ... تالت شي لما قمنا للصالة كان كل شي متل ما تركتو قبل ما ننام
وهو. التلفزيون على محطة كرتون و الصوت مكتوم تماما !!!!!!
وما في ايييي شي ممكن يطلع منه هالصوت ابدااااا
طبعا بعد الصدمة بنتي ما رضيت ترجع تنام
و انا و زوجي نحاول نعرف المصدر و التنين متأكدين انه الصوت نسخة من صوت هالممثل

المهم اني من كم يوم سالت بموضوع عن سماع إقامة الصلاة ونحنا ما حوالينا لا مساجد و لا مسلمين يوصلنا منهم الصوت بقوة متل ما سمعتو وقتها
والمصادفة بالحدثين هو المطر الشديد و البرق و الرعد


والله العظيم اني مو مستوعبة ابدا ابدا شو هالصراخ ولا من وين طلع !!!!!!!!!
وللآن جسمي بينتفض نفض و قلبي خفقاته حاسة الجيران سامعينها!!!!

بسم الله