ضايقه فيني الدنيا @daykh_fyny_aldnya

عضوة جديدة

انصحوني تكفون كيف اعامل معه

السلام عليكم اخواتي

بصراحه مشكلتي مع زوجي بدت من اول يوم تملكت عليه وخطبني مادري وش اسميه هو عدواني او فرض راي راح اقول لكم كم موقف وانتو شوفوا
من اول ما تملكنا جاب لي جوال وبدينا نكلم بعض يعني على اي وقت يتصل لازم اكلمه وياويلي اذا مارديت او اذا قلت مع السلامه لدرجة انه يتصل الصباح وانا نايمه ويجلس يتصل كل شوي مايخليني انام واذا اتصل وقلت له معليش مشغوله او عندنا ضيوف بوقت ثاني اكلمك يقول لا ويجلس ساكت وانا ساكته هذا طبعا قبل الزواج
بعد الزواج وش صار صارت الهوايل اي شئ يبيه راح ياخذه غصب طيب مثلا بداية الزواج يكون في الوحده حيا يطلب اشياء واذا رفضت اسويها يمسك يدي ويرص عليها باقوى شئ لين اسوي اللي يبي مثلا مره كنت داخله المطبخ ابسوي له حاجه دخل علي قال وش تسوين قلت له اسوي لك شئ خفيف وكنت ابيها مفاجئه بس ضربني علشاني ماقلت له وش مسويه له ومشكلته انه يرجع يندم بس مايعتذر لدرجه اني مره جلست ابوس رجوله علشان ماعاد يقهرني وندم وحلف لي انه ماراح يسوي اي شئ يضايقني بس ابو طبيع ما يجوز من طبعه والله كل المواقف راحت من راسي الحين بس راح اقول لكم وش صار امس وانتم انصحوني

امس الخميس قلت ماراح اروح لاهلي ولا انزل لاهله ابجلس معاه اونطلع مع بعض بس اليوم كله له جلست اذن العشاء وقلت خلينا نطلع قال مالي مزاج قلت مو مشكله رحت لبست احسن شئ عندي با الدولاب وتكشخت قلت اسوي له جو با البيت جيت عنده جلست امزح معاه واضحك والرجال مو معي قلت له وش فيك زعلان قال مافيني شئ بس طفشان ومالي مزاج لمزحك قلن خلاص براحتك جلست وفتحت الكمبيوتر وشغلت النت قال لي حملي برنامج التقويم الهجري للجوال قلت ابشر من عيوني وجلست ادور التقويم هو يبي برنامج معين والله يابنات تعبت وانا ادور عليه من موقع الى موقع وكل موقع يقول تسجيل والحمد الله حصلته وحملته با الكمبيوتر وارسلته على جواله ويوم شافه قال ليش كتابته صغيره ماتنشاف قلت مدري بس هذا اللي لقيت قال انا شايفه مع واحد حروفه كبيره دوريه وجلست مره ثانيه تدور وقلت له ماحصلت هو هنا زعل قال لو انه موديل او طريقة حلى كان جلستس تدورينها الى الصبح بس علشانه شئ لي مااهتميتي وجلس يصارخ اقول لك دوريه انا هنا كبرت عقلي وقمت غيرت مكاني وصرت بعيده عنه هو قام من مكانه ولحقني ومعه ولاعه وقال اذا جيت اكلمك اجلسي ولا تتحركين والحين طلعي لي لبرنامج ومسك يدي يبي يولع فيها با الولاعه انا حاولت اني افك يدي من يده وعفويا جات يدي الثانيه بوجه يعني عطيته كف عفوي كنت ابي افك نفسي منه وقدرت وقمت اركض وقفلت علي الغرفه يمكن نصف ساعه الى ان يهدئ بعدين طلعت وجيت ابي اكلمه بهدوء قالم بسرعه وقفل علي وعليه الغرفه ومسك المفتاح معه والولاعه بيده وقال والله لو تسوين ها الحركات معي مره ثانيه اني لا احرقك وجلس يلحقني با الغرفه يحالو انه يولع بيدي انا هنا خلاص جاني انهيار وتعبت مسكته ودفيته على الجدار وقلت له اهدا خلنا نتفاهم بهدووء وانا ابكي وقال انا هادي ودفني على الارض وراح وفتح الباب وجلس مكانه انا جلست وجاتني كتمه بصدري اول مره تجيني ما عاد عرفت اتنفس وجلست اتشهد قلت خلاص بمووت وجهي صار ازرق هو شاقني اتشهد راح يركض وجاب لي مويه وشربني وغسل وجهي بعدين رجع لي نفسي شوي وقلت له وانا مااطلع مني الحروووف الا با الغصب بروج لاهلي بصوت واطي وتقطع بسبب الكتمه اللي جاتني قال خلاص انتي نامي الحين وبعدين روحي قلت لا اروح يعني اروح قال بعدين وراح وجلس جيت ابي جوالي او الثابت بكلم اخوي يجي ياخذني بس لقيته مخبيها عنده وانا طوال الليل اترجاه يودني لهلي ورافض وجلست بغرفة النوم وجاء هو ينام وسئلني قال وشلون صدرك الحين بس طنشته ومارديت عليه

