هلا شاليمار
المشكله انه الوقت الي مختارينه نفس الوقت الي نحن نوينا نجي فيه .. و نحن ما نقدر نقدم و لا نأخر ، و هم نفس الشي
و الله جننت بزوجي ، كل شوي أسأله شو حسيت من كلام امك ؟ .. في احتمال تراجع ؟ .. في احتمال تغيير ؟ .. تعتقد ممكن يحننون علينا و غيرون رايهم ؟ .. و الله مش قصدي أكثر عليه الاسإله ، بس لأن الموضوع مش قادره اشيله من راسي
المشكله الاعظم بالنسبه لي ، اني خبرت اهلي .. و مش هاينين علي اقوللهم ان يمكن ما نجي .. الكل ينتظرنا حتى شغالة امي المفروض تسافر ، بس لما عرفت ان نحن جايين طلبت يأجلون سفرها .. قلبي يعوووورني
بس الخيره فيما اختاره الله .. انا بدعي الله ، و بنشوف شو بيصير .. ان شاء الله خير -يا رب-

الله يعينك يااختي على هالمشكلة بصراحة انا من راي انك تصبرى ولاتجرحين مشاعر اهل زوجك وما لك غير الدعاء وعسى ان تكرهوا شيئا وهو خير لكم

السلام عليكم
أن شاء الله ربى ييسرها .
بس غاليتى حاولى ما تخلى شوقك لأهلك يغلبك ويزعلوا منك أهل زوجك
حتى زوجك ممكن يزعل لو حس انك ما تبين اهله بهالوقت .
تصرفى كأن أهلك اللى بيجوا .....

وربك ييسر لكم اللى فيه الخير

بصراحه انا مااشوف فيها مشكله ابد

هي كلمه وحده من زوجك ان زوجتي صار لها سنه ماشافت اهلها فاحنا مقررين نجي

وبنشوفكم و نشوفهم و اذا لكم خاطر تجون معانا فاحنا ممنونين في عودتنا رجعوا معانا وحياكم الله

بصراحه المفروض يتقبلون الكلام .. هذا اذا هدفهم يشوفونكم

لان اذا الهدف يزورونكم فانتوا بتوفرون عليها العناء

وانا لومكانهم والموقف يصير لاخوي و حرمته ماازعل ابد ..
لان من الطبيعي بان حقك تشوفين امك و اهلك !!!!!!

ياحبيبتي بصراحه موقفك صعب والبنات كفوا ووفوا
وزي ماقالوا لاتنسين الدعاء وحالولي انك تحرصي على اوقات الاجابه
وانا اقول لو تقولوا لهم انكم راح تجون وتبغون تغيرون وتركون الغربه شوي
وان هذي الفرصه اللي مناسبه لزوجك وانه يبغى يرتاح من الشغل شوي
وهم يحاولوا يجوكم مثلا السنه الجايه اذا كنتوا مطولين او وقت غير وقت زيارتكم
وربي يكتب لك اللي فيه الخيره