ماشالله عليك يااخت شام مواضيعك كثير حلوه ومفيده من وين تجيلك هل الافكار ماشالله ... احكيلكم فكرتي الموتواضعه ماحبيت اطلع من الموضوع بدون ما ارد...

دايما نفسي في الزريعه المداده وكل مااحطها مكان ياتموت ياانسي اسقيها لحد لما وضعتها علي شباك المطبخ وصرت كل ما اشوف كاسه او ابريق فيها ماء او شاي او نعناع او ميراميه اسقيها فيها لحد لما كبرت وعرشت وعبتلي المطبخ بسرعه كبيره وانا فرحانه فيها كثير .. رح تسالو طيب وين الفكره رح اقولكم الفكره هي حتي تساعدي النبات علي انه ينبت بسرعه اسقيه مو بس ميه وسلامتكم ان شالله فهمتو علي ... وسلامتكم

موضوع كثير كثير حلو جزاك الله كل خير يا شام دائما مبدعة اما بالنسبة الي يلي متذكرته حاليا
فكرة بترتيب البيت
انا عاملة برنامج لترتيب وتنظيف البيت بشكل يومي واسبوعي وشهري وحاطته قدامي بحيث اني شوفه كل وقت والثاني وبهيك بعرف شو علي ثاني يوم من تنظيف وتوضيب وغسيل و و و و و و ........ الخ وبحاول دائما بعد الدعاء والالتجاء لله انو طبقه وما بتعرفوا قديش سعادتي وقت ربي ييسر لي وطبقه بحذافيره سبحان الله راحة وسعادة نفسية ................. :39:
فكرة دينية
احيانا وقت بفيق الصبح وبلاقي علي شغل كثير :icon33: وحاسة حالي ما لي نفس اعمل شئ واني كسلااااااااااااانة لاقصى الدرجات :crap: بتذكر حديث عن الرسول بما معناه قول 10 مرات لا اله الا الله وحده لا شريك له ................. يذهب عنك الكسل وتشعري بنشاط .... سبحان الله والله بقولكن مفعولها مثل السحر اذا جربتوها ......
هذا يلي بذهني هلق واذا تذكرت شئ ان شاء الله برجع وبكتبه
:upsidedow :upsidedow :upsidedow

أهلا غالياتي ....

افكاركن روعة الله يجزيكن الخير

اوركيديا .أنا هيك بقطب كمان قطبة درزة بس بتطالع الروح

كنت خيط جلايل للصوفيات عندي مشان ما يتوسخ وجههم ....... بس هلا يا دوب الحق كم شغلة ....

دمعة حزن .بجيبها من صندوق الافكار تبعي ......هههه

ذكرتيني بصديقتي كانت تسقي زريعتها بالشاي وماشاءا لله مشيت ببيتها كله

بس الشاي روحلها لونها وعملها اخضر أكتر من طبيعتها .....

ساجدة .....ماشاء الله حولك ..... الله يحميك يا رب

لوليا ..بانتظارك غاليتي وانت الأروح

مانولا ..فكرة عظيمة ومهمة

وهي عل ىفكرة منتشرةةبأمريكا

دائما على الكامونتر بالمطبخ بحطوا مفكرة كبيرة قدر الكاونتر كله وبيكتبوا عليها
بس بصراحة ما قدرت اعمل هيك لان ولادي يخزي العين بيعملوها مرسم

اهلا يا صبايا

مع ساجدة في التخطيط انا ما بعمل جدول و لكن بصمم هذا اليوم هيك و هذا اليوم هيك و هكذا و معها في الدعاء عند الصبح او اي وقت لان الدعاء فعلا يمد بالقوة

تذكرت شغلة اكيد غيري كتار بيعملوها لكن بحطها للتذكير فقط

انا بعمل ليستة(بحرص اني حطها في شنطتي لما بكتبها احسن ما انساها متل العادة) بسبع اكلات لسبعة ايام و بروح على السوق بجيب الكل و بزبطهم اللي بدو براد و اللي بدو تلاجة و هيك بدل ما اضهر على السوق كل يومين بروح مرة واحدة بالاسبوع و ما بعود بهمل هم شو بدي اعمل اكل
و بستغل الوقت اللي كان بدي اضهر فيه لشراء الاغراض بشغل اشياء تانية بالبيت خياطة او كوي او تعزيل او ترتيب خزاين لان اذا ما تابعتهم بيتلخبطوا بتعرفوا الرجال كيف بياخذو اغراضهم او غير ذلك من الاعمال اللي مطلوبة و روحة السوق بتروح من الوقت اللي مخصص الها

و طبعا بس اتذكر شي تاني برجع مش هي دعوة مفتوحة

ما شاء الله موضوع حلو ياشام وافكار جميلة ولي عودة للموضوع باذن الله