اليوم خليته ما صحيته صحى وراح يصلي ورجع وانا قمت صليت ورجعت لفراشي وجاء العصر يقول وش فيك ناينه الى الحين تعبانه بس طنشته ولا رديت عليه وجلست با غرفة النوم مابي اجلس معه وقبل شوي اتصل عليه اخوه ونزل عنده وش اسوي انا مابي اروح لبيت اهلي لاني اذا رحت بيت اهلي والله ماراح ارجع له لو يموت او ارجع بشروط صعبه
هو الحين ندمان بس مايبي يبين انه ندمان بس وش اسوي بندمه كل مره يسوي شئ اقوى من قبل ويرجع ويندم والله تعبت معه مدري كيف اتصرف معه

ولي عوده مع التطورات

يلزم عليك تسجيل الدخول أولًا لكتابة تعليق.

تسجيل دخول

مصرقعة هانم • 15 سنة

الله يسخره لك , لكن موب طبيعي بيولع بيدك النار :09: ياروح ما بعدك روح ما يعذب بالنار الا اللي خلقها
صراحه وبدون مثالية العضوات ما ارجع الا باشد الشروط هذا لو مره ميته عليه واحبه وتكون تجربه واشوف وش يصير واهلي لازم يوقفونه عند حده هذا موب تسلط هذا مرض

لازم موقف حازم وخلي اهلك يتدخلون ولو فكرتي ترجعين باشد الشروط وانتبهي لا تحملين في هالفتره جربي 6 شهور ولو ما تعدل في فترة التجربه وبعد فرض الشروط الله يبدلك بخير منه وش ذا
هذا لو جاه عيال والا سويتي شي جامد بيشب فيك وانت نايمه

@الحمدلله@ • 15 سنة

ضروري وقفه حازمه ..

الموضوع قوي ..أيش اللي يهددك بالنــــــــار ..!!

حتى شرعآ مايجوز له ..!!

ياقلبي روحي لبيت أهلك ..خليه يتأدب نوعآ ما ويحس أن اللي سواه شيء كبير مولعبه ..!!

الحياه الزوجيه مش تسلط وأستبداد ..!!

أفرضي عليه شروط تحفظ لك حياة كريمه آمنة مطمئنه ..!!

ولاتقولين ماابي أروح لبيت أهلي ..وهو ندمان ومايبي يبين ..!!!

خلي تنكسر شوكة التسلط في نفسه ..

الشخصيه التسلطيه ..شخصيه تعتمد على قدرتها على أخافة الاخرين ..نزع ثقتهم بأنفسهم ..فرض القرارت ولو بالقوه ..!!

الموقف اللي حصل بينكم تافه ولايحتمل هالتصرف اللي سواه ..!!

أجل كيف لو رفضتــــــــي له طلب يومآ مـــــا ..أو أختلفتي معاه عند نقطه معينه ..!!

بيظل طول عمره يعيشك برعب ..وخوف ..!!

لاياقلبو فكري بعقل ..

بستان التوت • 15 سنة

الله يعينك حبيبتي
الرجال الله يهديهم اذا عصبو لا يعرفو حب ولا هذي زوجتك ولا شئ.

زوجي قلبي • 15 سنة

الله يسخره لك ويهديه

ضايقه فيني الدنيا • 15 سنة

يمكن علشان تحليل تبعه طلعت وصار عنده صديد يعني العيب منه ومو مني

انا جالسه افكر انه اذا جاء اقول له يوديني بيت اهلي او اصبر ليوم الاثنين

لاني ماابي انكد على اهلي حفلتهم

والله محتاااره

استغفر الله استغفر الله

اعوذو بالله من الشيطان