احيانا يقولون ( فلانة نَفَسها حلو في الطبخ ) ===== اي كل شي تطبخه بيدها يصبح لذيذ
أولا : هل هذه حقيقة و الا خرافات ؟؟
ثانيا: إذا كانت حقيقة فأنا الظاهر نَفسي مو حلو في الطبخ. صدقوني كل ما اعمل طبخة تفشل لا اعرف هل المشكلة في يدي ؟ او في عدم خبرتي او في سر في الموضوع ، في شي مو طبيعي.
مستواي فقط سلطات لأنها معروف مكوناتها و مضمونة أما في الأطباق الرئيسية أفشل بصراحة.
أنا ألحين صار لي عدة سنوات على زواجي و ليلحين أكلي يلوع الكبد و ما فيه نكهة. هل في أسرار في الطبخ و الا آنا مو طبيعية؟
إلى الكويتيات (لأن ربما أذواقنا متشابهة ) أريد أكلات كويتية مضمونة و لذيذة و إذا كان من زبيريات أفضل (معروف طبخهم اللذيذ). مثال: مكابيس لذيذة ، مرق ، اسرار في طبخ الرز ، صواني بالفرن يعني اطبق رئيسية بس ها تكون فعلا لذيذة و مجربة. ابي مرة أحد يمدح طبخي و يسأل عن الطريقة.
إلى الجميع === أرجوكم أرجوكم أنقذوني بخبرتكم ترى زوجي مسكين كاسر خاطري.أبي مرة يمدح طبخي ماكو.
يلزم عليك تسجيل الدخول أولًا لكتابة تعليق.
أشكرك حبيبتي رفرف
و انا لي سوابق معاك في حلو الأوريو (آنا اللي قال لي زوجي لا تسويين هذا الحلو مرة ثانية لأنه شكله مقزز و قالت لي بنتي انتي مسوية حنة ! )
أولا اشكرك على الطبق و هذا إن دل فإنما يدل على لطفك
ثانيا
آنا مشكلتي أن زوجي مايحب إلا العيش (الرز) و دائما يلح علي أن أتفنن في طبخات العيش و أنا لا أعرف شنو أسوي معاه
و طبخات العيش هي الوحيدة التي تأتي مع الخبرة إذا ماني غلطانة . و آنا الظاهر ماكو فايدة مني
لأن دائماً يقول لي : انتي للحين ما تعرفين تطبخين عدل عقب كل هالسنوات ؟؟؟؟؟؟
لأني مازلت آخذ غدا من بيت أهلي لأن طبخي يفشل ( بس بصراحة فشلانة منهم ). ما أدري
الظاهر فيني شي مو طبيعي. أو في أسرار في الطبخ لازلت لا أعلم فيها.
و انا لي سوابق معاك في حلو الأوريو (آنا اللي قال لي زوجي لا تسويين هذا الحلو مرة ثانية لأنه شكله مقزز و قالت لي بنتي انتي مسوية حنة ! )
أولا اشكرك على الطبق و هذا إن دل فإنما يدل على لطفك
ثانيا
آنا مشكلتي أن زوجي مايحب إلا العيش (الرز) و دائما يلح علي أن أتفنن في طبخات العيش و أنا لا أعرف شنو أسوي معاه
و طبخات العيش هي الوحيدة التي تأتي مع الخبرة إذا ماني غلطانة . و آنا الظاهر ماكو فايدة مني
لأن دائماً يقول لي : انتي للحين ما تعرفين تطبخين عدل عقب كل هالسنوات ؟؟؟؟؟؟
لأني مازلت آخذ غدا من بيت أهلي لأن طبخي يفشل ( بس بصراحة فشلانة منهم ). ما أدري
الظاهر فيني شي مو طبيعي. أو في أسرار في الطبخ لازلت لا أعلم فيها.
