محتاجه أرائكم فلا تبخلوا علي بها الله يفرج ويسعد كل من ترد علي ........

وعليكم السلام ورحمة الله وبركاته

طبعا نستبعد اندونيسيا جدا من القائمة

أولا لانه نفسيتك تعبانة فلازم لك مكان قريب واندونيسيا بعيدة

دا غير الأسباب اللي انتي ذكرتيها

وسلطنة عمان والإمارات أنا ماحبهم لأنه دول خليجية

فما حس تقدري تاخدي راحتك فيها مزبوط

بس طبعا الإمارات مرة حلوة يعني من جد إن شاء الله تنبسطي فيها لو رحتي

والبلد مرة رايقة خصوصا دبي بس برضه دولة خليجية

حيكون جوها زي جونا وطباعهم زي طباعنا

يعني ماحس حتحسي بالتغيير خصوصا انه نفسيتك تعبانة

وأنا عن نفسي ما رحت من دي الدول اللي ذكرتيها إلا مصر

وأقلك ترى مصر مرة اتغيرت

ولو اطفالك يبغوا بسكويت وغيره لا تشيلي هم المستورد هناك مليااااان

مصر فيها الرخيص وفيها الغالي وفيها الأكل النضيف وفيها الأكل الوسخ

فلو حبيتي تسكني وتريحي نفسك من جد

روحي في الفور سيزون النيل بلازا اللي في جاردن سيتي

الفندق جدا فخم وراقي والمطاعم اللي فيه طعمة والفندق على النيل

غير كدا تحته في دور خاص spa تستخدمي الجاكوزي والسونا والبخار مجانا مع الغرفة

وعندهم بفلوس مساجات وتقشير جسم ووجه وحمام حليب وموية ورد حاجات روووووعة

وغير كدا في نفس الفندق فيه سوق فيه ماركات بعضها ماهي موجودة فالسعودية

ومعظم البضائع ماهي موجودة في السعودية

وتلاقي عليها تخفيضات توصل لفوق الخمسين بالمية

وجنب الفندق دا في فندق جراند حياة فيه زي البقالة صغيرة فيها كل البسكويتات

وفيها اظن اكتر من 4 دور عرض سينما وفيها كمان اسواق

وفيه كمان مكان لألعاب الأطفال يعني كل شي بيكون جنبك

وأصلا انضف منطقة في مصر هيا جاردن سيتي فلو سكنتي هناك من جد إن شاء الله تنبسطي

وتقدي يوم تودي الأطفال وتروحوا تتمشوا في سوق سيتي ستار

السوق جدا كبير وفيه ألعاب ومطاعم زي اللي موجودة في السعودية

وفي مطعم اسمه أبو السيد مررررررة نضيف وأكله كله زي أكل البيت

المطعم دا له فرعين واحد في سوق سيتي ستار والتاني في نفس البلد نسيت فين بالزبط

وإن شاء الله تنبسطي في سفرتك وعموما القرار بيدك

إنتي قرري وبشريني فين حتروحي :)

لا تفوتك اندونوسيه رهيبه

انا رحت مصر ورحت الأمارات...بالنسبة للأمارات حلوة وفيها اماكن حلوة للأطفال بينبسطون فيها بس انها حر..واذا تبين طبيعه عندك بالأمارات منطقه اسمها خورفكان..ًراحه روووعه شي مو طبيعي..
واذا على مصر فيها الأكل النظيف وفيها الوسخ...بس ترى شي طبيعي الأطفال بيتأثرون من الأكل الجديد والجو الجديد...يعني لاتشيلين هم ولا في اي مشكله انا واهلي سنويا نروح مصر وسنويا نتأثر من اكلهم....عموما مصر حلوه ووناسه وانا احبها

حبيتي لا نفكرين باندنوسيا ابدا ابدا

ولله ان انا وأهلي مو مصدقين اختي كيف ردت السعودية بعد الي صارلها هناك بأندنوسيا هي وزوجها سرقوا جوازاتهم وبطاقات البنكية لا بعد التاكسي يلي ركبوا فيه علشان يروحوا السفارة وقف عليهم بنص الطريق وبغى يختطفهم لوما ستر ربي ثم زوجي ماشاء الله عليه رياضي فدافع عنهم ولله ايش أقولك فلم هندي تصدقي أختي من يومها وهي متأزمة وصارلها ثلاث أشهر من يوم ردت .

الإمارات : حر ورطوبة وغالية لا مافي مناظر تفتح النفس كلها يا أسواق أو ناطحات سحاب وصدقيني يومين وراح تملي انتي عيالكم بعدين ما فيها جو رومانسي خاص فيكي أنتي وزوجي .

أنصحك تروحين يا سنغافورة او تايلند .

سنغافورة : روعة طبيعة المناظر الناس ولا تطالع فيكي كل بحاله يمشي الجزر يلي حوليها بس غالية شوية .

تايلند : جنة الله في الأرض طبيعة خلابة جو رائع أما ممطر أو مغيم قله من الناس تمشي بالسيارات كلهم بالقوارب يتنقلون بالنسبة للأطفال راح ينبسطوا لان الحيوانات كثيرة وبكل مكان راح يستمتعوا معاها .

حبيتي لا نفكرين باندنوسيا ابدا ابدا

ولله ان انا وأهلي مو مصدقين اختي كيف ردت السعودية بعد الي صارلها هناك بأندنوسيا هي وزوجها سرقوا جوازاتهم وبطاقات البنكية لا بعد التاكسي يلي ركبوا فيه علشان يروحوا السفارة وقف عليهم بنص الطريق وبغى يختطفهم لوما ستر ربي ثم زوجي ماشاء الله عليه رياضي فدافع عنهم ولله ايش أقولك فلم هندي تصدقي أختي من يومها وهي متأزمة وصارلها ثلاث أشهر من يوم ردت .

الإمارات : حر ورطوبة وغالية لا مافي مناظر تفتح النفس كلها يا أسواق أو ناطحات سحاب وصدقيني يومين وراح تملي انتي عيالكم بعدين ما فيها جو رومانسي خاص فيكي أنتي وزوجي .

أنصحك تروحين يا سنغافورة او تايلند .

سنغافورة : روعة طبيعة المناظر الناس ولا تطالع فيكي كل بحاله يمشي الجزر يلي حوليها بس غالية شوية .

تايلند : جنة الله في الأرض طبيعة خلابة جو رائع أما ممطر أو مغيم قله من الناس تمشي بالسيارات كلهم بالقوارب يتنقلون بالنسبة للأطفال راح ينبسطوا لان الحيوانات كثيرة وبكل مكان راح يستمتعوا معاها .