حياتي معاه رمـــاديهـ :( انقذون يانا غلطانه ؟؟

مساء الخير

ودي احكي من اليوم لين بكرا فيني ضيقه مو طبيعيه

بنات انا وزوجي لنا سنتين متزوجين و تقريبا كل اسبوع نتهاوش على اشيا بايخه بس نكبرها


بقولكم قبل لا يجي مشكلة اليوم انا اانجنيت مدري انا غلطانه





قبل كم يوم قال اجهزي بنروح مزرعة اهلي انا و اخواني بيني و بينكم ماكان ودي اروح حاولت اقنعه بلا جدوى خصوصا اننا بنقعد الاربعا و الخميس بس حاولت فيها قال بلا نقاش انا كنت شايله هم ولدي و وحوسته

المهم تبعد عنا بيتنا 300 كيلو تخيلو 600 كيلو باقل من 24 ساعه انا وولدي 5 شهور انواع العذاب المهم

قبل مااروح قلت دق على عمتي عشان تتاكد فيه طراريح حقتنا هي هناك المهم قالت لا قلت نمر نشتري قال لا اذا رحنا اروح اجيب لك هو معاه وحده بس انا مااحبها مره واطيه و اسفنج تكسر الظهر المهم رحت الا حقات سلايفي موجوده الا حقتنا قالت طلعتها بيتهم لانها مسويه زحمه !!!!!!!!!!!!!!!! حقتي و حقت زوجي سوو زحمه

قلتله يالله روح جيب لي قال لا نامي ع الارض !!!!!!!!!!!!

وش ذا الخدامه ازين مني و الله حاولت استوعب مااستوعبت قلت الغلط غلطك هات الطراحه و انت نام عالارض وزعل لا و الشي اللي يقهر رعمتي رمت لي لحاف تقول افرشيه تحتك كاني اطرها

زوجي زعل يقول انتي المفروض تنامي عالارض مو انا مع انه عسكري و انا مو مدح بنفسي بس كنت مررررره دلوعه عندي اهلي جتني الصيحه تمالكت نفسي و سويت نفسي عادي قدام سلايفي و اخذت الطراحه و نمت


و الحين يقول انا مو محترمه اخبر الرجال هو الي ينام عالارض

اقوله اوكيه ترضى البنات على فرشهم و انا عالارض قال انتي الصغيره احترميهم

بنات ذا الرجال طبيعي و الا متخلف


و للمعلوميه امه سوت هالحركه ببيتهم بالديره يوم رحت ازورهم و انا حامل بالثامن عطت زوجي طراحه و انا خلتني انام عالارض تقول ماعندنا فرش و هي وش كثرها بس تطلع لبناتها وولثانيات


الحل ؟ تشوفوني انا غلطانه بشي