رفرف
•
هههه والله والله كسرتي خاطري ...... انزين شنو مشكلتج مع العيش ؟؟ يعني شنو اللي ما يضبط معاج يمكن اقدر اساعدج ؟؟
هلا بالكويتية
بقولك شغلة بسيطو وان شاء الله تشجعك
انا اعرف واحدة عليها ديكور لتزيين الطعام ولا حصلت مع احد
تحط الصينية والديكور من خضراوات وشكل السفرة يفتح النفس
بس للاسف طعم مافي وصدقيني نصيحة اهتمي بشكل الطبق وديكوره بطريقة حلوة
وانا بنتظر ردك عطيني مشاكلك مع الارز وشنو نوعية الارز اللي يفضلها زوجك
وحطي وصفة واحدة من وصفاتك اللي تسوينها عشان نعرف وين الخلل
حياك
بقولك شغلة بسيطو وان شاء الله تشجعك
انا اعرف واحدة عليها ديكور لتزيين الطعام ولا حصلت مع احد
تحط الصينية والديكور من خضراوات وشكل السفرة يفتح النفس
بس للاسف طعم مافي وصدقيني نصيحة اهتمي بشكل الطبق وديكوره بطريقة حلوة
وانا بنتظر ردك عطيني مشاكلك مع الارز وشنو نوعية الارز اللي يفضلها زوجك
وحطي وصفة واحدة من وصفاتك اللي تسوينها عشان نعرف وين الخلل
حياك
انا مشكلتي مو بالطبخة نفسها مشكلتي أن الطبخة مافيها نكهة.
يعني مثلا العيش أسوييه لا هو مالح و لا هو ماصخ يعني ملحه زين. + الحبة جيدة النضوج لكن مافي نكهة بالأكل ما أدري ليش
كمثال: عملت سمك زبيدي مطبق (مكبوس سمك) ....... العيش طعمة اصبح مثل طعم العيش المشخول
أما السمك و ما أدراك ما السمك ، هو ناضج و نظفته عدل بس من غير طعم ما أدري ليش.
مسحت على السمك بخلطة: ملح+ ثوم + عصير ليمون + بهارات ثم قليته ووضعته فوق العيش.
لكن كل الذي وضعته ما حسيت بطعمة اثناء الغداء ما أدري تحطون شي ثاني بالسمك و الا شلون ؟
حتى زوجي كل مرة يجاملني لكن هالمرة قال : هذا كأن عيش مشخول مع سمكة مقلية !
يعني مثلا العيش أسوييه لا هو مالح و لا هو ماصخ يعني ملحه زين. + الحبة جيدة النضوج لكن مافي نكهة بالأكل ما أدري ليش
كمثال: عملت سمك زبيدي مطبق (مكبوس سمك) ....... العيش طعمة اصبح مثل طعم العيش المشخول
أما السمك و ما أدراك ما السمك ، هو ناضج و نظفته عدل بس من غير طعم ما أدري ليش.
مسحت على السمك بخلطة: ملح+ ثوم + عصير ليمون + بهارات ثم قليته ووضعته فوق العيش.
لكن كل الذي وضعته ما حسيت بطعمة اثناء الغداء ما أدري تحطون شي ثاني بالسمك و الا شلون ؟
حتى زوجي كل مرة يجاملني لكن هالمرة قال : هذا كأن عيش مشخول مع سمكة مقلية !
الصفحة الأخيرة
المقادير :
علبة صدور دجاج (تقريبا 6 صدور)
نص ملعقة كبيرة تقريبا ثوم مدقوق + بصلة كبيرة مقطعة شرايح
حبة فلفل اخضر بارد مقطعة شرايح+ شوية شرايح جزر+علبة مشروم مقطع (ممكن تستغنين عن اي شي منهم عادي او تحطين نوع واحد بس او نوعين )
مكعب دجاج ماجي
علبتين كريمة كي دي دي الحمرا
خل + ليمون + ثوم لتتبيل الدجاج
بهارات (لومي مطحون + كاري + بهارات دجاج ) تقريبا نص ملعقة صغيرة او حسب الرغبة من كل نوع
الطريقة :
- تقطعين الصدور الى مكعبات متوسطة وتتبلينها بالخل والليمون والثوم وتخلينها تقريبا ساعة او اكثر بالثلاجة وبعدين تدخلينها الفرن مع التتبيلة الى ان تستوي ( ممكن تستغنين عن هالخطوة بس طعم الدجاج فيها بيكون احلى)
- تحمسين البصل والثوم مع شوية زبدة او زيت وتحطين الفلفل والمشروم وتقلبينهم الى ان يذبل لونهم وبعدين تضيفين الدجاج والبهارات والماجي ( ماله داعي تحطين الملح لأن الماجي بيكون ملحها كافي) واخيرا تصبين فوقهم الكريمة وتقصرين النار وتخلينها 10 دقايق تقريبا الى ان تثخن الكريمة وتقدمينها .... ولو تحبين تقدرين تحطين فوقها جبن موزاريلا وتدخلينها الفرن تتحمر ....... وبالعافية مقدما .
ترى الخطوات وايدة بس هي سهلة في الواقع ودايما اسويها لما اكون مستعيلة ....