مشكورين وماقصرتوا والله لا يحرمني منكم وانا حتى زوجي ما يحب الحلو لاني احب اسوي حلويات بس ما يرضى ياكل وانا اعصب واتوهق فيه واكله واتعرفون الوزن والحلو وشويستوي فهوه ايقولي الي انا احبه ما اتسوينه فقررت اخيرا والله يستر اني اسويها بس حبيباتي اذا مافيه كلافه لو تحطولي صورة الشعيريه لانه جاب لي اياها بس احسهامب اوكي ومرة ثانية مشكورين كلكم ويزاكم الله خير

home2006
مشكورةوالله لو قدرتي انج اتحصلين لي صور بكون شاكرتلج وصح طمنينا على زوجج الله يخليه الكم ويحفظه يا رب
شاهي مزبوط
مشكورة الغاليه
جينين الابية
مشكورة الغاليه
فتاة سورية
مشكورة وطريقتج وايد سهلة وان شاالله اجربها

sohappy
مشكورة وطريقتج شكلها شهي وفي نفس الوقت الواحد يوفر وقت انه يسوي كنافتين

طريقتي في الكنافه الكل ينهبل عليها، مره ذاقها واحد من قرايبنا وقال بالحرف الواحد "صار لي 8 سنوات أدور على هالكنافه" وانا ماخذه طريقتها من الانترنت

تغلين كوبين حليب
في الخلاطه تخلطين: 1/2 كوب حليب + 2 ملعقه كبيره سكر + 4 ملاعق كبار طحين رز
لما يبتدي الحليب اللي على النار يفور، تضيفين له خليط الحليب بطحين الرز وتخلطينه كله على النار الى أن يصير المزيج ثقيل،، بعدين ترفعينه من النار وتتركينه الى ان يفتر
بعد ان يفتر، تضيفين له علبة قشطه وتخلطينه
تجيبين عجينة الكنافه (shredded filo dough) وتقسمينها نصين
تفلفلين خيوط الكنافه وتصبين عليها أصبع زبده مذابه وتخلين الزبده تتخلخل الى كل الخيوط (تسوين نفس الحركه للنص الثاني)
ترصين الكنافه في صحن التقديم ،، تصبين فوقها خليط القشطه والطحين،، وتحطين فوقها النص الثاني من الكنافه
تدخلينها الفرن لمدة 45 دقيقه الى ساعه (لما يبتدي لونها يصير ذهبي)
تطلعينها وعلى طول تصبين عليها الشيره البارده

وبالهنا

مشكورة حبيبتي ع الوصفه الحلوه والله احين احترت شو اسوي ما شا الله كل وصفه احلى عن الثانيه بس بقولج هل بحصل طحين الرز في البقاله العربيه ويزاج الله خير

طحين الرز مفروض انك تحصلينه في البقاله العربيه، لكن السؤال هل راح تحصلين القشطه؟ لأني أيام ما كنت متغربه ما كنت أحصلها في البقالات العربيه وكنت أجيبها معاي من البحرين كل مره

عموما اذا حصلتي المقادير، جربي هالوصفه وما راح تندمين :)