السلام عليكم ورحمة الله وبركاته
جايبة لكم النهاردة وصفة بسيطة ويارب تنال اعجابكم
بسم الله نبدأ
اول حاجة المقادير
بطاطس مقشرة ومتقطعة لدوائر متوسطة السمك - لحم مفروم- بصل - ملح -فلفل اسود- بهارات
للتغطية: بيض - دقيق - بقسماط
وزيت للتحمير
الطريقة:
- ناخد دواير البطاطس ونفتحها زى الساندويتش من المنتصف والصورة بتوضح لكم
- نتبل اللحم بالبصل المفروم نااااااااعم وملح وفلفل وبهاراتك حسب ما تحبى وفيه بعض البنات تحب تضيف مع اللحم قليل البقدونس المفروم كل ده حسب رغبتك
- نحشى وحدات البطاطس باللحم واهم حاجة انتبهى بالراحة اثناء الحشو
كنت مجهزة كمان صدور بانية وده شكلهم
كده اصبحت جاهزة للقلى نسخن الزيت على نار متوسطة نضع وحدات البطاطس ونهدى النار قليلا لتأخذ وقتها فى التسوية وتحمر من جهة نقلبها على الجهة الاخرى ونخرجها على ورق ماص للزيت
وده شكلها بعد التحمير وسامحونى انها احمرت بزيادة لانى نسيتها ههههههه كله من بنتى الله يبارك فيها
وده شكل غدانا كله اتفضلوا
وحلو الطبق ده فى العزومات لانه بيدى كمية كبيرة وبيحتاج كمية لحمة قليلة وكمان لذيييييييذ وفى انتظار تطبيقاتكم