السلام عليكم ورحمة الله وبركاته
قضية الراي العام السعودي في هذه الفترة الشغالات بين مؤيد لوجودهم ومعارض لهم
ماراح اتكلم واقول اناقش واقول مع او ضد الموضوع اخذ مساحة كافيه من النقاشات
مشكلتي في اطفالي بعد مايطلعون من المدرسة وين يروحون وانا ما ارجع من العمل الا الساعة 4:30 !!
لا نضيع الوقت في مناقشة المشكله بل نبحث عن الحلول
لذلك فكرت في مشروع جديد قديم .. جديد على مجتمعنا في الرياض بس منتشر في بعض المناطق والدول
وهو ان اللي جالسة في البيت سواء عزباء او متزوجه وتشوف فيها همه عاليه ونشاط وبحاجة للكسب المادي وتاخذ اجر في المقابل
هو حضانة منزلية .... لو كل شارع فيه وحده تستلم الاطفال ماراح يكون زحمه عليها تخصص غرفة للعناية بالاطفال
وتقدر تختار حسب اللي هي تحب فيه اللي تحب الاطفال الرضع .. وفيه اللي تحب المتحركين تحت سن المدرسة وفيه اللي ما تفضى الا بعد الساعه 11 وتبغى بس الاطفال بعد ما يطلعون من المدارس .. واللي تبيهم بس اولاد واللي تبي بس بنات .... الخ
يعني كل وحده تشوف في نفسها وش تحب واللي يريحها وتكون سوت خير فينا نرتاح من الشغالات لان سبب وجودهم عندنا ماهو اننا ما نبي تشتغل في البيت الهدف الاساسي انها تجلس مع اطفالنا فقط
وكل وحده تشوف العدد اللي تقدر تتحمله ومساحة بيتها تتحمله فيه اللي تقدر على 3 وفيه اللي 5 واللي تكون عندها احد يساعدها بالبيت سواء شغاله او اختين في بيت او ام وبنتها ممكن ياخذون عدد اكبر
ولو فرضنا كل طفل بمبلغ ( 50 ريال ) في الساعة .. وهي ماسكه 5اطفال كل يوم 9 ساعات . بيطلع نهاية الشهر تقريبا (( 2250 )) + اجر غير معلوم من الله
وبدل ما ادفع راتب 1500 لوحده اندوسية او فلبينيه ادفعه لسعوديه وانا مرتاحه على عيالي ومثل ما يقولون (( دهنا في مكبتنا ) )
واللي بتقول هذا مخالف لقوانين وزارة العمل ... ماعلينا منهم لو ننظرهم جت الالفيه الرابعه ما حلو المشكله بالعكس يمكن اذا شافو المجتمع منسجم وراغب بهالمشروع بيطلعون تصاريح ممارسة العمل
وش رايكم انتم سواء كنتي موظفة (( مرسلة لاطفالك )) او عاطلة (( مستقبله للاطفال )) تتقبلين الموضوع .. واي حلول تشوفون انها تفيد للحد من هالمشاكل اعرضيها وخلونا ننقاش بعض
يلزم عليك تسجيل الدخول أولًا لكتابة تعليق.
فكره رائعه
وانا معك كثييير اتأذووا اطفالهم من ورا عنف الشغالات
وانا مستعده للي تبي تحط اطفالها عندي ولها انها تجي تستلمهم مثل مانزلتهم
وبالتوفيق
وانا معك كثييير اتأذووا اطفالهم من ورا عنف الشغالات
وانا مستعده للي تبي تحط اطفالها عندي ولها انها تجي تستلمهم مثل مانزلتهم
وبالتوفيق
خيالي يميزني
اكيد افضل بس لمتى ننتظر !! ممكن الوحده تبدا بهالمشروع ومع الوقت تاخذ تصريح وخبره وتفتح حضانه رسميه
اكيد افضل بس لمتى ننتظر !! ممكن الوحده تبدا بهالمشروع ومع الوقت تاخذ تصريح وخبره وتفتح حضانه رسميه
شموخ
كفوووو هذا اللي متوقعته من بنات حواء
بس قولي على الاقل باي حي علشان اللي معاك بنفس الحي تتواصل معك وتتفقون
كفوووو هذا اللي متوقعته من بنات حواء
بس قولي على الاقل باي حي علشان اللي معاك بنفس الحي تتواصل معك وتتفقون
الصفحة الأخيرة
هو للنقاش ما بعد تنفذ