صحون الاكواب من تنفيذي بالصور

السلام عليكم
كيفكم بنات
مرات امر من هذا القسم وتعجبني افكار كثيرة ، بس عمري ما فكرت اسوي شي بنفسي واعرضه
المهم مرة زوجي قالي لا تحطين الاكواب بدون صحن لها ، حتى ما يخرب علينا الخشب
تعرفون الكوب لا صار حار وحطيتيه على خشب صناعة وطنية خخخخخخخخ يخرب ويفش من الرطوبة صح ؟؟
وبما اني امرأة كسولة شوي صرت احط تحت الكوب مناديل ، وفي مرة رحت ساكو وعجبتني صحون اكواب على شكل مربع وبغيت اشتريها بس زوجي قال ما يحتاج حنا نسويها
استغربت اشلون بس مشيتها وما خذيتها
المهم مرة قالي خذي السراميك الباقي من تعمير البيت واعملي فيه صحون للكوب ، راح هو الله يسعده يوريني اشلون ، ورسم رسمة حلوة على السراميك وقالي زي كذا ، وبسرعة البرق جتني فكرة ورسمة احلى منها وعلى طول نفذتها لأنها سهلة جدا جدا
بس طبعا الفضل الأول والاخير لزوجي


وهذا هي عملية تنفيذ الفكرة :

اولا : هذا السراميك عندي باقي منه كثير وجالس بالسطوح مغبر غير مستفيدين منه ، رحت واخذته وجبت الطبعة اللي شايفينها + المدق الاسفنج ، وترا الطبعة و المدق خذيتهم من مكتبة جرير



2) بعدين حبيباتي طبعت الرسمة عالسراميك صار زي كذا :



3) خذيت هالقماش من جرير بعد ، مدري شسمه والله ، اللي تعرف تقولي لأني احس بالجهل



4)طبعا هالقماش قصيته على قد السراميك ولصقته عليه من تحت ، وهالعملية جدا مهمة ، لأن السراميك لوحدة يجيب عرق من تحت يعني ما استفدت شي فلازم احط القماشة عشان يمتص الرطوبة ، وثانيا عشان لا يخدش الخشب لوما حميته بهالقطعة من تحت





5) هاذي هي بعد التنفيذ


6) والان وانا حاطة فوقها الكوب :




هاااااااااااااااا اشرايكم ؟؟؟ بنات امانة ما احب المجاملات ، لو في شي ماااااااااااش قولولي ، ترا اول مرة في حياتي اطبق عمل فني خخخخخخخخخخخخخخخخخخخخخخخ