لمستخدمات غسالة دايو الأوتوماتيك

السلام عليكم و رحمة الله و بركاته
أخباركم ياغاليات ؟

حابة أستشيركم و آخذ من خبراتكم ،
اللي يستخدمون غسالة أوتوماتيك ،
اليوم و لله الحمد توني شارية من اكسترا غسالة أوتوماتيك دايو سعتها 7 كيلو ، تنشيف 70 بالمية ، ماكان هامني التنشيف مرة ، علشان كذا مافكرت آخذ تنشيف 100 بالمية ، لأني شريت نشافة مجفف حراري ، مالقيت باكسترا إلا أمريكية نسيت وش اسمها بالضبط ، النشافة ميزتها تنشف بالبخار الحار ، أطلع الملابس و أحطها بالدولاب على طول ،
طبعا بتوصلني يوم السبت الأغراض ،
حبيت أسألكم بما أني أول مرة أجرب الغسالة الأوتوماتيك ،
وش نوع الصابون اللي أستخدمه ، ينفع تايد ، ووش أفضل ملطف ينفع معاها ، و ملابس الأطفال خصوصا لاصار الوسخ كثير أي صابون أستخدمه معاها بحيث أنها تنظف .
وخصوصا اللي استخدموا دايو يعطوني خبرتهم ، تراي ماني عارفة شيء أبد ،
لاحظت من بين الأوامر 1000 دورة أو أقل ، ممكن أفهم وش معناة 1000 دورة و غيرها من الأوامر ، هي معربة ، بس أنا ماني فاهمة شيء عليها ،

كنت أتمنى أشتري ويربول بس العامل مانصحني فيها يقول اللي عندنا قديمة و ماعاد نزلوا الشركة شيء جديد ، و الأمريكية بشكل عام يقول فتحة رأسية ، و يقول أفضل شيء الفتحة الأمامية أقل استهلاك للماء و أفضل في التنظيف ،
مدح لنا lg لكن قريت كثير مايمدحونها على عكس دايو ،

فليتكم تعطوني من خبرتكم ،
و ليتكم تفهموني كل أمر في الغسالة ووش فايدته بالضبط ،
و الله يجزاكم خير و لايحرمكم الأجر ،