بسم الله
والصلاة والسلام على رسول الله
نبينا محمد وعلى آله وصحبه ومن وآلاه
أخواتي العزيزات :
لي فتره وانا أقرأ عن حال بعض السلف الصالح
وكيف إنهم كانوا زاهدين في الدنيا
منقطعين عنها بالعباده
سلوتهم القرآن
مايتكلمون في أمر الدنيا
كل همهم الآخره
صمتهم أكثر من كلامهم
وإذا تكلموا
تكلموا بخير
ليلهم عباده
أنس بالله
ونهارهم عمل وتزود للآخره
لما أقرأ عن قصص بعضهم وأشوف حاضرنا
يا الله قد إيش إحنا بعيدين عن الله
أنشغلنا بالدنيا
ورضينا بالقليل من العمل
نكثر من الكلام
خير
شر
أي كلام وبس
أهو بنتسلى
والوقت قاعد يضيع
الوقت أثمن شي واللي هو جزء من عمرنا قاعد يضيع
ماسوينا شي
اعمالنا دائما مأجلينها
طيب لمتى ؟
هنا تذكرت مثال طرحه أحد المشايخ جزاه الله خير
يقول تخيل إنك في قاعة إمتحان
وجاك الأستاذ وقال خذ هذى ورقة الإجابه
معاك من الآن حتى سبعـــــــــــــــــين سنه
بس ها خذ بالك أنا ممكن أسحبها منك بأي وقت
ممكن بعد دقيقه
ممكن بعد ساعه
ممكن بكره
ممكن بعد سبعيـــــــــــــــــن سنه
وانت قاعد تفكر تبدأ بالحل ولا تنتظر شفت الأستاذ سحب ورقة زميلك
إيش بتسوي وقتها ؟
بتحل ؟
ولا بتنتظر ؟
هذي هي الدنيا يا أخوات مكوثنا فيها له وقت وزمن محدد
ممكن الموت يجينا بأي وقت
ومانلحق نسوي شي
وش هي الدنيا لما تخليني أخسر آخرتي ؟
مال
جاه
فيلا
قصر
سياره فخمه
طيب وبعدين؟
أكيد القبر
طيب تزودنا له ؟
أي مسافر لا جا بيسافر يعمل حسابه بكل شي عشان لا يشقى بسفره
شلون السفر للآخره
متى بنتزود له ؟
يا أخوات لازم نفوق لأنفسنا كافي تفريط
ياكثر ماضيعنا من وقت كــــــــــــــــــافي
ياكثر أملنا بالدنيا خلو أملنا يكون بالآخره
أثرت فيا مقوله قالها أحد السلف عن الإمام أحمد إبن حنبل رحمه الله
كل ما تذكرتها أحس بغصه بقلبي وحسره على نفسي
قال :
رحم الله احمد إبن حنبل ... فقد صاحبته خمســــــــــون عاما ( ماذكر الدنيا قط )
شفتوا يا أخوات ؟
ما ذكر الدنيا قط
خمسين عام ماتكلم عن مال أو بيت أو أرض أو رصيد أو راحله أو أو
شوفوا قد إيش احنا لاهين بالدنيا
شوفوا أكثر مواضيعنا بالمجالس في إيش وعن إيش
الله المستعان
بادروا يا أخوات بادروا
الورقه قربت تنسحب
نسمه بــــآرده ’’’ @nsmh_bardh_1
عضوة فعالة
يلزم عليك تسجيل الدخول أولًا لكتابة تعليق.
بنت أطيب إنسان
•
جزاك الله خير..بس نقدر نطبقها احنا لسانامايدخل حلقووونا الله يغفر لنا
الصفحة الأخيرة