حطيتها لكم اهني لأن لها استخدامات كثيره كمقبلات وكوجبه رئيسيه وللساندويتش
ربيان منظف بعد التنظيف وزنه كيلوين
نص حزمة بقدونس
نص حزمة كرفس
نص حزمة كزبره خضرا
بصلتين كبار
8 فصوص ثوم كبيره
بطاطا متوسطه مسلوقه مو ذايبه
كوب طحين رز وينباع بالجمعيه مطحون خالص
حبة فلفل اخضر بارد او حار مثل ما تحبين
ملح كمون كزبره ناشفه فلفل اسود بهارات مشكله
كل هالمقادير بمفرمة اللحم او بمحضرة الطعام
عجينه لينه شوي دهني ايدج زيت وكوريها كور صغير قبل القلي بططيها بإيدج شوي وبس
اقليها بزيت والافضل مقلاة تيفال عشان الزيت ما يكون وايد لأنك بتقطينه
نار فوق الهاديه
استخداماتها
تقدم كما هي مقبلات بجانب كبه وسمبوسه بصحن مشكل
مرق الربيان
طبعا الكفته تنقلي عادي وتترك جانبا
حطي بصله مفرومه في جدر مع نتفة سمن وقلبيه حتى تذبل ضيفي لها فصين ثوم مفرومين وملعقه صغيره زنجبيل مفروم
وملعقه صغير بهارات مشكله
وفلفل اسود ورشة كمون وكزبره ناشفه
ثم اضيفي علبة معجون طماطم وليتر ماي او اكثر بشوي
خليه يغلي وبس يغلي حطي فيه لوميتين بعد ما تقبينهم عدل (لومي اسود ناشف)
ونص حزمة كزبره خضراء مفرومه كتي الكفته فيه المرق وقلبي بخفه واتركيه يطبخ 10 دقايق بس على نار خفيفه وعدلي الملح
الساندويتش
بعد ما تنقلي الكفته وتبرد
هاتي صمون صغير المدور ادهنيه من خليط(2ملعقة مايونيزمع ملعقه طحينه وفص ثوم صغير مفروم نام) ممكن تضاعفين الخلطه حسب الكميه
افرمي خس عربي وحطي الخس فوق الدهن وضعي حبة كفته
ورصيه بطبق وزينيه بجزر مبشور وخس
انا ما سويت لكم هالاطباق لأني قصدت افرزن الكفته
تتكور وتنقلي وتترك لتبرد تمام واقسمها وجبات واشيلها بالفريزر بس هالطريقه تنفع لو خزنتها للمرق بس
بس لو تبينها للتقديم او للسندويتش لا سويها فرش ممكن نسوينها اصابع لو تحبين
وبالعافيه:27:
شكلج تحبين الكبة وايد اي متخصصة فيها
الربيان مطبوخ
ليش الزيت ارمية
طبعت الموضوع وحفظتة عندي
الحين اسوي بحث شامل لاطباقك