تحذير

صباح الخير عليكم جميعا

علشان غلاوتكم عندي عايزة احذر كل بنت من شرب الاعشاب اللي من عند العطار
صديقتي توفيت الي رحمة الله تعالي الاسبوع الماضي طبعا الاعمار بيد الله سبحانه وتعالي البداية هي اشترت من حوالي شهرين ونص اعشاب وكانت بتاخذها مرتين في اليوم طبعا نزل وزنها حوالي 25 كيلو في شهرين هي كانت فرحانة جدا بالنزول ده بس كان منظرها كانها واحدة عندها 80 سنة وهي كانت في الثلاثين المهم نصحناها تبطل شرب اعشاب
علشان صحتها تعبت جدا لدرجة انها كان بيغمي عليها في المكتتب وحصل لها هبوط في الدورة الدموية والغضط كان منخفض جدا طبعا الاعشاب عملت لها سد نفس فظيع لدرجة انها ماكانتش بتاكل غير وجبة واحدة في اليوم
ربنا يرحمها ويجعل مثواها الجنة بس انا حبت انبهكم علشان صحتكم وفعلا مافيش احسن من الرياضة والمشي للي عايزة تنزل من وزنها